scorecardresearch

Latest News
ടീസ്റ്റ സെതല്‍വാദിനെയും ആര്‍ ബി ശ്രീകുമാറിനെയും അറസറ്റ് ചെയ്ത് ഗുജറാത്ത് പൊലീസ്

30 വർഷത്തിലധികം പഴക്കമുള്ള കേസിൽ സിദ്ദുവിന് ഒരു വർഷം തടവ്

കേസിൽ ഒരു വർഷത്തെ കഠിന തടവിന് കൂടി സിദ്ദുവിനെ കോടതി ശിക്ഷിച്ചു

Navjot Singh Sidhu, punjab congress, ppcc chief, Punjab congress turmoil, Amarinder Singh, punjab congress dissent, congress news, Punjab news, ie malayalam

ന്യൂഡൽഹി: 1988ൽ വാഹനം പാർക്ക് ചെയ്യുന്നതുമായി ബന്ധപ്പെട്ട് വാക്കേറ്റവും അടിപിടിയുമുണ്ടാവുകയും ഒരാൾ മരണപ്പെടുകയും ചെയ്ത കേസിൽ കോൺഗ്രസ് നേതാവ് നവജ്യോത് സിംഗ് സിദ്ദുവിന്റെ ശിക്ഷ സുപ്രീം കോടതി വർധിപ്പിച്ചു. കേസിൽ ഒരു വർഷത്തെ കഠിന തടവിന് കൂടി സിദ്ദുവിനെ ശിക്ഷിച്ചു.

1000 രൂപ പിഴയടച്ച് വിട്ടയച്ച സുപ്രീം കോടതിയുടെ 2018ലെ ഉത്തരവ് പുനഃപരിശോധിക്കണമെന്നാവശ്യപ്പെട്ട് സംഭവത്തിൽ ജീവൻ നഷ്ടപ്പെട്ട ഗുർനാം സിങ്ങിന്റെ ബന്ധുക്കൾ സമർപ്പിച്ച ഹർജി പരിഗണിച്ച ജസ്റ്റിസുമാരായ എ എം ഖാൻവിൽക്കറും എസ് കെ കൗളും അടങ്ങിയ ബെഞ്ചാണ് ശിക്ഷ വർധിപ്പിച്ചത്.

കേസിൽ പഞ്ചാബ്-ഹരിയാന ഹൈക്കോടതി സിദ്ദുവിനെ മനഃപൂർവമല്ലാത്ത നരഹത്യക്ക് ശിക്ഷിക്കുകയും മൂന്ന് വർഷത്തെ തടവിന് ശിക്ഷിക്കുകയും ചെയ്തിരുന്നു.

2018 മെയ് 15 ന്, ജസ്റ്റിസുമാരായ ജെ ചെലമേശ്വറിന്റെയും കൗളിന്റെയും ഒരു എസ്‌സി ബെഞ്ച് ഇത് മാറ്റിവയ്ക്കുകയും പകരം ഇന്ത്യൻ ശിക്ഷാ നിയമത്തിലെ (ഐപിസി) സെക്ഷൻ 323 (സ്വമേധയാ മുറിവേൽപ്പിക്കുക) പ്രകാരമുള്ള കുറ്റത്തിന് നവജ്യോത് സിംഗ് സിദ്ദുവിനെ കുറ്റക്കാരനാണെന്ന് വിധിക്കുകയും ചെയ്തിരുന്നു.

സംഭവം നടന്നത് 1988 ഡിസംബർ 27-നാണ്. പ്രോസിക്യൂഷൻ പറയുന്നതനുസരിച്ച്, നവജ്യോത് സിംഗ് സിദ്ദുവും സുഹൃത്ത് രൂപീന്ദർ സന്ധുവും ഒരു വാഹനത്തിലിരിക്കുമ്പോൾ, ഗുർനാം സിങ്ങിനോട് വഴി ചോദിച്ചപ്പോൾ വാക്കേറ്റമുണ്ടായി. സിങ്ങിനെ സിദ്ദു മർദിച്ചെന്നും പിന്നീട് സംഭവസ്ഥലത്ത് നിന്ന് ഓടി രക്ഷപ്പെട്ടെന്നും പോലീസ് പറഞ്ഞു. പരിക്കേറ്റയാളെ ആശുപത്രിയിൽ എത്തിച്ചെങ്കിലും മരണം സ്ഥിരീകരിക്കുകയായിരുന്നു.

Stay updated with the latest news headlines and all the latest News news download Indian Express Malayalam App.

Web Title: Navjot singh sidhu road rage case sentence