scorecardresearch

ഗവര്‍ണര്‍ അനുവദിച്ച സമയം പൂര്‍ത്തിയായി; ചര്‍ച്ച കഴിയാതെ വോട്ടെടുപ്പ് ഇല്ലെന്ന് സ്പീക്കര്‍

വിശ്വാസ പ്രമേയ ചര്‍ച്ച തിങ്കളാഴ്ച വരെ നീളാനുള്ള സാധ്യതകളുണ്ടെന്ന് മുന്‍ മുഖ്യമന്ത്രിയും കോണ്‍ഗ്രസ് നേതാവുമായ സിദ്ധരാമയ്യ

Karnataka Crisis, കർണാടക പ്രതിസന്ധി, BS Yediyurappa, karnataka MLA, കർണാടക എംഎൽഎ, ബി എസ് യെഡിയൂരപ്പ, BJP, ബിജെപി, IE Malayalam, ഐഇ മലയാളം

ബെംഗളൂരു: കുമാരസ്വാമി സര്‍ക്കാരിന് സഭയില്‍ ഭൂരിപക്ഷം തെളിയിക്കാന്‍ ഗവര്‍ണര്‍ വാജുഭായ് വാല നല്‍കിയ സമയം പൂര്‍ത്തിയായി. ഇന്ന് ഉച്ചയ്ക്ക് 1.30 ന് മുന്‍പ് ഭൂരിപക്ഷം തെളിയിക്കണമെന്നായിരുന്നു ഗവര്‍ണര്‍ നിര്‍ദേശിച്ചിരുന്നത്. എന്നാല്‍, ഗവര്‍ണറുടെ നിര്‍ദേശം സ്പീക്കര്‍ മുഖവിലയ്‌ക്കെടുത്തില്ല. വിശ്വാസ പ്രമേയത്തില്‍ ചര്‍ച്ച പൂര്‍ത്തിയായ ശേഷമേ വിശ്വാസ വോട്ടെടുപ്പ് നടക്കൂ എന്നാണ് സ്പീക്കറുടെ നിലപാട്.

വിശ്വാസ പ്രമേയ ചര്‍ച്ചയില്‍ മുഖ്യമന്ത്രി എച്ച്.ഡി.കുമാരസ്വാമി സംസാരിച്ചു. മുഖ്യമന്ത്രി കസേരയില്‍ സ്ഥിരമായി ഇരിക്കാന്‍ ആഗ്രഹിക്കുന്ന വ്യക്തിയല്ല താന്‍ എന്ന് കുമാരസ്വാമി പറഞ്ഞു. യെഡിയൂരപ്പ മുഖ്യമന്ത്രിയായിരുന്നപ്പോള്‍ ഉണ്ടായ സമാന അവസ്ഥയിലാണ് താന്‍ ഇപ്പോള്‍ എന്ന് കുമാരസ്വാമി പറഞ്ഞു. മുഖ്യമന്ത്രിയാകുമെന്ന് വിശ്വസിച്ചിരുന്നില്ല. അവിചാരിതമായാണ് താന്‍ മുഖ്യമന്ത്രിയായതെന്നും കുമാരസ്വാമി സഭയില്‍ പ്രസംഗിക്കവെ പറഞ്ഞു.

വിശ്വാസ പ്രമേയ ചര്‍ച്ച തിങ്കളാഴ്ച വരെ നീളാനുള്ള സാധ്യതകളുണ്ടെന്ന് മുന്‍ മുഖ്യമന്ത്രിയും കോണ്‍ഗ്രസ് നേതാവുമായ സിദ്ധരാമയ്യ പറഞ്ഞു. 20 പേര്‍ ഇനിയും സംസാരിക്കാനുണ്ടെന്നും അതിനാല്‍ വിശ്വാസ പ്രമേയ ചര്‍ച്ച തിങ്കളാഴ്ച വരെ നീളുമെന്നുമാണ് സിദ്ധരാമയ്യ പറഞ്ഞത്.

ഇന്ന് വിശ്വാസ വോട്ടെടുപ്പ് നടത്തണമെന്ന് കാണിച്ച് ഗവര്‍ണര്‍ മുഖ്യമന്ത്രി എച്ച്.ഡി.കുമാരസ്വാമിക്ക് കത്തു നല്‍കിയിട്ടുണ്ട്. ജെ​ഡി​എ​സ്-​കോ​ൺ​ഗ്ര​സ് സ​ർ​ക്കാ​ർ വി​ശ്വാ​സ​വോ​ട്ടെ​ടു​പ്പ് വൈ​കി​പ്പിക്കു​ന്ന​തി​ൽ പ്ര​തി​ഷേ​ധി​ച്ച് നി​യ​മ​സ​ഭ​യിൽ​ തന്നെ തുടരുകയാണ് യെ​ഡി​യൂ​ര​പ്പ​യു​ടെ നേ​തൃ​ത്വ​ത്തി​ൽ ബി​ജെ​പി എം​എ​ൽ​എ​മാ​ർ. ഇന്നലെ രാ​ത്രി​യി​ൽ പു​റ​ത്തു​പോ​കാ​ൻ കൂ​ട്ടാ​ക്കാ​തെ സ​ഭ​യി​ൽ​ത​ന്നെ ബി​ജെ​പി എം​ൽ​എ​മാ​ർ ത​ങ്ങി. വി​ശ്വാ​സ​വോ​ട്ടെ​ടു​പ്പ് ന​ട​ത്ത​ണ​മെ​ന്ന ഗ​വ​ർ​ണ​റു​ടെ നി​ർ​ദേ​ശം സ്പീ​ക്ക​ർ കെ.​ആ​ർ.ര​മേഷ് കു​മാ​ർ ത​ള്ളു​ക​യും സ​ഭ പി​രി​യു​ക​യും ചെ​യ്ത​തി​നെ തു​ട​ർ​ന്നാ​ണ് ബി​ജെ​പി എം​എ​ൽ​എ​മാ​ർ സ​ഭ​യ്ക്കു​ള്ളി​ൽ ധ​ർ​ണ ആ​രം​ഭി​ച്ച​ത്.

തോ​ൽ​ക്കു​മെ​ന്ന് ഉ​റ​പ്പാ​യ​തി​നാ​ലാ​ണ് സ​ർ​ക്കാ​ർ വി​ശ്വാ​സ വോ​ട്ടെ​ടു​പ്പ് വൈ​കി​പ്പിക്കു​ന്ന​തെ​ന്ന് ബി​ജെ​പി ആ​രോ​പി​ച്ചു. സ​ർ​ക്കാ​രി​ന് ഭൂ​രി​പ​ക്ഷം ന​ഷ്ട​പ്പെ​ട്ടി​രി​ക്കു​ക​യാ​ണ്. വി​ശ്വാ​സ​വോ​ട്ടെ​ടു​പ്പ് വൈ​കി​പ്പി​ച്ച് ത​ങ്ങ​ളെ പ്ര​കോ​പി​പ്പി​ക്കാ​ൻ ശ്ര​മി​ക്കു​ക​യാ​ണെ​ന്നും യെ​ഡിയൂര​പ്പ പ​റ​ഞ്ഞു. വി​ശ്വാ​സ​വോ​ട്ടെ​ടു​പ്പി​നാ​യി സ​മ്മ​ർ​ദം ശ​ക്ത​മാ​ക്കുമെന്നും അദ്ദേഹം പറഞ്ഞു.

Stay updated with the latest news headlines and all the latest News news download Indian Express Malayalam App.

Web Title: No voting till discussion end says speaker karnataka political crisis