FM Nirmala Sitharaman Press Conference Highlights : ഒറ്റ കൂലി സംവിധാനം നടപ്പാക്കും; അതിഥി തൊഴിലാളികൾക്ക് രണ്ടു മാസത്തേക്ക് സൗജന്യ റേഷൻ

ഇടത്തരക്കാർക്കായി ഭവന വായ്പാ പദ്ധതി. 6 ലക്ഷത്തിനും 18 ലക്ഷത്തിനും ഇടയ്ക്ക് വരുമാനം ഉളളവർക്കാണ് പ്രയോജനം. 70,000 കോടിയുടെ നിക്ഷേപം ഈ മേഖലയിൽ ഉണ്ടാകും.

ആദിവാസികൾക്കും ഗിരിവർഗക്കാർക്കും തൊഴിലവസരം കൂട്ടാൻ പദ്ധതി. സംസ്ഥാന സർക്കാരുകൾക്ക് 6,000 കോടി രൂപ നൽകും. ഗ്രാമീണ മേഖലകളിലും പട്ടണങ്ങളോട് ചേർന്ന സ്ഥലങ്ങളിലും ഉപയോഗിക്കാം.

6-18 ലക്ഷം വാർഷിക വരുമാനമുളളവർക്കുളള ഭവനവായ്പ സബ്സിഡി ഒരു വർഷം കൂടി നീട്ടി. 2020-21 സാമ്പത്തിക വർഷം 2.5 ലക്ഷം കുടുംബങ്ങൾക്ക് നേട്ടമുണ്ടാകും. ഭവന നിർമ്മാണ മേഖലയിൽ 70,000 കോടിയുടെ നിക്ഷേപം വരുമെന്നും ധനമന്ത്രി

ചെറുകിട, നാമമാത്ര കർഷകർക്ക് വായ്പ നൽകാൻ 30,000 കോടി കൂടി നൽകും. സഹകരണ മേഖല വഴിയാണ് അധിക തുക വായ്പ നൽകുന്നത്. 3 കോടി കർഷകർക്ക് നേട്ടം ലഭിക്കും. വിളവെടുപ്പ് കഴിഞ്ഞവർക്കും മേയ്/ജൂൺ മാസങ്ങളിൽ വിളവിറക്കിയവർക്കും അർഹത.

മുദ്ര ശിശു വായ്പകളിൽ രണ്ടു ശതമാനം പലിശ സബ്സിഡി. മുദ്ര വായ്പകൾക്ക് 1,500 കോടി രൂപയുടെ പലിശ ഇളവ് നൽകും. ഇളവ് ഒരു വർഷത്തേക്ക്. കൃത്യമായി വായ്പ തിരിച്ചടക്കുന്നവർക്ക് പ്രയോജനം ലഭിക്കും.

വഴിയോര കച്ചവടക്കാർക്ക് പ്രത്യേക വായ്പാ പദ്ധതി ഒരു മാസത്തിനകം. 5000 കോടി രൂപയാണ് ഇതിനായി മാറ്റിവയ്ക്കുക. വഴിയോര കച്ചവടക്കാർക്ക് 10,000 രൂപ വരെ വായ്പ നൽകും. 50 ലക്ഷം വഴിയോര കച്ചവടക്കാർക്ക് പ്രയോജനം ലഭിക്കും

അതിഥി തൊഴിലാളികൾക്ക് ന്യായമായ നിരക്കിൽ താമസ സൗകര്യം ഒരുക്കും. പിഎം ആവാസ് യോജന വഴിയാണ് പദ്ധതി നടപ്പിലാക്കുക. നഗരങ്ങളിൽ കുറഞ്ഞ വാടകയ്ക്ക് താമസ സൗകര്യമൊരുക്കും. സർക്കാർ നടത്തുന്ന ഭവന നിർമ്മാണ പദ്ധതികൾ ഇതിനായി പരിവർത്തനപ്പെടുത്തും. പൊതു സ്വകാര്യ പങ്കാളിത്തത്തോടെ പാർപ്പിട സമുച്ചയങ്ങൾ നിർമ്മിക്കും.

ഒരു രാജ്യം, ഒരു റേഷൻ കാർഡ് പദ്ധതി 2021 മാർച്ചിനകം സമ്പൂർണമാകും. ഒരു റേഷൻ കാർഡ് രാജ്യത്ത് എവിടെയും ഉപയോഗിക്കാം. അതിഥി തൊഴിലാളികൾക്ക് സ്വന്തം റേഷൻ കാർഡ് രാജ്യത്ത് എവിടെയും ഉപയോഗിക്കാം.

