Latest News
സാമൂഹിക കണക്ഷന്‍ ‘നെറ്റ്‌വര്‍ക്ക്’ ആക്കി ഒരു സ്‌കൂള്‍; ഓണ്‍ലൈന്‍ പഠനത്തിന് ഒരുക്കുന്നത് 250 വൈഫൈ കേന്ദ്രങ്ങള്‍
ഡെല്‍റ്റ പ്ലസ് വകഭേദം: ഇന്ത്യയില്‍ 40 കേസുകള്‍ റിപ്പോര്‍ട്ട് ചെയ്തു
രാജ്യദ്രോഹ കേസ്: ഐഷ സുൽത്താനയെ ചോദ്യം ചെയ്യുന്നു
കോവിഡ് മരണം തടയുന്നതില്‍ ഒരു ഡോസ് വാക്സിന് 82 ശതമാനം ഫലപ്രദം
സംസ്ഥാനത്ത് കൂടുതല്‍ ഇളവുകള്‍ നാളെ മുതല്‍
വിസ്മയയുടെ മരണം: പ്രതിക്ക് തക്ക ശിക്ഷ ഉറപ്പാക്കുമെന്ന് ദക്ഷിണ മേഖല ഐജി ഹര്‍ഷിത അത്തല്ലൂരി
ആവേശപ്പോരില്‍ പോര്‍ച്ചുഗല്‍ ഫ്രാന്‍സിനെ നേരിടും; മത്സരം എവിടെ, എങ്ങനെ കാണാം?
‘ജാനുവിന് 25 ലക്ഷം കൈമാറി, ഏർപ്പാടാക്കിയത് ആർഎസ്.എസ്’; പുതിയ ശബ്ദരേഖ
UEFA EURO 2020: സ്കോട്ട്ലന്‍ഡിനെ കീഴടക്കി ക്രൊയേഷ്യ; ഇംഗ്ലണ്ടിനും ജയം
രാജ്യത്തെ കോവി‍ഡ് കേസുകള്‍ മൂന്ന് കോടി കവിഞ്ഞു
സംസ്ഥാനത്ത് ആദ്യ ഡോസ് വാക്സിന്‍ സ്വീകരിച്ചവര്‍ ഒരു കോടിയിലധികം; കൂടുതലും സ്ത്രീകള്‍

എല്‍ നിനോ വില്ലനാകും: മണ്‍സൂണ്‍ മഴ കുറയാന്‍ സാധ്യത

സെപ്തംബര്‍ വരെ എല്‍നിനോ ഇതേ സ്ഥിതിയില്‍ തുടരാനാണ് സാധ്യത കാണുന്നത്.

മുംബെെ: രണ്ട് ആഴ്ചക്കുള്ളില്‍ ഇന്ത്യന്‍ കാലാവസ്ഥാ നിരീക്ഷ വകുപ്പ് (ഐഎംഡി) ഇക്കൊല്ലത്തെ തെക്ക് പടിഞ്ഞാറന്‍ മണ്‍സൂണ്‍ കാലാവസ്ഥ സംബന്ധിച്ച ആദ്യ അറിയിപ്പ് പുറത്തിറക്കും. എന്നാല്‍ ഇപ്പോള്‍ ലഭിക്കുന്ന സൂചനകളില്‍ നിന്നും മനസിലാകുന്നത് നല്ല മഴ ലഭിക്കില്ലെന്നാണ്. സാധാരണയായി ജൂണ്‍ മാസം ആദ്യത്തോടെയാണ് ഇന്ത്യന്‍ ഉപഭൂഖണ്ഡത്തില്‍ മണ്‍സൂണ്‍ ആരംഭിക്കുന്നത്.

ഇപ്പോള്‍ ഭൂമധ്യരേഖയോടടുത്തത് രൂപപ്പെട്ടിരിക്കുന്ന എല്‍ നിനോ മണ്‍സൂണ്‍ വരെയോ ചിലപ്പോള്‍ ഈ വര്‍ഷം അവസാനം വരെയോ തുടരാന്‍ സാധ്യതയുള്ളതായാണ് ലോകത്തിന്റെ വിവിധ ഭാഗങ്ങളില്‍ നിന്നുമുള്ള കാലാവസ്ഥാ ഏജന്‍സികള്‍ നല്‍കുന്ന ബുള്ളറ്റിനുകള്‍ പറയുന്നത്. പസഫിക് സമുദ്രത്തില്‍ ഭൂമധ്യരേഖയോടു ചേര്‍ന്ന ഭാഗത്ത് സമുദ്രജലത്തിന്റെ ഊഷ്മാവ് കൂടുന്ന അവസ്ഥയാണ് എല്‍ നിനോ.

പസഫിക് സമുദ്രോപരിതലത്തിലെ ചൂട് ശരാശരിയില്‍ കൂടുതാണ് ഇപ്പോള്‍. കാറ്റുമുണ്ട്. സെപ്തംബര്‍ വരെ എല്‍നിനോ ഇതേ സ്ഥിതിയില്‍ തുടരാനാണ് സാധ്യത കാണുന്നത്. മാര്‍ച്ചു മുതല്‍ മെയ് വരെ 80 ശതമാനവും വേനല്‍ക്കാലത്തിന് ശേഷം ജൂണ്‍ മുതല്‍ സെപ്തംബര്‍ വരെ 60 ശതമാനവും എല്‍നിനോ തുടരുമെന്നാണ് വിലയിരുത്തപ്പെടുന്നതെന്ന് യുഎസിന്റെ കാലാവസ്ഥാ പ്രവചന വിഭാഗകമായ എന്‍ഒഎഎയുടെ അറിയിപ്പില്‍ പറയുന്നുണ്ട്.

നേരത്തെ ഫെബ്രുവരിയില്‍ പുറത്ത് വിട്ട അറിയിപ്പില്‍ 55 ശതമാനത്തിന്റെ സാധ്യതയായിരുന്നു പറഞ്ഞിരുന്നത്. അതേസമയം, ഓസ്‌ട്രേലിയയുടെ അലേര്‍ട്ടില്‍ എല്‍നിനോയ്ക്ക് 70 ശതമാനം സാധ്യതയാണ് കല്‍പ്പിക്കുന്നത്.

പതിവു പോലെ ഏപ്രില്‍ മാസത്തിന്റെ മധ്യത്തിലാണ് ഐഎംഡി ഇക്കൊല്ലവും കാലാവസ്ഥ സംബന്ധിച്ച അറിയിപ്പ് നല്‍കുക. കൃഷി, കുടിവെള്ളം, വൈദ്യുതി തുടങ്ങിയ വിഷയങ്ങളില്‍ മണ്‍സൂണ്‍ മഴയ്ക്ക് ഏറെ സ്വാധീനമുള്ളത് കൊണ്ടു തന്നെ ആകാംഷയോടെയാണ് പ്രവചനത്തെ കാത്തിരിക്കുന്നത്.

”നല്ല മഴയ്ക്കുള്ള സാഹചര്യമല്ല ഇപ്പോള്‍ കാണുന്നത്. പക്ഷെ, ഇപ്പോള്‍ അതേ കുറിച്ച് എന്തെങ്കിലും ഉറപ്പിച്ച് പറയുക സാധ്യമല്ല. കാത്തിരുന്ന് സൂചനകള്‍ നോക്കിയാണ് തീരുമാനത്തിലേക്ക് എത്തേണ്ടത്” ഐഎംഡി കാലാവസ്ഥാ ഗവേഷണ വിഭാഗത്തിന്റെ തലവനായ ഡിഎസ് പൈ പറഞ്ഞു. എല്‍ നിനോയെ സംബന്ധിച്ച് വ്യക്തമായൊരു ചിത്രം വരും ആഴ്ചകളില്‍ മാത്രമേ ലഭ്യമാവുകയുള്ളൂവെന്നാണ് മാരിലാന്റ് സര്‍വ്വകലാശാലയിലെ രഘു മുര്‍തുഗുഡ്ഡേ പറയുന്നത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Mild el nino may effect monsoon rainfall

Next Story
‘മോദിയാണ് ഇന്ത്യ, ഇന്ത്യയാണ് മോദി’; കോൺഗ്രസിന്റെ തെറ്റ് ബിജെപിയും ആവർത്തിക്കുന്നുMayawati മായാവതി SP, എസ്പി ie malayalam ഐഇ മലയാളം
The moderation of comments is automated and not cleared manually by malayalam.indianexpress.com