ന്യൂഡൽഹി: ഇന്ത്യ ഇപ്പോൾ അഭിമുഖീകരിക്കുന്നത് അസാധാരണമായ സാമ്പത്തിക മാന്ദ്യമാണെന്ന് നരേന്ദ്ര മോദി സർക്കാരിന്റെ മുൻ സാമ്പത്തിക ഉപദേഷ്ടാവ് അരവിന്ദ് സുബ്രമണ്യൻ. ഈ മാന്ദ്യത്തിൽ​ സമ്പദ് വ്യവസ്ഥയുടെ നട്ടെല്ല് തന്നെ തളർന്നിരിക്കുകയാണെന്നും അദ്ദേഹം പറഞ്ഞു. എൻഡിടിവിക്ക് നൽകിയ അഭിമുഖത്തിലാണ് അരവിന്ദ് സുബ്രമണ്യൻ ഇക്കാര്യങ്ങൾ​ വ്യക്തമാക്കിയത്.

2011 നും 2016 നും ഇടയിൽ ഇന്ത്യയുടെ ജിഡിപി വളർച്ച 2.5 ശതമാനം പോയിന്റുകൾ അമിതമായി കണക്കാക്കിയതായി അരവിന്ദ് സുബ്രമണ്യൻ ഈ വർഷം ആദ്യം അവകാശപ്പെട്ടിരുന്നു. ജിഡിപി (മൊത്ത ആഭ്യന്തര ഉത്പാദനം) ഡാറ്റയെ സമ്പദ്‌വ്യവസ്ഥയുടെ അഭിവൃദ്ധിയുടെ സൂചകമായി കണക്കാക്കുന്നതിനെക്കുറിച്ച് ജാഗ്രത മുന്നറിയിപ്പ് നൽകി. “ജിഡിപി നമ്പറുകൾ ശ്രദ്ധാപൂർവ്വം നോക്കേണ്ടതുണ്ട് എന്നത് ഇപ്പോൾ ആഗോളതലത്തിൽ അംഗീകരിക്കപ്പെട്ടിരിക്കുന്നു,”അദ്ദേഹം പറഞ്ഞു.

Read More: ഇന്ത്യയിൽ സാമ്പത്തിക മാന്ദ്യത്തിൽ; കരകയറാൻ എളുപ്പമല്ല: ഐഎംഎഫ്

മു​മ്പ് ഇ​ന്ത്യ സാ​മ്പ​ത്തി​ക മാ​ന്ദ്യ​ത്തെ നേ​രി​ട്ട​പ്പോ​ൾ (2000-2002 കാ​ല​ത്ത്), ജി​ഡി​പി 4.5 ശ​ത​മാ​ന​ത്തി​ന് അ​ടു​ത്താ​യി​രു​ന്നെ​ങ്കി​ലും, ക​യ​റ്റു​മ​തി ക​ണ​ക്കു​ക​ൾ, ഉ​പ​ഭോ​ക്തൃ വ​സ്തു ക​ണ​ക്കു​ക​ൾ, നി​കു​തി വ​രു​മാ​ന ക​ണ​ക്കു​ക​ൾ എ​ന്നി​വ​യൊ​ക്കെ പോ​സി​റ്റീ​വ് വ​ള​ർ​ച്ച​യാ​ണ് രേ​ഖ​പ്പെ​ടു​ത്തി​യ​ത്. ഈ ​സൂ​ച​ക​ങ്ങ​ൾ ഇ​പ്പോ​ൾ നെ​ഗ​റ്റീ​വോ തീ​രെ വ​ള​ർ​ച്ച​യി​ല്ലാ​ത്ത അ​വ​സ്ഥ​യി​ലോ ആ​ണ്. അ​തു​കൊ​ണ്ടു ത​ന്നെ ഇ​ത് സാ​ധാ​ര​ണ മാ​ന്ദ്യ​മ​ല്ല, അ​സാ​ധാ​ര​ണ സാ​ഹ​ച​ര്യ​മാ​ണെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

ഇ​താ​ദ്യ​മാ​യ​ല്ല രാ​ജ്യ​ത്തി​ന്‍റെ സമ്പദ് വ്യവസ്ഥ സം​ബ​ന്ധി​ച്ച് അ​ര​വി​ന്ദ് സു​ബ്ര​ഹ്മ​ണ്യ​ൻ വി​മ​ർ​ശ​ന​ങ്ങ​ൾ ഉ​ന്ന​യി​ക്കു​ന്ന​ത്. ഇ​ന്ത്യ​ൻ സമ്പദ് വ്യവസ്ഥ അ​ത്യാ​ഹി​ത വി​ഭാ​ഗ​ത്തി​ലേ​ക്കു വീ​ഴു​ക​യാ​ണെ​ന്ന മു​ന്ന​റി​യി​പ്പു​മാ​യി സു​ബ്ര​ഹ്മ​ണ്യ​ൻ രം​ഗ​ത്തെ​ത്തി​യി​രു​ന്നു. ഇ​ന്ത്യ വ​ൻ സാ​മ്പ​ത്തി​ക ​മാ​ന്ദ്യ​ത്തെ​യാ​ണ് അ​ഭി​മു​ഖീ​ക​രി​ച്ചു കൊ​ണ്ടി​രി​ക്കു​ന്ന​തെ​ന്നും ഇ​തി​നെ മ​റി​ക​ട​ക്കാ​ൻ അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും സു​ബ്ര​ഹ്മ​ണ്യ​ൻ മു​ന്ന​റി​യി​പ്പു ന​ൽ​കി.

സമ്പദ് വ്യവസ്ഥ​യു​ടെ ന​ട്ടെ​ല്ല് മാ​ന്ദ്യ​ത്തി​ൽ ത​ള​ർ​ന്നി​രി​ക്കു​ക​യാ​ണെ​ന്നും തൊ​ഴി​ൽ, സാ​ധാ​ര​ണ​ക്കാ​ര​ന്‍റെ വ​രു​മാ​നം, വേ​ത​നം, സ​ർ​ക്കാ​രി​ന്‍റെ വ​രു​മാ​നം എ​ന്നി​വ​യൊ​ക്കെ പി​ന്നോ​ട്ടാ​ണെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി. അ​ര​വി​ന്ദ് സു​ബ്ര​മ​ണ്യ​ൻ പ്ര​ധാ​ന​മ​ന്ത്രി​യു​ടെ സാ​മ്പ​ത്തി​ക ഉ​പ​ദേ​ഷ്ടാ​വാ​യി​രി​ക്കെ കേ​ന്ദ്ര സ​ർ​ക്കാ​ർ പു​റ​ത്തു​വി​ട്ട ജി​ഡി​പി നി​ര​ക്കു​ക​ളി​ലും അ​ദ്ദേ​ഹം സം​ശ​യം രേ​ഖ​പ്പെ​ടു​ത്തി.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook