Israel-Iran Conflict: ട്രംപിനെ വധിക്കാൻ ഇറാൻ പദ്ധതിയിട്ടു: ഗുരുതര ആരോപണവുമായി ബെഞ്ചമിൻ നെതന്യാഹു

Israel-Iran Conflict: ടെൽഅവീവ്: അമേരിക്കൻ പ്രസിഡന്റ് ഡൊണാൾഡ് ട്രംപിനെ വധിക്കാൻ ഇറാൻ ലക്ഷ്യമിട്ടെന്ന് ഗുരുതര ആരോപണവുമായി ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു. ഫോക്‌സ് ന്യൂസിന് നൽകിയ അഭിമുഖത്തിലാണ് നെതന്യാഹു ഇക്കാര്യം വെളിപ്പെടുത്തിയത്. 

Also Read:ഇസ്രായേലിലേക്ക് മിസൈൽ ആക്രമണവുമായി ഇറാൻ; സംഘർഷഭരിതം പശ്ചിമേഷ്യ

ഡൊണാൾഡ് ട്രംപിനോട് ഇറാന് ദേഷ്യമുണ്ട്. റിപ്പബ്ലിക്കൻ നേതാവായ ട്രംപ് അധികാരത്തിലെത്തുന്നത് തങ്ങളുടെ ആണവ പദ്ധതികൾക്ക് ഭീഷണിയായാണ് ഇറാൻ കാണുന്നത്. ഇറാന്റെ ഒന്നാം നമ്പർ ശത്രുവാണ് ട്രംപ്. 2024-ലെ പ്രസിഡന്റ് തിരഞ്ഞെടുപ്പ് വേളയിൽ ട്രംപിനെതിരെയുണ്ടായ രണ്ട് വധശ്രമങ്ങൾക്കും പിന്നിൽ ഇറാനാണ്- ബെഞ്ചമിൻ നെതന്യാഹു ആരോപിച്ചു. 

Also Read:ഇസ്രായേലിലേക്ക് മിസൈൽ ആക്രമണം നടത്തിയെന്ന് ഹൂത്തികൾ; സംഘർഷം രൂക്ഷം

അതേസമയം, ഇസ്രായേൽ പ്രധാനമന്ത്രിയുടെ ആരോപണത്തോട് ഇതുവരെയും ഇറാൻ പ്രതികരിച്ചില്ല. എന്നാൽ, ഇറാനും ഇസ്രായേലും സമാധാനകരാറിൽ ഒപ്പിടണമെന്ന് യു.എസ്. പ്രസിഡന്റ് ഡൊണാൾഡ് ട്രംപ് പറഞ്ഞു. ജി-7 ഉച്ചകോടിയ്ക്ക് പുറപ്പെടുന്നതിന് മുൻപ് മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. 

Also Read:സംഘർഷം അതിരൂക്ഷം; തിരിച്ചടിച്ച് ഇറാൻ; ഇസ്രായേലിൽ മിസൈൽ വർഷം

അതേസമയം, പശ്ചിമേഷ്യയെ വീണ്ടും അശാന്തമാക്കി ഇറാൻ-ഇസ്രായേൽ സംഘർഷം രൂക്ഷമായി തുടരുകയാണ്. തിങ്കളാഴ്ച ഇസ്രായേൽ തലസ്ഥാനമായ ടെൽ അവീവിലേക്കും ജറുസലേമിലേക്കും ഇറാൻ മിസൈൽ ആക്രമണം നടത്തി. ഇസ്രായേലിലെ പ്രധാന നഗരങ്ങളിൽ തിങ്കളാഴ്ച പുലർച്ചെ നിരവധി തവണയാണ് റെഡ് അലർട്ട് സൈറണുകൾ മുഴങ്ങിയത്. 

ഇസ്രയേലിൽ നിന്ന് 2300 കിലോമീറ്റർ അകലെ ഇറാൻറെ ഇന്ധന ടാങ്കർ വിമാനം ഇസ്രയേൽ വ്യോമസേന ആക്രമിച്ച് തകർത്തതായി ഇസ്രയേൽ അവകാശപ്പെട്ടു. ഇതുവരെ ഭേദിച്ചതിൽ ഏറ്റവും ദൈർഘ്യമേറിയ ലക്ഷ്യമാണത്.ടെഹ്റാന്റെ വ്യോമാതിർത്തിയുടെ നിയന്ത്രണം ഏറ്റെടുത്തതായി ഇസ്രയേൽ നേരത്തെ അവകാശപ്പെട്ടിരുന്നു.

Read More

ഇറാൻ- ഇസ്രായേൽ സംഘർഷം; മിസൈൽ ആക്രമണത്തിൽ നിരവധി മരണം; അമേരിക്കയ്ക്കും യുകെയ്ക്കും ഇറാന്റെ മുന്നറിയിപ്പ്