പട്ന: പ്രധാനമന്ത്രി നരേന്ദ്രമോദിയെ പുകഴ്ത്തി ബിഹാര്‍ മുഖ്യമന്ത്രി നിതീഷ് കുമാര്‍ രംഗത്ത്. 2019ലെ തെരഞ്ഞെടുപ്പില്‍ മോദിയോട് എതിരിടാന്‍ ആര്‍ക്കും കഴിയില്ലെന്ന് അദ്ദേഹം പറഞ്ഞു. ആറാം തവണയും ബിഹാറിന്റെ മുഖ്യമന്ത്രിയായി ചുമതലയേറ്റതിന് ശേഷമുളള ആദ്യ പ്രതികരണത്തിലാണ് അദ്ദേഹം പ്രധാനമന്ത്രിയെ പുകഴ്ത്തിയത്.
ഇതിനിടെ ബിഹാറിലെ ജെഡിയു-ബിജെപി സർക്കാർ രൂപികരണത്തെ ചോദ്യം ചെയ്തുള്ള പൊതുതാത്പര്യ ഹർജി പട്ന ഹൈക്കോടതി തള്ളിയിട്ടുണ്ട്. നിയമസഭയിൽ സർക്കാർ വിശ്വാസവോട്ട് നേടിയതിനാൽ ഇക്കാര്യത്തിൽ കോടതി ഇടപെടലുകളൊന്നും ആവശ്യമില്ലെന്നും കോടതി പരാമർശിച്ചു.
കഴിഞ്ഞ ബുധനാഴ്ച അപ്രതീക്ഷിതമായാണ് ജനതാദൾ-യു നേതാവ് നിതീഷ് കുമാർ രാജി സമർപ്പിച്ചത്. പിന്നീട് ബിജെപിയുടെ പിന്തുണയോടെ നിതീഷ് കുമാർ വീണ്ടും മുഖ്യമന്ത്രിയായി സത്യപ്രതിജ്ഞ ചെയ്തു. വെള്ളിയാഴ്ച നടന്ന വിശ്വാസവോട്ടെടുപ്പിൽ 243 അംഗ നിയമസഭയിൽ 131 അംഗങ്ങളുടെ പിന്തുണയോടെ നിതീഷ് വിശ്വാസം തെളിയിച്ചിരുന്നു.
Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.
ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ
