ബെം​ഗ​ളൂരു: ഇന്ന് വൈകിട്ട് തന്നെ വിശ്വാസ വോട്ടെടുപ്പ് നടത്തുമെന്നാണ് കര്‍ണാടക നിയമസഭാ സ്പീക്കര്‍ കെ.​ആ​ർ.ര​മേ​ഷ് കു​മാ​ർ വ്യക്തമാക്കിയത്. ഇന്നലെ വി​ശ്വാ​സ വോ​ട്ടെ​ടു​പ്പി​ൽ ച​ർ​ച്ച പൂ​ർ​ത്തി​യാ​യി​ല്ല. രാത്രി 11 മണിയോടെ തി​ങ്ക​ളാ​ഴ്ച​ത്തേ​ക്കു സ​ഭ പി​രി​ഞ്ഞ​താ​യി സ്പീ​ക്ക​ർ കെ.​ആ​ർ.ര​മേ​ഷ് കു​മാ​ർ അ​റി​യി​ക്കുകയായിരുന്നു. ചൊ​വ്വാ​ഴ്ച രാ​വി​ലെ പ​ത്തി​ന് സ​ഭ വീണ്ടും ചേര്‍ന്നു. ചൊ​വ്വാ​ഴ്ച വൈ​കി​ട്ട് ആ​റി​നു മു​ന്പ് വോ​ട്ടെ​ടു​പ്പ് പൂ​ർ​ത്തി​യാ​ക്കു​മെ​ന്നും സ്പീ​ക്ക​ർ ഉ​റ​പ്പു​ന​ൽ​കി. നേ​ര​ത്തെ മു​ഖ്യ​മ​ന്ത്രി എ​ച്ച്.​ഡി.കു​മാ​ര​സ്വാ​മി​യു​ടേ​താ​യി രാ​ജി​ക്ക​ത്ത് പു​റ​ത്തു​വ​ന്നി​രു​ന്നെ​ങ്കി​ലും ഇ​ത് വ്യാ​ജ​മാ​ണെ​ന്ന് അ​ദ്ദേ​ഹം ത​ന്നെ സ​ഭ​യി​ൽ വ്യ​ക്ത​മാ​ക്കി​യി​രു​ന്നു.

തിങ്കളാഴ്ച വിശ്വാസ വോട്ടെടുപ്പ് നടത്താന്‍ കോണ്‍ഗ്രസ്-ജെഡിഎസ് സഖ്യം പരമാവധി ശ്രമിച്ചു. ഇതില്‍ ഇന്നലെ വിജയിക്കുകയും ചെയ്തു. എന്നാല്‍ വിമത എംഎല്‍എമാര്‍ അടുക്കാത്ത സാഹചര്യത്തില്‍ ഈ നീട്ടിക്കൊണ്ടു പോവല്‍ എത്ര നേരത്തേക്കാണെന്നത് ചോദ്യമായി ഉയരുന്നു.

ഇന്നലെ രാത്രി 10.30ഓടെ അത്താഴത്തിന് വേണ്ടി സഭ പിരിച്ചുവിടണമെന്നും ഇതിന് ശേഷം വീണ്ടും സഭ ചേരണമെന്നും ബിജെപി അധ്യക്ഷന്‍ ബി.എസ്.യെഡിയൂരപ്പ ആവശ്യപ്പെട്ടു. ‘ബഹുമാനപ്പെട്ട സ്പീക്കര്‍ ഞങ്ങള്‍ക്ക് അത്താഴം കഴിക്കാനായി സഭ പിരിച്ചുവിടണം. എന്നിട്ട് വീണ്ടും ചേരണം. ഇന്ന് (തിങ്കളാഴ്ച) തന്നെ വിശ്വാസവോട്ടെടുപ്പ് നടക്കണം. അർധരാത്രി 12 മണി വരെയും കാത്തിരിക്കാന്‍ ഞങ്ങള്‍ തയ്യാറാണ്,’ യെഡിയൂരപ്പ പറഞ്ഞു.

Read More: വൈകിട്ട് 6 മണിക്ക് മുമ്പ് വിശ്വാസ വോട്ടെടുപ്പ് നടത്തുമെന്ന് സ്പീക്കര്‍; ഹാജരാകാന്‍ ഒരു മാസം സമയം വേണമെന്ന് വിമത എംഎൽഎമാർ

അതേസമയം എങ്ങനെയെങ്കിലും വിശ്വാസ വോട്ടെടുപ്പ് വൈകിപ്പിക്കാന്‍ നോക്കുന്ന കോണ്‍ഗ്രസ്-ജെഡിഎസ് എംഎല്‍എമാര്‍ ചാടി വീണു, ‘തീര്‍ച്ചയായും സഭ പിരിച്ചുവിടണം. എന്നിട്ട് നമുക്ക് അത്താഴം കഴിച്ച് വീട്ടിലേക്ക് പോവാം. ഞങ്ങള്‍ക്ക് നല്ല വിശപ്പുണ്ട്,’ സഖ്യ സര്‍ക്കാരിന്റെ എംഎല്‍എമാര്‍ പറഞ്ഞു.

വിശപ്പ് അടക്കാനായി നിയമസഭയിലേക്ക് അണ്ടിപ്പരിപ്പുമായാണ് യെഡിയൂരപ്പ വന്നത്. ഇടയ്ക്കിടയ്ക്ക് അദ്ദേഹം ഇത് കഴിക്കുന്നുണ്ടായിരുന്നു. ചോക്ലേറ്റും അദ്ദേഹം എടുത്തിരുന്നു. ബാക്കിയുളള ചോക്ലേറ്റുകള്‍ അദ്ദേഹം നിയമസഭയില്‍ വിതരണം ചെയ്തു. ചൊ​വ്വാ​ഴ്ച വോ​ട്ടെ​ടു​പ്പ് ന​ട​ത്തു​മെ​ന്ന് കോ​ണ്‍​ഗ്ര​സ് നേ​താ​വ് സി​ദ്ധ​രാ​മ​യ്യ സ​ഭ​യി​ൽ പ​റ​ഞ്ഞു. ചി​ല കോ​ണ്‍​ഗ്ര​സ് അം​ഗ​ങ്ങ​ൾ​ക്കു​കൂ​ടി സം​സാ​രി​ക്കാ​നു​ണ്ടെ​ന്നും ചൊ​വ്വാ​ഴ്ച വൈ​കി​ട്ട് നാ​ലോ​ടെ ച​ർ​ച്ച അ​വ​സാ​നി​പ്പി​ച്ച് വോ​ട്ടെ​ടു​പ്പി​ലേ​ക്കു ക​ട​ക്കാ​മെ​ന്നാ​ണു പ്ര​തീ​ക്ഷി​ക്കു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി.

വി​മ​ത എം​എ​ൽ​എ​മാ​ർ​ക്ക് ചൊ​വ്വാ​ഴ്ച 11 വ​രെ സ​ഭ​യി​ൽ ഹാ​ജ​രാ​കാ​ൻ സ്പീ​ക്ക​ർ സ​മ​യം അ​നു​വ​ദി​ച്ചി​ട്ടു​ണ്ടെ​ന്ന് കോ​ണ്‍​ഗ്ര​സ് നേ​താ​വ് ഡി.​കെ.ശി​വ​കു​മാ​ർ പ​റ​ഞ്ഞു. വി​മ​ത​രെ അ​യോ​ഗ്യ​രാ​ക്കി​ല്ലെ​ന്നാ​ണ് ബി​ജെ​പി വി​ശ്വ​സി​പ്പി​ച്ചി​രി​ക്കു​ന്ന​തെ​ന്നും ഭ​ര​ണ​ഘ​ട​ന അ​നു​സ​രി​ച്ച് സ്പീ​ക്ക​ർ അ​യോ​ഗ്യ​ത ക​ൽ​പ്പി​ച്ചു​ക​ഴി​ഞ്ഞാ​ൽ അം​ഗ​മാ​യി​രി​ക്കാ​ൻ ക​ഴി​യി​ല്ലെ​ന്നും ശി​വ​കു​മാ​ർ വ്യ​ക്ത​മാ​ക്കി.

ക​ർ​ണാ​ട​ക​യി​ൽ എ​ത്ര​യും വേ​ഗം വി​ശ്വാ​സ വോ​ട്ടെ​ടു​പ്പു ന​ട​ത്ത​ണ​മെ​ന്ന വി​മ​ത എം​എ​ൽ​എ​മാ​രു​ടെ ഹ​ർ​ജി​യി​ൽ കോ​ണ്‍​ഗ്ര​സും സ്പീ​ക്ക​റും ക​ക്ഷി​ചേ​രും. ഹ​ർ​ജി സു​പ്രീം​ കോ​ട​തി ചൊ​വ്വാ​ഴ്ച പ​രി​ഗ​ണി​ക്കു​ന്നു​ണ്ട്. വി​മ​ത​രു​ടെ വി​പ്പി​ൽ വ്യ​ക്ത​ത തേ​ടി​യാ​ണ് സ്പീ​ക്ക​റും കോ​ണ്‍​ഗ്ര​സും ക​ക്ഷി​ചേ​രു​ന്ന​ത്. സ്പീ​ക്ക​ർ​ക്കു വേ​ണ്ടി കോ​ണ്‍​ഗ്ര​സ് നേ​താ​വ് മ​നു അ​ഭി​ഷേ​ക് സിം​ഗ്വി​യും കോ​ണ്‍​ഗ്ര​സി​നു വേ​ണ്ടി മു​തി​ർ​ന്ന നേ​താ​വ് ക​പി​ൽ സി​ബ​ലും ഹാ​ജ​രാ​കും.

ക​ർ​ണാ​ട​ക​യി​ലെ എ​ച്ച്.​ഡി.കു​മാ​ര​സ്വാ​മി സ​ർ​ക്കാ​ർ ഭൂ​രി​പ​ക്ഷം ന​ഷ്ട​പ്പെ​ട്ടി​രി​ക്കു​ക​യാ​ണെ​ന്നും സ​ർ​ക്കാ​രി​നെ ര​ക്ഷ​പെ​ടു​ത്താ​നാ​യി സ്പീ​ക്ക​ർ വി​ശ്വാ​സ വോ​ട്ടെ​ടു​പ്പ് ന​ട​ത്തു​ന്ന​ത് നീ​ട്ടു​ക​യാ​ണെ​ന്നു​മാ​ണ് എം​എ​ൽ​എ​മാ​രു​ടെ ആ​രോ​പ​ണം.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook