ഗ്രീസ്: മനുഷ്യന്റേതെന്ന് സംശയിക്കുന്ന കാലടിപ്പാടുകളുടെ ഫോസിൽ ഗ്രീസിലെ ക്രീക്കിൽ കണ്ടെത്തി. ആഫ്രിക്കയിലെ മനുഷ്യരുടെ പരിണാമവുമായി ബന്ധപ്പെട്ട സിദ്ധാന്തങ്ങളെ എതിർക്കുന്നതാകും ഈ ഫോസിലുകളെന്ന സംശയം ഉയർന്നിട്ടുണ്ട്. 5.7 ദശലക്ഷം വർഷം പഴക്കമുളളതെന്ന് സംശയിക്കുന്ന വലിയ കാലടിപ്പാടുകളാണ് കണ്ടെത്തിയത്.

5.6 ദശലക്ഷം വർഷം മുൻപ് രൂപപ്പെട്ടതെന്ന് കരുതുന്ന എക്കൽപാറക്കല്ലുകൾക്കിടയിലാണ് ഫോസിൽ കണ്ടെത്തിയത്. മെഡിറ്ററേനിയൻ കടൽ വറ്റിപ്പോയപ്പോൾ രൂപപ്പെട്ടത് എന്ന് കരുതപ്പെടുന്ന പാറക്കെട്ടുകളാണ് ഇവ.

ആദിമമനുഷ്യരായ ഹോമിനിൻസിന്റേതെന്നാണ് ഈ കാലടിപ്പാടുകളെ കുറിച്ചുള്ള നിഗമനം. ദക്ഷിണ പൂർവ യൂറോപ്പിലാകെ മനുഷ്യസാന്നിധ്യമുണ്ടായിരുന്നുവെന്ന നിഗമനത്തിലേക്കാണ് ഇതോടെ ഗവേഷകർ എത്തിച്ചേർന്നിരിക്കുന്നത്. ആഫ്രിക്കയിൽ മനുഷ്യസാന്നിധ്യമുണ്ടായ കാലത്ത് യൂറോപ്പിലും ആദിമ മനുഷ്യരുണ്ടായിരുന്നുവെന്ന നിഗമനത്തിലേക്കാണ് ഇപ്പോൾ എത്തിച്ചേർന്നിരിക്കുന്നത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook