Latest News

നരേന്ദ്ര ദഭോൽക്കർ വധം: അഞ്ച് സനാതൻ സൻസ്ഥ പ്രവർത്തകർക്കെതിരെ കുറ്റം ചുമത്താൻ കോടതി ഉത്തരവ്

നാല് പ്രതികൾക്കെതിരെ കൊലപാതകം, കൊലപാതകത്തിനായുള്ള ഗൂഢാലോചന എന്നീ കുറ്റങ്ങൾക്കും, യുഎപിഎ, ആയുധ നിയമം എന്നിവ പ്രകാരവും കേസെടുക്കണമെന്ന് കോടതി

Narendra Dabholkar,

പൂനെ: ഡോക്ടർ നരേന്ദ്ര ദഭോൽക്കറെ കൊലപ്പെടുത്തിയ കേസിൽ തീവ്രവാദ സംഘടനയായ സനാതൻ സൻസ്തയുമായി ബന്ധമുള്ള അഞ്ച് പ്രതികൾക്കെതിരെ കുറ്റം ചുമത്താൻ പൂനെയിലെ പ്രത്യേക കോടതി ചൊവ്വാഴ്ച ഉത്തരവിട്ടു. കുറ്റം ചുമത്താൻ സെപ്റ്റംബർ 15 വരെ കോടതി സമയം നൽകി.

യുക്തിവാദിയും മഹാരാഷ്ട്ര അന്ധവിശ്വാസ നിർമാർജന സമിതിയുടെ (എംഎൻഎസ്) സ്ഥാപകനുമായ ഡോ. ദാഭോൽക്കർ (67) 2013 ഓഗസ്റ്റ് 20നാണ് കൊല്ലപ്പെട്ടത്. അന്ന് പുലർച്ചെ പുണെ ഓംകാരേശ്വർ ക്ഷേത്രത്തിനടുത്തുള്ള വിആർ ഷിൻഡെ പാലത്തിൽ പ്രഭാത നടത്തത്തിനിടെ രണ്ട് അക്രമികളുടെ വെടിയേറ്റ് കൊല്ലപ്പെടുകയായിരുന്നു.

2014 ൽ പൂനെ സിറ്റി പോലീസിൽ നിന്ന് കേസ് ഏറ്റെടുത്ത സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) ഇതുവരെ അഞ്ച് പ്രതികൾക്കെതിരെ കുറ്റപത്രം സമർപ്പിച്ചിട്ടുണ്ട്. അഡീഷണൽ സെഷൻസ് ജഡ്ജി എസ് ആർ നവാന്ദറിന്റെ പ്രത്യേക കോടതിയിലാണ് ഇപ്പോൾ കേസിന്റെ നടപടികൾ പുരോഗമിക്കുന്നത്. അഞ്ച് പ്രതികൾക്കെതിരെയും കുറ്റം ചുമത്താനുള്ള ഉത്തരവ് പുറപ്പെടുവിക്കുന്നതായി ചൊവ്വാഴ്ച കോടതി പറഞ്ഞു.

വീരേന്ദ്രസിങ് താവഡെ, സച്ചിൻ അൻഡൂരെ, ശരദ് കലാസ്കർ, വി, എന്ക്രം ഭാവെ എന്നിവർക്കെതിരെ കൊലപാതകം, കൊലപാതകത്തിനായുള്ള ഗൂഢാലോചന എന്നീ കുറ്റങ്ങൾക്കും, യുഎപിഎ, ആയുധ നിയമം എന്നിവ പ്രകാരവും അഭിഭാഷകൻ സഞ്ജീവ് പുനലേക്കറിനെതിെ തെളിവ് നശിപ്പിച്ചതിനും കേസെടുക്കണമെന്ന് കോടതി പറഞ്ഞു. കുറ്റപത്രങ്ങൾ പ്രകാരമുള്ള കുറ്റങ്ങൾ പ്രതികൾ ഓരോരുത്തരും സമ്മതിക്കുമോ ഇല്ലയോ എന്ന് കോടതി ചോദിക്കേണ്ടതുണ്ട്. ഇതിനായി ഇവയ്ക്ക് സെപ്റ്റംബർ 15 വരെ സമയം നൽകി.,

2016 ജൂണിൽ സിബിഐ ആദ്യമായി സനാതൻ സൻസ്ഥ അംഗവും ഇഎൻടി സർജനുമായ ഡോ. വീരേന്ദ്രസിങ് തവാഡെയെ അറസ്റ്റ് ചെയ്തു. 2016 സെപ്റ്റംബറിലാണ് അദ്ദേഹത്തിനെതിരായ കുറ്റപത്രം സമർപ്പിച്ചത്. ഡോ. 2018 ഓഗസ്റ്റിൽ സിബിഐ രണ്ട് സനാതൻ സൻസ്ത അംഗങ്ങളായ സച്ചിൻ ആന്ദുരെ, ശരദ് കലാസ്കർ എന്നിവരെ അറസ്റ്റ് ചെയ്തു.

2019 ഫെബ്രുവരിയിലാണ് ഇരുവർക്കുമെതിരെയുള്ള അനുബന്ധ കുറ്റപത്രം സമർപ്പിച്ചത്. ഡോ. 2019 മേയിൽ ഏജൻസി സനാതൻ സൻസ്തയുമായി ബന്ധമുള്ള മുംബൈയിലെ അഭിഭാഷകൻ സഞ്ജീവ് പുനലേക്കർ, അദ്ദേഹത്തിന്റെ സഹായി വിക്രം ഭാവെ എന്നിവരെ അറസ്റ്റ് ചെയ്തു. 2019 നവംബറിലാണ് അവർക്കെതിരായ കുറ്റപത്രം സമർപ്പിച്ചത്.

തവാഡെ, ആന്ദുരെ, കലാസ്‌കർ എന്നിവർ ജുഡീഷ്യൽ കസ്റ്റഡിയിൽ കഴിയുമ്പോൾ പുനലേക്കറും ഭാവെയും ജാമ്യത്തിലാണ്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Narendra dabholkar murder court orders framing of charges against 5 sanatan sanstha members

The moderation of comments is automated and not cleared manually by malayalam.indianexpress.com
Best of Express