രാജ്യത്ത് എവിടെയും ഒരേ റേഷന് കാര്ഡ് ഉപയോഗിക്കാന് കഴിയുമെന്ന് ധനമന്ത്രി നിര്മല സീതാരാമൻ. ഒരു രാജ്യം, ഒരു റേഷൻ കാർഡ് പദ്ധതി 2021 മാർച്ചിനകം സമ്പൂർണമാകും.

അതിഥി തൊഴിലാളികൾക്ക് രണ്ടു മാസത്തേക്ക് സൗജന്യ റേഷൻ. 5കിലോ ധാന്യവും (അരി അല്ലെങ്കിൽ ഗോതമ്പ്) ഒരു കിലോ പരിപ്പും നൽകും. ഇതിനുളള മുഴുവൻ ചെലവും കേന്ദ്രം വഹിക്കും. 8 കോടി ഇതര സംസ്ഥാന തൊഴിലാളികൾക്ക് ഗുണം കിട്ടും. സംസ്ഥാനങ്ങൾക്കാണ് നടത്തിപ്പ് ചുമതല

പത്തിലധികം തൊഴിലാളികളുളള എല്ലാ സ്ഥാപനങ്ങളിലും ഇഎസ്ഐ ബാധകമാകും. അപകടകരമായ ജോലികളിൽ ഏർപ്പെടുന്ന എല്ലാവർക്കും ഇഎസ്ഐ പരിരക്ഷ. അസംഘടിത തൊഴിലാളികൾക്ക് പ്രത്യേക ക്ഷേമ ഫണ്ട് നടപ്പാക്കും.

എല്ലാവർക്കും മിനിമം കൂലി ഉറപ്പാക്കാൻ നിയമഭേദഗതി വരും. കൂലിയിലെ പ്രാദേശിക അസന്തുലിതാവസ്ഥ പരിഹരിക്കും. ദേശീയ അടിസ്ഥാന വേതനം എന്ന സങ്കൽപം പൂർത്തീകരിക്കും. തൊഴിലാളികൾക്ക് വാർഷിക ആരോഗ്യപരിശോധന ഉറപ്പാക്കും. ജോലി സ്ഥലത്തെ സുരക്ഷാ മാനദണ്ഡങ്ങൾ കർശനമാക്കും.

കാർഷിക വായ്പയ്ക്കുളള അധിക പലിശ സബ്സിഡി മേയ് 31വരെ നീട്ടി. കർഷകർക്കും ഗ്രാമീണ സമ്പദ് വ്യവസ്ഥയിലും കൂടുതൽ പണം ഉറപ്പാക്കും. കിസാൻ ക്രെഡിറ്റ് കാർഡുടമകൾക്കായി 2 മാസത്തിൽ 25,000 കോടി നൽകി

അതിഥി തൊഴിലാളികൾക്ക് 10,000 കോടി രൂപ വേതനം നൽകി. തിരിച്ചെത്തിയ തൊഴിലാളികൾക്ക് അവിടെത്തന്നെ ജോലി നൽകണം. തിരിച്ചെത്തുന്നവരെ തൊഴിലുറപ്പ് പദ്ധതിയിൽ എൻറോൾ ചെയ്യിക്കണം. കഴിഞ്ഞ വർഷത്തെക്കാൾ 50 ശതമാനം കൂടുതലാളുകൾ എൻറോൾ ചെയ്തു.

അതിഥി തൊഴിലാളികളെ സംരക്ഷിക്കാൻ 11,000 കോടി അനുവദിച്ചു. വീടില്ലാത്ത തൊഴിലാളികൾക്ക് അഭയകേന്ദ്രം ഒരുക്കാനാണ് തുക നൽകിയത്. സംസ്ഥാന ദുരന്തനിവാരണ ഫണ്ടിലേക്കാണ് പണം നൽകിയത്. നഗരങ്ങളിലെ ക്യാംപുകളിലുളള അതിഥി തൊഴിലാളികൾക്ക് മൂന്നുനേരം ഭക്ഷണം നൽകി.

