Latest News

പ്രധാനമന്ത്രി അമേരിക്കയിൽ; നരേന്ദ്ര മോദി-ഡൊണാൾഡ് ട്രംപ് കൂടിക്കാഴ്ച നാളെ

ട്രംപ് അധികാരത്തിൽ വന്ന ശേഷം ആദ്യമായാണ് ഇന്ത്യൻ പ്രധാനമന്ത്രിയുമായി കൂടിക്കാഴ്ച നടത്തുന്നത്

നരേന്ദ്ര മോദി, ഡൊണാൾഡ് ട്രംപ്, Narendra Modi, Donald Trump, India, US, ഇന്ത്യ അമേരിക്ക ഉഭയകക്ഷി ബന്ധം, മോദി-ട്രംപ് കൂടിക്കാഴ്ച, Modi meets Trump

വാഷിങ്ടൻ: അമേരിക്കൻ പ്രസിഡന്റ് ഡൊണാൾഡ് ട്രംപും ഇന്ത്യൻ പ്രധാനമന്ത്രി നരേന്ദ്ര മോദിയും തമ്മിലുള്ള കൂടിക്കാഴ്ച നാളെ നടക്കും. ഇതിനായി ഇന്ത്യൻ പ്രധാനമന്ത്രി നരേന്ദ്ര മോദി അമേരിക്കയിലെത്തി. പോർച്ചുഗൽ സന്ദർശനത്തിന് ശേഷമാണ് പ്രധാനമന്ത്രി അമേരിക്കയിലേക്ക് പോയത്.

വാഷിങ്ടൻ ഡിസിയിലെ ജോയിന്റ് ബേസ് ആൻഡ്രൂസിൽ വിമാനമിറങ്ങിയ പ്രധാനമന്ത്രി മോദിയെ സ്വീകരിക്കാൻ വിവിധ ഉദ്യോഗസ്ഥരും മേഖലയിലെ ഇന്ത്യൻ സമൂഹവുമെത്തി. റെഡ് കാർപറ്റ് വിരിച്ചായിരുന്നു ഇന്ത്യൻ പ്രധാനമന്ത്രിക്ക് അമേരിക്കൻ വിമാനത്താവളത്തിൽ സ്വാഗതമോതിയത്.

ഇതാദ്യമായാണ് ഇന്ത്യൻ പ്രധാനമന്ത്രി നരേന്ദ്ര മോദിയും അമേരിക്കൻ പ്രസിഡന്റ് ഡൊണാൾഡ് ട്രംപും കൂടിക്കാഴ്ച നടത്തുന്നത്. നാളെയാണ് കൂടിക്കാഴ്ച. ഇതിനായി ഒരുങ്ങിയിരിക്കുന്നതായി അമേരിക്കൻ ഭരണകൂടം നേരത്തേ തന്നെ അറിയിച്ചിരുന്നു.

അമേരിക്കൻ പ്രസിഡന്റന്റിനെ കാണുന്നതിന് മുൻപ് അമേരിക്കയിലുള്ള ചില വ്യവസായ പ്രമുഖരെയും ഇന്ത്യൻ പ്രധാനമന്ത്രി സന്ദർശിക്കുന്നുണ്ട്. അമേരിക്കൻ പ്രസിഡന്റുമായുള്ള കൂടിക്കാഴ്ചയിൽ അമേിക്കയിലെ ഇന്ത്യക്കാർക്കെതിരെ വർദ്ധിച്ചു വരുന്ന വംശീയ അതിക്രമങ്ങൾ ഇല്ലാതാക്കാൻ നടപടി സ്വീകരിക്കണമെന്ന് ഇന്ത്യൻ പ്രധാനമന്ത്രി ആവശ്യപ്പെട്ടേക്കും.

എച്ച് വൺ–ബി വീസ നിയന്ത്രണവും ഭീകരവാദത്തിനെതിരായ പോരാട്ടവുമെല്ലാം ചർച്ച യാകുമെന്നാണ് കരുതുന്നത്. ഡൊണാൾഡ് ട്രംപുമായുള്ള കൂടിക്കാഴ്ചയ്ക്ക് ശേഷം 27 ന് ഇന്ത്യൻ പ്രധാനമന്ത്രി നെതർലന്റിലേക്ക് പോകും. രാജാവ് വില്യം അലക്സാണ്ടർ, രാജ്ഞി മാക്സിമ, പ്രധാനമന്ത്രി മാർക് റുട്ടെ എന്നിവരുമായി ഈ സന്ദർശനത്തിൽ മോദി ചർച്ച നടത്തും.

ഇന്ത്യയും പോർച്ചുഗലും തമ്മിലുള്ള ഉഭയകക്ഷി ബന്ധം ദൃഢമാക്കിയാണ് നരേന്ദ്ര മോദി അമേരിക്കയിലേക്ക് പോയത്. 11 കരാറുകളിൽ പോർച്ചുഗൽ സന്ദർശനത്തിനിടെ മോദി ഒപ്പുവച്ചിരുന്നു. പ്രധാനമന്ത്രി നരേന്ദ്ര മോദിയും പോർച്ചുഗൽ പ്രധാനമന്ത്രി അന്റോണിയോ കോസ്റ്റയുമായി പ്രത്യേകമായി കൂടിക്കാഴ്ച നടത്തിയിരുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Modis us visit dinner with trump red carpet welcome for pm

Next Story
വൈറലായി ശശി തരൂരിന്റെ പോസ്റ്റ് വീണ്ടും; “ഹിന്ദി ദേശീയ ഭാഷയല്ല; പഠിക്കാൻ നിർബന്ധിക്കണ്ട”Sasi Tharoor, ശശി തരൂർ, സോഷ്യൽ മീഡിയ, ഹിന്ദി രാഷ്ട്രഭാഷ, ദേശീയ ഭാഷ വിവാദം, വെങ്കയ്യ നായിഡു, hindi not aa national language, sasi tharoor on hindi controversy
The moderation of comments is automated and not cleared manually by malayalam.indianexpress.com