scorecardresearch

ഐ​ക്യ​രാ​ഷ്ട്ര സ​ഭക്ക് ഇ​സ്രാ​യേ​ലി​നോ​ട് വൈ​രം ക​ല​ർ​ന്ന സ​മീ​പ​നമെന്ന് അമേരിക്ക

യു​എ​ൻ പു​ല​ർ​ത്തു​ന്ന സ​മീ​പ​നം പ​ശ്ചി​മേ​ഷ്യ​ൻ സ​മാ​ധാ​ന ശ്ര​മ​ങ്ങ​ൾ​ക്ക് തി​രി​ച്ച​ടി​യാ​ണെന്ന് യുഎസ് സ്ഥാ​ന​പ​തി​യും ഇ​ന്ത്യ​ൻ വം​ശ​ജ​യു​മാ​യ നി​ക്കി ഹേ​ലി ആരോപിച്ചു

ഐ​ക്യ​രാ​ഷ്ട്ര സ​ഭക്ക് ഇ​സ്രാ​യേ​ലി​നോ​ട് വൈ​രം ക​ല​ർ​ന്ന സ​മീ​പ​നമെന്ന് അമേരിക്ക

ന്യൂ​യോ​ർ​ക്ക്: ഐ​ക്യ​രാ​ഷ്ട്ര സ​ഭ​ക്കെ​തി​രെ രൂ​ക്ഷ വി​മ​ര്‍​ശ​ന​വു​മാ​യി അമേരിക്ക രംഗത്ത്. ജ​റു​സ​ലേ​മി​നെ ഇസ്രയേൽ ത​ല​സ്ഥാ​ന​മാ​യി അം​ഗീ​ക​രി​ച്ച യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​ന്‍റെ തീ​രു​മാ​ന​ത്തോ​ട് യു​എ​ൻ പു​ല​ർ​ത്തു​ന്ന സ​മീ​പ​നം പ​ശ്ചി​മേ​ഷ്യ​ൻ സ​മാ​ധാ​ന ശ്ര​മ​ങ്ങ​ൾ​ക്ക് തി​രി​ച്ച​ടി​യാ​ണെന്ന് യുഎസ് സ്ഥാ​ന​പ​തി​യും ഇ​ന്ത്യ​ൻ വം​ശ​ജ​യു​മാ​യ നി​ക്കി ഹേ​ലി ആരോപിച്ചു. ഇ​സ്ര​യേ​ലി​നോ​ട് യു​എ​ന്നി​ന് വൈ​രം ക​ല​ർ​ന്ന സ​മീ​പ​ന​മാ​ണെ​ന്നും ‌അ​ടി​യ​ന്ത​ര ര​ക്ഷാ​സ​മി​തി യോ​ഗ​ത്തി​ൽ നി​ക്കി ഹേ​ലി കു​റ്റ​പ്പെ​ടു​ത്തി.

അ​മേ​രി​ക്ക​യു​ടെ തീ​രു​മാ​ന​ത്തെ ഇ​സ്ര​യേ​ൽ സ്വാ​ഗ​തം ചെ​യ്യു​ന്നു​ണ്ടെ​ങ്കി​ലും അ​ന്താ​രാ​ഷ്ട്ര ത​ല​ത്തി​ൽ ക​ടു​ത്ത വി​മ​ർ​ശ​ന​മാ​ണ് ഉ​യ​രു​ന്ന​തെ​ന്ന് ര​ക്ഷാ സ​മി​തി വി​ല​യി​രു​ത്തി. ട്രം​പി​ന്‍റെ തീ​രു​മാ​നം പ​ശ്ചി​മേ​ഷ്യ​ൻ മേ​ഖ​ല​യി​ലെ സ​മാ​ധാ​നം ത​ക​ർത്തു​വെ​ന്ന് പ​ല​സ്തീ​ൻ ഉ​ൾ​പ്പെ​ടെ​യു​ള്ള രാ​ജ്യ​ങ്ങ​ൾ കു​റ്റ​പ്പെ​ടു​ത്തി. പ​ശ്ചി​മേ​ഷ്യ​ൻ മേ​ഖ​ല​യി​ൽ ന​ട​ക്കു​ന്ന സം​ഭ​വ​ങ്ങ​ളെ മു​ൻ​നി​ർ​ത്തി​യാ​യി​രു​ന്നു ര​ക്ഷാ​സ​മി​തി യോ​ഗ​ത്തി​ൽ ച​ർ​ച്ച ന​ട​ന്ന​ത്. പ​ശ്ചി​മേ​ഷ്യ​ൻ സ​മാ​ധാ​ന​ത്തി​നാ​യി യു​എ​ൻ ശ്ര​മി​ക്ക​ണ​മെ​ന്നും അം​ഗ​ങ്ങ​ൾ ആ​വ​ശ്യ​പ്പെ​ട്ടു.

