Latest News

സമുദ്രജലം ശുദ്ധീകരണത്തിന് ആധുനിക രീതി; പദ്ധതിക്ക് ലക്ഷ്വദ്വീപിൽ തറക്കല്ലിട്ടു

ഓഷ്യന്‍ തെര്‍മല്‍ എനര്‍ജി കണ്‍വേര്‍ഷനിലൂടെ സമുദ്രജലം ശുദ്ധീകരിക്കുന്നതിനുള്ള ലോകത്തെ ആദ്യ പദ്ധതിയാണിത്

ലക്ഷ്വദ്വീപ്: ഓഷ്യന്‍ തെര്‍മല്‍ എനര്‍ജി കണ്‍വേര്‍ഷനിലൂടെ സമുദ്രജലം ശുദ്ധീകരിക്കുന്നതിനുള്ള പദ്ധതി ലക്ഷ്വദ്വീപിൽ ആരംഭിക്കും. കേന്ദ്ര ഭൗമശാസ്ത്ര മന്ത്രാലയത്തിനു കീഴിലുള്ള നാഷണല്‍ ഇന്‍സ്റ്റിറ്റ്യൂട്ട് ഓഫ് ഓഷ്യന്‍ ടെക്‌നോളജിയാണ് പദ്ധതി നടപ്പാക്കുന്നത്. കേന്ദ്ര ശാസ്ത്ര സാങ്കേതിക പരിസ്ഥിതി മന്ത്രി ഡോ. ഹര്‍ഷ് വര്‍ദ്ധന്‍ ലക്ഷദ്വീപിലെ കവരത്തിയില്‍ പദ്ധതിക്ക് തറക്കല്ലിട്ടു.

ലോകത്ത് ആദ്യമായാണ് ഓഷ്യന്‍ തെര്‍മല്‍ എനര്‍ജി കണ്‍വേര്‍ഷനിലൂടെ സമുദ്രജലം ശുദ്ധീകരിക്കുന്നത്. ശുദ്ധജലം ഉത്പാദിപ്പിക്കുന്നതിന് പുറമേ, നീരാവിയില്‍ നിന്നും ഊര്‍ജ്ജോത്പാദനം നടത്തുന്നതിനും ഓഷ്യന്‍ തെര്‍മല്‍ എനര്‍ജി കണ്‍വേര്‍ഷനിലൂടെ സാധിക്കും. പരിസ്ഥിതിസൗഹൃദ-സ്വയം പര്യാപ്ത സമുദ്രജല ശുദ്ധീകരണ പ്ലാന്റുകള്‍ സ്ഥാപിക്കുന്നതിന്റെ ഭാഗമായാണ് പുതിയ പദ്ധതിക്ക് തുടക്കം കുറിച്ചിരിക്കുന്നത്.

നേരത്തെ 2005 ൽ കവരത്തിയില്‍ ലോ ടെമ്പറേച്ചര്‍ ഡിസലൈനേഷന്‍ പ്ലാന്റ് ആദ്യമായി സ്ഥാപിച്ചിരുന്നു. കേന്ദ്ര ഭൗമശാസ്ത്ര മന്ത്രാലയത്തിനു കീഴിലുള്ള നാഷണല്‍ ഇന്‍സ്റ്റിറ്റ്യൂട്ട് ഓഫ് ഓഷ്യന്‍ ടെക്‌നോളജിയാണ് പ്ലാന്റ് സ്ഥാപിച്ചത്. 2011 ല്‍ മിനിക്കോയിലും, അഗത്തിയിലും രണ്ട് പ്ലാന്റുകളും സ്ഥാപിച്ചു. ഈ പ്ലാന്റുകളിലൂടെ പ്രതിദിനം 1.5 ലക്ഷം ലിറ്റര്‍ ശുദ്ധജലമാണ് ഉത്പാദിപ്പിക്കുന്നത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Ocean thermal energy conversion powered desalination project in kavaratti

Next Story
തീപിടിക്കാൻ സാധ്യത; പത്ത് ലക്ഷം കാറുകൾ ബിഎംഡബ്ല്യു തിരിച്ച് വിളിക്കുന്നു
The moderation of comments is automated and not cleared manually by malayalam.indianexpress.com