scorecardresearch

Latest News

ആനപ്പുറത്ത് കയറിയ അസം ഡെപ്യൂട്ടി സ്‌പീക്കർ താഴെ വീണു

ഡെപ്യൂട്ടി സ്പീക്കറായി തിരഞ്ഞെടുക്കപ്പെട്ടശേഷം സ്വന്തം നിയോജക മണ്ഡലമായ രാട്ടബാരിയിൽ ഒരുക്കിയ സ്വീകരണത്തിനിടെയായിരുന്നു സംഭവം

രാട്ടബാരി (അസം): ആനപ്പുറത്ത് കയറി സവാരി നടത്തിയ ബിജെപി എംഎൽഎയും അസം ഡെപ്യൂട്ടി സ്പീക്കറുമായ കൃപനാഥ് മല്ലാഹ് താഴെ വീണു. ഡെപ്യൂട്ടി സ്പീക്കറായി തിരഞ്ഞെടുക്കപ്പെട്ടശേഷം സ്വന്തം നിയോജക മണ്ഡലമായ രാട്ടബാരിയിൽ ഒരുക്കിയ സ്വീകരണത്തിനിടെയായിരുന്നു സംഭവം.

കൃപനാഥിന് വൻ സ്വീകരണമാണ് അനുയായികൾ ഒരുക്കിയിരുന്നത്. കൃപനാഥിനെ ആനപ്പുറത്ത് കയറ്റി ഘോഷയാത്ര നടത്താനായിരുന്നു അനുയായികളുടെ തീരുമാനം. ഇതിനായി ആനയെ ഒരുക്കി നിർത്തി. കൃപനാഥ് ആനപ്പുറത്ത് കയറി ഇരുന്നതും ആന വേഗത്തിൽ മുന്നോട്ടുപോവുകയും എംഎൽഎ ബാലൻസ് തെറ്റി താഴെ വീഴുകയുമായിരുന്നു. സംഭവത്തിൽ കൃപനാഥ് പരുക്കുകളൊന്നും കൂടാതെ രക്ഷപ്പെട്ടു.

ഒക്ടോബർ അഞ്ചിനാണ് അസം ഡെപ്യൂട്ടി സ്പീക്കറായി കൃപനാഥ് മല്ലാഹ് തിരഞ്ഞെടുക്കപ്പെട്ടത്.

Stay updated with the latest news headlines and all the latest News news download Indian Express Malayalam App.

Web Title: Newly elected assam deputy speaker kripanath mallah falls off elephant