ചെ​ന്നൈ: വ്യോമസേനയുടെ വിമാനവും ഇന്റിഗോ വിമാനവും കഴിഞ്ഞ ആഴ്ച ചെന്നൈ ആകാശത്ത് നേർക്കുനേർ എത്തിയതായി റിപ്പോർട്ട്. സമയോചിതമായി ഇന്റിഗോ വിമാനത്തിലെ പൈലറ്റിന് ആർഎ സംവിധാനം വഴി വിമാനം ഉയർത്താൻ നിർദ്ദേശം നൽകാനായതത് രക്ഷയായി.

ചെ​ന്നൈ​യി​ൽ ക​ഴി​ഞ്ഞ തി​ങ്ക​ളാ​ഴ്ച രാ​ത്രി 9.49 ന് ​ആ​യി​രു​ന്നു സം​ഭ​വം. ര​ണ്ടു വി​മാ​ന​ങ്ങ​ളും 300 അ​ടി ഉയരത്തിൽ വച്ച് നേർക്കുനേർ വന്നു. കോ​ക്പി​റ്റി​ലെ ഓ​ട്ടോ-​ജ​ന​റേ​റ്റ​ഡ് സം​വി​ധാ​നം സ​ന്ദേ​ശം ന​ൽ​കി​യ​തോ​ടെ ഇന്റിഗോ പൈ​ല​റ്റ് വിമാനം ഉയർത്തി

ഇ​ൻ​ഡി​ഗോ സം​ഭ​വം സ്ഥി​രീ​ക​രി​ച്ചു. എ​ന്നാ​ൽ വ്യോ​മ​സേ​ന ഇ​ക്കാ​ര്യം സ്ഥി​രീ​ക​രി​ക്കാ​ൻ തയ്യാ​റാ​യി​ട്ടി​ല്ല. വിശാഖപട്ടണത്ത് നിന്ന് ചെന്നൈ വഴി ബെംഗളൂരുവിലേക്കുളള ഇന്റിഗോയുടെ 6E-647 വിമാനമായിരുന്നു ഇത്. അതേസമയം ഏവിയേഷൻ വിഭാഗം ഡയറക്ടർ ജനറലിന് ഇന്റിഗോ പരാതി നൽകിയിട്ടുണ്ട്.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