scorecardresearch
Latest News

ശ്രീലങ്കയിലെ ഭീകരാക്രമണം; എന്‍ഐഎ സംഘം കൊളംബോയില്‍

ശ്രീ​ല​ങ്ക​യി​ല്‍ പോ​കു​ന്ന ഇ​ന്ത്യ​ൻ പൗ​ര​ന്മാ​ര്‍ ജാ​ഗ്ര​ത പു​ല​ര്‍​ത്ത​ണ​മെ​ന്ന് വി​ദേ​ശ​കാ​ര്യ മ​ന്ത്രാ​ല​യം മുന്നറിയിപ്പ് നൽകിയിട്ടുണ്ട്

srilanka, srilanka blast, ie malayalam

കൊളംബോ: ഈസ്റ്റര്‍ ദിനത്തില്‍ ശ്രീലങ്കയിലുണ്ടായ ഭീകരാക്രണം അന്വേഷിക്കുന്നതിന്റെ ഭാഗമായി എന്‍ഐഎ സംഘം കൊളംബോയില്‍ എത്തി. ഭീകരാക്രമണത്തില്‍ ഇസ്ലാമിക് സ്റ്റേറ്റിന്റെ ബന്ധം തെളിയിക്കുന്നതിന്റെ ഭാഗമായാണ് രണ്ടംഗ എന്‍ഐഎ സംഘം കൊളംബോയിലെത്തിയത്. ചാവേര്‍ സ്‌ഫോടന പരമ്പരകളുടെ ഉത്തരവാദിത്തം നേരത്തെ ഐഎസ് ഏറ്റെടുത്തിരുന്നു.

Read More: ശ്രീലങ്കൻ ഭീകരാക്രമണം: ഭീകരർ കേരളത്തിലും എത്തിയിരുന്നതായി ലങ്കൻ സൈനിക മേധാവി

ശ്രീ​ല​ങ്ക​യി​ല്‍ പോ​കു​ന്ന ഇ​ന്ത്യ​ൻ പൗ​ര​ന്മാ​ര്‍ ജാ​ഗ്ര​ത പു​ല​ര്‍​ത്ത​ണ​മെ​ന്ന് വി​ദേ​ശ​കാ​ര്യ മ​ന്ത്രാ​ല​യം മുന്നറിയിപ്പ് നൽകിയിട്ടുണ്ട്. ഈ​സ്റ്റ​ര്‍ ദി​ന​ത്തി​ലു​ണ്ടാ​യ സ്ഫോ​ട​ന പ​ര​മ്പ​ര​ക​ളു​ടെ പ​ശ്ചാ​ത്ത​ല​ത്തി​ലാ​ണ് മു​ന്ന​റി​യി​പ്പ് പു​റ​പ്പെ​ടു​വി​ച്ചി​രി​ക്കു​ന്ന​ത്. സ​ഹാ​യം ആ​വ​ശ്യ​മു​ള്ള​വ​ർ​ക്ക് ഇ​ന്ത്യ​ൻ ഹൈ​ക്ക​മ്മീ​ഷ​നു​മാ​യി ബ​ന്ധ​പ്പെ​ടാ​മെ​ന്നും മ​ന്ത്രാ​ല​യം വ്യ​ക്ത​മാ​ക്കി. ശ്രീ​ല​ങ്ക​യി​ലേ​ക്കു​ള്ള യാ​ത്ര ഒ​ഴി​വാ​ക്ക​ണ​മെ​ന്ന് വി​ദേ​ശ​കാ​ര്യ മ​ന്ത്രാ​ല​യം നേ​ര​ത്തേ​യും മു​ന്ന​റി​യി​പ്പ് ന​ൽ​കി‍​യി​രു​ന്നു.

ഈസ്റ്റർ ദിനത്തിൽ പളളികളെയും ഹോട്ടലുകളെയും ലക്ഷ്യമിട്ടായിരുന്നു ശ്രീലങ്കയിൽ സ്‌ഫോടനമുണ്ടായത്. ആദ്യ ആറു സ്‌ഫോടനങ്ങൾക്കുശേഷം ഉച്ച കഴിഞ്ഞായിരുന്നു രണ്ടു സ്‌ഫോടനം. രാവിലെ 8.45 ന് ഈസ്റ്റർ പ്രാർഥനകൾ നടക്കുമ്പോഴായിരുന്നു കൊളംബോയിലെ സെന്റ് ആന്റണീസ് പളളിയിലും നഗോംബോ സെന്റ് സെബാസ്റ്റ്യൻസ് പളളിയിലും ബട്ടിക്കലോവയിലെ സിയോൻ ചർച്ചിലും സ്‌ഫോടനമുണ്ടായത്. ഇതിനുപിന്നാലെ വിദേശ സഞ്ചാരികളുടെ താമസ കേന്ദ്രങ്ങളായ ഷാങ്ഗ്രില, സിനമൺ ഗ്രാൻഡ്, കിങ്സ്ബറി എന്നീ പഞ്ചനക്ഷത്ര ഹോട്ടലുകളിൽ സ്‌ഫോടനമുണ്ടായി.

ഉച്ച കഴിഞ്ഞ് കൊളംബോയുടെ തെക്കൻ മേഖലയിലെ ദേശീയ മൃഗശാലയ്ക്കു സമീപത്തായി ഏഴാമത്തെ സ്‌ഫോടനം. കൊളംബോയിലെ വടക്കൻ മേഖലയിൽ പൊലീസ് സംഘം പരിശോധനയ്ക്ക് എത്തിയപ്പോഴായിരുന്നു എട്ടാമത്തെ സ്‌ഫോടനം.

Stay updated with the latest news headlines and all the latest News news download Indian Express Malayalam App.

Web Title: Nia investigation srilankan bomb blast easter day