ബുധാനാഴ്ചയാണ് അമേരിക്കന്‍ പ്രസിഡന്റ് ഡോണള്‍ഡ് ട്രംപ് ജറുസലേമിനെ ഇസ്രയേലിന്റെ തലസ്ഥാനമായി അംഗീകരിച്ചുകൊണ്ടുള്ള പ്രഖ്യാപനം നടത്തിയത്. കൂടാതെ ഇസ്രയേലിലെ അമേരിക്കന്‍ എംബസി ജറുസലേമിലേക്ക് മാറ്റുമെന്നും ട്രംപ് അറിയിച്ചിരുന്നു. എന്നാല്‍ അമേരിക്കയുടെ പ്രഖ്യാപനത്തിനെതിരെ വിമര്‍ശനമായി ലോക രാജ്യങ്ങള്‍ രംഗത്തെത്തിയിട്ടുണ്ട്. അമേരിക്കയുടെ നിലപാടിനെതിരെ അറബ് രാജ്യങ്ങളും ചൈന, ബ്രിട്ടണ്‍, ഫ്രാന്‍സ് തുടങ്ങിയ രാജ്യങ്ങളും രംഗത്തെത്തിയിരുന്നു. സ്വതവേ കലുഷിതമായ പശ്ചിമേഷ്യയില്‍ പുതിയ സംഘര്‍ഷങ്ങള്‍ക്ക് ഇടയാക്കുമെന്ന് ചൂണ്ടിക്കാട്ടിയാണ് ലോക രാജ്യങ്ങള്‍ ഇതിനെ എതിര്‍ക്കുന്നത്.

ബുധനാഴ്ച വൈറ്റ് ഹൈസില്‍ വച്ചായിരുന്നു വിവാദ പ്രഖ്യാപനം നടത്തിയത്. സഖ്യരാഷ്ട്രങ്ങളുടെ അഭിപ്രായം മാനിക്കാതെ ട്രംപ് ജറുസലേമിനെ ഇസ്രയേലിന്റെ തലസ്ഥാനമായി പ്രഖ്യാപിച്ചു. ട്രംപിന്റെ മുന്‍ഗാമികള്‍ പോലും ചെയ്യാന്‍ ധൈര്യപ്പെടാത്ത ഒരു പ്രഖ്യാപനമാണ് കഴിഞ്ഞ ദിവസം നടത്തിയത്. ജറുസലേമിനെ ഇസ്രയേലിന്റെ തലസ്ഥാനമായി അംഗീകരിക്കുന്ന ആദ്യ രാജ്യം അമേരിക്കയാണ്.

മുസ്ലീം, ക്രിസ്ത്യന്‍, ജൂത മതവിഭാഗക്കാരുടെ വിശുദ്ധ നഗരമായാണ് ജെറുസലേമിനെ കാണുന്നത്. ഇതുകൊണ്ടു തന്നെ ജറുസലേമിന്റെ പദവിയെക്കുറിച്ച് നിലവില്‍ ഇവിടെ തര്‍ക്കങ്ങള്‍ അരങ്ങേറുന്നുണ്ട്. ജറുസലേമിനെ ഇസ്രായേലിന്റെ തലസ്ഥാനമായി ട്രംപ് പ്രഖ്യാപിച്ചതിന് പിന്നാലെ ഇന്ത്യൻ എംബസി അങ്ങോട്ട് മാറ്റണമെന്ന് ആവശ്യപ്പെട്ട് ബിജെപി എംപി സുബ്രഹ്മണ്യ സ്വാമി രംഗത്തെത്തിയിരുന്നു. ട്വിറ്ററിലൂടെയാണ് സ്വാമി ഇക്കാര്യം ആവശ്യപ്പെട്ടത്. നിലവില്‍ ടെല്‍അവീവിലാണ് ഇന്ത്യയുടെ എംബസി സ്ഥിതി ചെയ്യുന്നത്.

Stay updated with the latest news headlines and all the latest News news download Indian Express Malayalam App.

Web Title: Nikki haley un hurts israel palestine peace process