ന്യൂ​ഡ​ൽ​ഹി: പ്രധാനമന്ത്രി നരേന്ദ്രമോദിക്കെതിരായ മോശം പരാമര്‍ശത്തെ തുടര്‍ന്ന് കോണ്‍ഗ്രസ് നേതാവ് മണി ശങ്കര്‍ അയ്യരെ പാര്‍ട്ടി പ്രാഥമികാഗത്യത്തില്‍ നിന്നും സസ്പെന്‍ഡ് ചെയ്തു. പരാമര്‍ശത്തില്‍ കാരണം കാണിക്കാന്‍ ആവശ്യപ്പെട്ട് പാര്‍ട്ടി നോട്ടീസും അയച്ചിട്ടുണ്ട്.

സംഭവത്തില്‍ മ​ണി​ശ​ങ്ക​ർ അ​യ്യ​ർ മാ​പ്പ് പ​റ​ഞ്ഞു രംഗത്തെത്തിയതിന് പിന്നാലെയാണ് കോണ്‍ഗ്രസ് നടപടി സ്വീകരിച്ചത്. പ്ര​ധാ​ന​മ​ന്ത്രി തരംതാണ കുടുംബത്തില്‍ നിന്ന് വന്ന ആ​ളാ​ണെ​ന്നാ​യി​രു​ന്നി​ല്ല താ​ൻ ഉ​ദ്ദേ​ശി​ച്ച​തെ​ന്നും അ​ദ്ദേ​ഹം പ​റ​ഞ്ഞു. ഇംഗ്ലീഷില്‍ ചിന്തിച്ച് ഹിന്ദിയില്‍ സംസാരിച്ചപ്പോള്‍ വന്ന തെറ്റാണ് ഇതെന്നും ക്ഷമാപണം നടത്തുന്നതായും അദ്ദേഹം അറിയിച്ചു.

ഹി​ന്ദി ത​ന്‍റെ മാ​തൃ​ഭാ​ഷ​യ​ല്ലെ​ന്നും എന്നാല്‍ മോദിയെ ചായ വില്‍പ്പനക്കാരനെന്ന് വിളിച്ചിട്ടില്ലെന്നും അ​ദ്ദേ​ഹം പ​റ​ഞ്ഞു. താ​ൻ പ​റ​ഞ്ഞ​തി​ന് മ​റ്റ് അ​ർ​ഥ​ങ്ങ​ളു​ണ്ടെ​ങ്കി​ൽ മാ​പ്പു​പ​റ​യു​ന്ന​താ​യും മ​ണി​ശ​ങ്ക​ർ അ​യ്യ​ർ പ​റ​ഞ്ഞു.നേ​ര​ത്തെ മ​ണി​ശ​ങ്ക​ർ അ​യ്യ​രു​ടെ പ്ര​സ്താ​വ​ന​യ്ക്കെ​തിരെ രാ​ഹു​ൽ ഗാ​ന്ധി ത​ന്നെ രം​ഗ​ത്തു​വ​ന്നി​രു​ന്നു. മ​ണി​ശ​ങ്ക​ർ അ​യ്യ​ർ മാ​പ്പു​പ​റ​യു​മെ​ന്നാ​ണ് താ​ൻ പ്ര​തീ​ക്ഷി​ക്കു​ന്ന​തെ​ന്നാ​യി​രു​ന്നു രാ​ഹു​ലി​ന്‍റെ പ്ര​തി​ക​ര​ണം. രാഹുലിന്റെ ട്വീറ്റിനെ കുറിച്ച് അദ്ദേഹം പ്രതികരിക്കാന്‍ തയ്യാറായില്ല.

‘മോദി തരംതാഴ്​ന്ന, സംസ്​കാരമില്ലാത്ത വ്യക്തിയാണ്​. ഇൗ സമയത്ത്​ എന്തിനാണ്​ അദ്ദേഹം വിലകുറഞ്ഞ രാഷ്​ട്രീയം കളിക്കുന്നത്​’’ -എന്നായിരുന്നു മണിശങ്കർ അയ്യരുടെ പ്രസ്​താവന. പ്രസ്താവന​ക്ക്​ എതിരെ ജനങ്ങൾ വോട്ടിലൂടെ മറുപടി നൽകുമെന്ന്​ പ്രധാനമന്ത്രി മോദി പ്രതികരിച്ചിരുന്നു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook