ബെംഗളൂരു: കര്‍ണാടകയില്‍ കുമാരസ്വാമി സര്‍ക്കാര്‍ വീണതിനു പിന്നാലെ, സര്‍ക്കാര്‍ രൂപീകരണത്തിന് അവകാശവാദം ഉന്നയിച്ച് ബിജെപി. ഇന്നു നടക്കുന്ന നി​യ​മ​സ​ഭാ​ക​ക്ഷി​ യോ​ഗ​ത്തി​നു ശേ​ഷം യെഡിയൂരപ്പ ഡല്‍ഹിയിലെത്തി ഗ​വ​ര്‍​ണ​റെ കാ​ണു​മെ​ന്ന് ബി​ജെ​പി വൃ​ത്ത​ങ്ങ​ള്‍ അ​റി​യി​ച്ചു. നാളെയായിരിക്കും മുഖ്യമന്ത്രിയുടെ സത്യപ്രതിജ്ഞയെന്നാണ് സൂചനകള്‍.

പതിനെട്ട് ദിവസം നീണ്ട നാടകങ്ങള്‍ക്കൊടുവിലാണ്, കുമാരസ്വാമി മന്ത്രിസഭ പരാജയം സമ്മതിച്ചത്. ഇന്നലെ വിശ്വാസവോട്ടില്‍ പരാജയപ്പെട്ട് സര്‍ക്കാര്‍ വീണതിന് തൊട്ടുപിന്നാലെ, സര്‍ക്കാർ രൂപീകരിക്കാൻ അവകാശ വാദവുമായി ബിജെപി രംഗത്തെത്തി. അടുത്തത് സുസ്ഥിര സര്‍ക്കാരായിരിക്കുമെന്നും കര്‍ഷകര്‍ക്ക് ഇനി നല്ല കാലമായിരിക്കുമെന്നുമാണ് യെഡിയൂരപ്പ പ്രതികരിച്ചത്. അടുത്ത സര്‍ക്കാരിന് ആശംസകള്‍ അറിയിച്ചതല്ലാതെ, മറ്റൊന്നും പറയാന്‍ എച്ച്.ഡി.കുമാരസ്വാമി തയ്യാറായില്ല.

Read Also: കുമാരസ്വാമി രാജിക്കത്ത് നല്‍കി; വോട്ടെടുപ്പിന് എത്താത്ത ബി‌എസ്‌പി എംഎല്‍എക്കെതിരെ നടപടി

മു​ഖ്യ​മ​ന്ത്രി കു​മാ​ര​സ്വാ​മി സ​ർ​ക്കാ​രി​ന്‍റെ വി​ശ്വാ​സ​പ്ര​മേ​യ​ത്തെ ബി​ജെ​പി​യു​ടെ 105 അം​ഗ​ങ്ങ​ൾ എ​തി​ർ​ത്ത​പ്പോ​ൾ ഭ​ര​ണ​പ​ക്ഷ​ത്തെ പി​ന്തു​ണ​യ്ക്കാ​ൻ 98 അം​ഗ​ങ്ങ​ൾ മാ​ത്ര​മാ​ണ് ഉ​ണ്ടാ​യ​ത്. വി​മ​ത എം​എ​ൽ​എ​മാ​ർ 15 പേ​ർ​ക്കും കോ​ൺ​ഗ്ര​സും ജെ​ഡി​എ​സും വി​പ്പ് ന​ൽ​കി​യി​രു​ന്നെ​ങ്കി​ലും ഇ​വ​ർ സ​ഭ​യി​ലെ​ത്തി​യി​ല്ല. ബി​എ​സ്‌പി എം​എ​ൽ​എ​യും വി​ശ്വാ​സ​വോ​ട്ടെ​ടു​പ്പി​ൽ​നി​ന്നും വി​ട്ടു​നി​ന്നു.

ഇ​ത് ജ​നാ​ധി​പ​ത്യ​ത്തി​ന്‍റെ വി​ജ​യ​മാ​ണെ​ന്ന് യെഡിയൂരപ്പ പ​റ​ഞ്ഞു. വി​ക​സ​ന​ത്തി​ന്‍റെ പു​തു​യു​ഗം തു​ട​ങ്ങു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു. ഈ ​സ​ർ​ക്കാ​രി​നെ ആ​ളു​ക​ൾ​ക്ക് മ​ടു​ത്തു. ത​ന്‍റെ സ​ർ​ക്കാ​ർ ക​ർ​ഷ​ക​രി​ലാ​വും ശ്ര​ദ്ധ കേ​ന്ദ്രീ​ക​രി​ക്കു​ക- യെഡിയൂരപ്പ കൂ​ട്ടി​ച്ചേ​ർ​ത്തു. വി​പ്പ് ലം​ഘി​ച്ച് വി​ട്ടു​നി​ന്ന​വ​രെല്ലാം അ​യോ​ഗ്യ​താ ന​ട​പ​ടി നേ​രി​ടേ​ണ്ടി​വ​രു​മെ​ന്ന് മു​ന്‍​മു​ഖ്യ​മ​ന്ത്രി​യും മു​തി​ര്‍​ന്ന കോ​ണ്‍​ഗ്ര​സ് നേ​താ​വു​മാ​യ സി​ദ്ധ​രാ​മ​യ്യ പ​റ​ഞ്ഞു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook