ന്യൂഡൽഹി: ഹെലികോപ്റ്റർ അപകടത്തിൽ മരിച്ച സൈനികരുടെ മൃതദേഹങ്ങൾ പോസ്റ്റുമോർട്ടത്തിന് എത്തിച്ചത് കാർഡ് ബോർഡ് പെട്ടിയിൽ. അരുണാചൽ പ്രദേശിലെ തവാങ്ങിൽ രണ്ട് ദിവസം മുൻപ് മരിച്ച സൈനികരുടെ മൃതദേഹങ്ങളാണ് പ്ലാസ്റ്റിക് ഷീറ്റിൽ പൊതിഞ്ഞ് കാർഡ് ബോർഡിൽ കെട്ടി അയച്ചത്.

റിട്ടേ. ലഫ്റ്റനന്റ് ജനറൽ എച്ച്.എച്ച്.പനാഗ് ഈ അനാദരവിനെതിരെ ശക്തമായ ഭാഷയിൽ പ്രതികരിച്ചതോടെ സംഭവം ദേശീയ തലത്തിൽ തന്നെ വൻ വിവാദമായി. “രാജ്യത്തെ സേവിക്കാൻ ഏഴ് ചെറുപ്പക്കാർ വെയിലത്തിറങ്ങി. ഇങ്ങിനെയാണ് അവർ തിരിച്ചുവന്നത്” എന്ന കുറിപ്പോടെ മൃതദേഹങ്ങൾ കാർഡ്ബോർഡിൽ പൊതിഞ്ഞുകെട്ടിയ ചിത്രം അദ്ദേഹം ട്വീറ്റ് ചെയ്തു.

അതേസമയം സമുദ്രനിരപ്പിൽ നിന്ന് 17000 അടി ഉയരത്തിലാണ് ഹെലികോപ്റ്റർ തകർന്നുവീണത്. മരിച്ച സൈനികരെ ഇവിടെ നിന്ന് ശവപ്പെട്ടികളിലാക്കി താഴെ എത്തിക്കാൻ പ്രായോഗിക ബുദ്ധിമുട്ടുണ്ടായിരുന്നുവെന്നാണ് സൈന്യത്തിന്റെ മറുപടി.

ആശുപത്രിയിലെത്തിച്ച മൃതദേഹങ്ങൾ പിന്നീട് തടികൊണ്ടുള്ള പെട്ടിയിലേക്ക് മാറ്റിയിരുന്നു.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