സ്വയംപര്യാപ്ത ഭാരതം പാക്കേജിന്റെ രണ്ടാംഘട്ട പ്രഖ്യാപനത്തിൽ 9 നടപടികളെന്ന് ധനമന്ത്രി നിർമ്മല സീതാരാമൻ. വഴിയോര കച്ചവടക്കാർക്കായി രണ്ട് പദ്ധതി. അതിഥി തൊഴിലാളികൾക്കായി മൂന്ന് പദ്ധതി.തെരുവ് കച്ചവടക്കാർക്കും ചെറുകിട കർഷകർക്കുവേണ്ടിയുളള പദ്ധതികളുമുണ്ടെന്ന് ധനമന്ത്രി പറഞ്ഞു.

മൂന്നു കോടി കർഷകർക്ക് പലിശ കുറഞ്ഞ വായ്പ നൽകിയെന്ന് ധനമന്ത്രി. 4.22 ലക്ഷം കോടി രൂപയുടെ വായ്ക കർഷകർക്ക് വിതരണം ചെയ്തു. തിരിച്ചടവിന് മൂന്നു മാസം മൊറട്ടോറിയം നൽകി.

ധനമന്ത്രി നിർമ്മല സീതാരാമന്റെ വാർത്താസമ്മേളനം തുടങ്ങി

പ്രധാനമന്ത്രി നരേന്ദ്ര മോദി പ്രഖ്യാപിച്ച 20 ലക്ഷം കോടി സാമ്പത്തിക പാക്കേജിലെ ബാക്കിയുളള ഫണ്ടുകളുടെ വിനിയോഗത്തെക്കുറിച്ചായിരിക്കും ധനമന്ത്രി ഇന്നു വാർത്താസമ്മേളനത്തിൽ പറയുക.

ന്യൂഡല്‍ഹി: പ്രധാനമന്ത്രി നരേന്ദ്ര മോദി ചൊവ്വാഴ്ച രാത്രി പ്രഖ്യാപിച്ച 20 ലക്ഷം കോടി രൂപയുടെ ആത്മനിര്‍ഭര്‍ ഭാരത് പാക്കേജിന്റെ വിശദാംശങ്ങള്‍ ധനമന്ത്രി നിര്‍മ്മല സീതാരാമന്‍ വിശദീകരിച്ചു. 15 നടപടികളാണ് മന്ത്രി പ്രഖ്യാപിച്ചത്. വരുമാന നികുതി അടയ്ക്കുന്നവര്‍ക്ക് 18,000 കോടി തിരിച്ചുനല്‍കുമെന്നും ഇത് 14 ലക്ഷം നികുതിദായകര്‍ക്ക് നേട്ടമാകുമെന്നും മന്ത്രി പറഞ്ഞു. . Read More

ധനമന്ത്രി നിർമ്മല സീതാരാമന്റെ വാർത്താസമ്മേളനം ഡിഡി ന്യൂസിലും ഡിഡി നാഷണലിലും ലൈവായി സംപ്രേഷണം ചെയ്യും. ധനകാര്യ മന്ത്രാലയത്തിന്റെ സോഷ്യൽ മീഡിയ ചാനലുകളിലും, ട്വിറ്റർ, ഫെയ്സ്ബുക്ക്, യുട്യൂബ് എന്നിവയും ലൈവ് സ്ട്രീമിങ് ഉണ്ടായിരിക്കും.

Finance Minister Smt.@nsitharaman to address a press conference today, 14th May, at 4PM in New Delhi.

Watch LIVE here👇

➡️YouTube - https://t.co/b78LXIfEht

Follow for LIVE updates 👇

➡️Twitter - https://t.co/XaIRg3fn5f

➡️Facebook - https://t.co/06oEmkxGpIpic.twitter.com/BLpAJZGexx

— Ministry of Finance 🇮🇳 #StayHome #StaySafe (@FinMinIndia) May 14, 2020

ധനമന്ത്രി നിർമ്മല സീതാരാമന്റെ വാർത്താസമ്മേളനം ഇന്നു വൈകീട്ട് നാലിന്. പ്രധാനമന്ത്രി നരേന്ദ്ര മോദി പ്രഖ്യാപിച്ച 20 ലക്ഷം കോടിയുടെ പാക്കേജിന്റെ വിശദാംശങ്ങൾ ധനമന്ത്രി വാർത്താസമ്മേളനത്തിൽ വിശദീകരിക്കും.