scorecardresearch
Latest News

മഹാരാഷ്ട്രയിൽ ബോട്ട് അപകടം; 32 സ്കൂൾ കുട്ടികളെ രക്ഷപ്പെടുത്തി; 7 പേരെ കാണാനില്ല

ഇന്നു രാവിലെ 11.30 ഓടെയായിരുന്നു അപകടം

മഹാരാഷ്ട്രയിൽ ബോട്ട് അപകടം; 32 സ്കൂൾ കുട്ടികളെ രക്ഷപ്പെടുത്തി; 7 പേരെ കാണാനില്ല

മുംബൈ: മഹാരാഷ്ട്രയിൽ സ്കൂൾ കുട്ടികളുമായി പോയ ബോട്ട് അപകടത്തിൽപെട്ടു. മുംബൈയിൽനിന്നും 135 കിലോമീറ്റർ അകലെയുളള ദഹാനുവിലെ പർണക ബീച്ചിനു സമീപത്തായി 40 കുട്ടികളുമായി പോയ ബോട്ടാണ് അപകടത്തിൽപെട്ടത്. 32 കുട്ടികളെ രക്ഷപ്പെടുത്തി. കാണാതായ കുട്ടികൾക്കായുളള തിരച്ചിൽ തുടരുകയാണ്.

ഇന്നു രാവിലെ 11.30 ഓടെയായിരുന്നു അപകടം. കുട്ടികളുമായി പോയ ബോട്ട് അപകടത്തിൽപ്പെട്ടതായി വിവരം ലഭിച്ച ഉടൻ പൊലീസും മറ്റു ഉദ്യോഗസ്ഥരും സ്ഥലത്തെത്തി. ഉടൻ രക്ഷാപ്രവർത്തനം നടത്തുകയും 32 കുട്ടികളെ രക്ഷപ്പെടുത്തുകയും ചെയ്തു. കാണാതായ കുട്ടികൾക്കായി തിരച്ചിൽ തുടരുകയാണെന്ന് പൊലീസ് ഓഫീസർ പറഞ്ഞു.

കോസ്റ്റ് ഗാർഡിന്റെയും തീരദേശവാസികളുടെയും സഹായത്തോടെയാണ് രക്ഷാപ്രവർത്തനം. ബോട്ട് അപകടത്തിൽപെടാനുളള കാരണം വ്യക്തമല്ല.

Stay updated with the latest news headlines and all the latest News news download Indian Express Malayalam App.

Web Title: Mumbai boat capsize live updates school children dahanu coast dead injured rescue operations

Best of Express