സൈനികവേഷം ധരിച്ച് ഭീകരർ; പുതിയ വിഡിയോ പുറത്തുവിട്ടു

ജമ്മു: സൈനികവേഷം ധരിച്ച് തോക്കുകളും കയ്യിലേന്തിയുളള ഭീകരരുടെ പുതിയ വിഡിയോ ദൃശ്യം പുറത്ത്. സോഷ്യൽ മീഡിയയിലൂടെയാണ് വിഡിയോ പുറത്തുവിട്ടിരിക്കുന്നത്. 30 ഓളം ഭീകരരാണ് വിഡിയോയിലുളളത്.

എകെ-47 തോക്കുകളും കയ്യിൽ പിടിച്ച് ഓരോ ഭീകരനും ക്യാമറയ്ക്ക് മുന്നിലെത്തുന്നുണ്ട്. ബുളളറ്റ് പ്രൂഫ് യൂണിഫോമാണ് ഭീകരർ ധരിച്ചിട്ടുള്ളത്. വിഡിയോ ചിത്രീകരിച്ചത് എവിടെയാണെന്ന് വ്യക്തമല്ല. കശ്മീർ താഴ്‌വരയിലെവിടെയോ ആണ് ഇതെന്നാണ് വിവരം. വിഡിയോയുടെ ആധികാരികതയെക്കുറിച്ച് പരിശോധിച്ചുവരികയാണെന്ന് പൊലീസ് വ്യക്തമാക്കി.