ന്യൂഡൽഹി: പാക്കിസ്ഥാൻ സൈനികരുടെ തലയറുക്കുന്നവർക്ക് അഞ്ച് കോടി രൂപ സമ്മാനം പ്രഖ്യാപിച്ച് ഡൽഹി കേന്ദ്രമാക്കി പ്രവർത്തിക്കുന്ന മുസ്‌ലിം സംഘടന രംഗത്ത്. മുസ്‌ലിം യുവ ആദങ്ക്വാദ് വിരോധി സമിതി ചെയർമാൻ മുഹമ്മദ് ഷക്കീൽ സൈഫിയാണ് പ്രഖ്യാപനം നടത്തിയത്.

അതിർത്തിയിൽ ഇന്ത്യൻ സൈനികരുടെ മൃതശരീരം വികൃതമാക്കിയ പാക്കിസ്ഥാൻ സൈന്യത്തിനോടുള്ള പ്രതികാരമായാണ് പാക്ക് സൈനികരുടെ തലയറുക്കാൻ മുഹമ്മദ് ഷക്കീൽ ആഹ്വാനം ചെയ്തത്. സമ്മാനം നൽകാനുള്ള തുക സംഘടനാ അംഗങ്ങളെ കൊണ്ട് പിരിവ് നടത്തി സ്വരൂപിക്കുമെന്നും അദ്ദേഹം പറയുന്നു.

ഡൽഹിയിൽ നിന്ന് അജ്മീർ ദർഗ സന്ദർശിക്കാനായി രാജസ്ഥാനിലെത്തിയപ്പോഴായിരുന്നു മുഹമ്മദ് ഷക്കീൽ മാധ്യമപ്രവർത്തകർക്കു മുന്നിൽ പ്രഖ്യാപനം നടത്തിയത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook