നാഗ്​പൂർ: ഫേസ്​ബുക്ക്​ ലൈവ്​ വിഡിയോ നൽകിയതിന് പിന്നാലെ ബോട്ട്​ മുങ്ങി ഏഴ്​ യുവാക്കളെ കാണാതായി. ഒരാളുടെ മൃതദേഹം ലഭിച്ചു. കാണാതായ ഏഴ് പേരും മരിച്ചെന്ന് സംശയമുണ്ട്. നാഗ്​പൂരിലെ വേന ഡാമിലാണ്​ അപകടം നടന്നത്​. ഞായറാഴ്​ച വൈകിട്ട്​ ഡാമിൽ ബോട്ട്​ യാത്രക്കെത്തിയ ഒമ്പതു യുവാക്കളാണ്​ അപകടത്തിൽ പെട്ടത്​. രണ്ട്​ ബോട്ട്​ ജീവനക്കാരെയും ഒരു കോളജ്​ വിദ്യാർഥിയെയും സാഹസികമായി രക്ഷപ്പെടുത്തി. എട്ട് വിദ്യാര്‍ഥികളും മൂന്ന് ജീവനക്കാരുമാണ് ബോട്ടില്‍ ഉണ്ടായിരുന്നത്.

ബോട്ടിൽ വെച്ച് സുഹൃത്തിന്റെ പിറന്നാള്‍ ആഘോഷിക്കുന്നതിന്റെ വീഡിയോ ദൃശ്യങ്ങള്‍ ഫെയ്സ്ബുക്കില്‍ പോസ്റ്റ് ചെയ്തതിനു പിന്നാലെയാണ് ഇവരെ കാണാതായത്. ഇന്നലെ വൈകുന്നേരം 6.30നാണ് ഈ ദൃശ്യം ഫെയ്സ്ബുക്കില്‍ പോസ്റ്റ് ചെയ്തിതിരിക്കുന്നത്.


വീഡിയോ കടപ്പാട്: Quint Extra

ബോട്ടിൽ മൂന്ന്​ ജീവനക്കാർ ഉൾപ്പെടെ പതിനൊന്ന്​ പേരാണ്​ യാത്ര ചെയ്​തിരുന്നത്​. വീഡിയോക്ക്​ പോസ്​ ചെയ്യുന്നതിനായി ഒമ്പതുപേരും ഒരുമിച്ച്​ ബോട്ടി​​ന്റെ ഒരു വശത്തേക്ക്​ നിന്നതാകാം അപകടത്തിനിടയാക്കിയതെന്നാണ് പൊലീസിന്രെ നിഗമനം. ദുരന്ത നിവാരണ സേനയും ഫയര്‍ഫോഴ്സും തിരച്ചില്‍ തുടരുകയാണ്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook