Latest News

ഡൽഹി സർക്കാരിന്‍റെ ഒമ്പത് ഉപദേശകർക്ക് നിയമനാനുമതി നൽകാതെ കേന്ദ്ര സർക്കാർ

അരവിന്ദ് കെജ്‌രിവാൾ സർക്കാരും കേന്ദ്രസർക്കാരും തമ്മിൽ നിരവധി വിഷയങ്ങളിൽ​ കൊമ്പുകോർക്കുന്നുണ്ട്. പ്രത്യേകിച്ച് നിയമനങ്ങളുമായി ബന്ധപ്പെട്ട കാര്യങ്ങളിൽ ഇരു സർക്കാരുകളും തമ്മിലുളള​ പോര് ശക്തമാണ്.

arvind kejriwal, അരവിന്ദ് കേജ്‌രിവാൾ, aap, എഎപി, ie malayalam, ഐഇ മലയാളം

ഡൽഹി സർക്കാരിന്‍റെ ഒമ്പത് ഉപദേശകർക്ക് നിയമാനാനുമതി നൽകാതെ കേന്ദ്രം. ബി ജെ പി ഭരിക്കുന്ന കേന്ദ്ര സർക്കാരും ഡൽഹി ഭരിക്കുന്ന ആം ആദ്മി സർക്കാരും തമ്മിലുളള പുതിയ വിവാദത്തിന് വഴിയൊരുക്കികൊണ്ടാണ് ഇപ്പോഴത്തെ തീരുമാനം വന്നിട്ടുളളത്. നേരത്തെ 20 എം എൽ എ​മാരെ ഇരട്ടപ്പദവിയുടെ പേരിൽ അയോഗ്യരാക്കിയത് ഡൽഹി ഹൈക്കോടതി റദ്ദാക്കിയിരുന്നു.

കേന്ദ്ര സർക്കാരിന്‍റെ അനുമതിയില്ലാതെയാണ് ഒമ്പത് ഉപദേശകരുടെ നിയമനം എന്ന് ആഭ്യന്തര മന്ത്രാലയം വാദിക്കുന്നു. ഈ തസ്തികയ്ക്ക് അനുമതി നൽകുകയെന്നത് ഡൽഹി സർക്കാരിന്‍റെ പരിധിയിൽ വരുന്നതല്ലെന്നും ആഭ്യന്തര വകുപ്പ് പറയുന്നു.
അമർദ്വീപ് തീവാരി, അരുണോദയ് പ്രകാശ് , രാഘവ് ഛദ്ദ, അതിഷി മാർലേന, ദിൻകർ അഡിബ്, രാം കുമാർ ഝാ, സമീർ മൽഹോത്ര, രാഘവ് ഛദ്ദ, രജത് തീവാരി എന്നീ ഒമ്പത് പേരെയാണ് ഉപദേശ സ്ഥാനത്ത് നിന്നും പുറത്താക്കി തീരുമാനം വന്നിട്ടുളളത്.

MHA cancels appointment of 9 Delhi government advisors
അതിഷി മർലേനെയെ ലക്ഷ്യം വച്ചാണ് കേന്ദ്ര സർക്കാരിന്‍റെ ഈ നീക്കമെന്ന് ഉപമുഖ്യമന്ത്രി മനീഷ് സിസോദിയ അഭിപ്രായപ്പെട്ടു. ഡൽഹിയിലെ വിദ്യാഭ്യാസ സമ്പ്രദായം മെച്ചപ്പെടുത്തുന്നതിൽ അതിഷി ശക്തമായി പ്രവർത്തിക്കുന്നുണ്ട് അതിനാലാണിത്. ഡൽഹിയിലെ വിദ്യാഭ്യാസ സമ്പ്രദായം മെച്ചപ്പെടുത്തുന്ന സാഹചര്യത്തിലാണ് ഈ​നീക്കം” സിസോദിയ പറഞ്ഞു.

ഒമ്പത് ഉപദേശകരിൽ നാല് പേർ മാത്രമാണ് നിലവിൽ ഡൽഹി സർക്കാരുമായി ബന്ധപ്പെട്ട് പ്രവർത്തിക്കുന്നത്. പ്രധാന മന്ത്രി നരേന്ദ്രമോദി ഡൽഹിയിലെ വിദ്യാഭ്യാസ സമ്പ്രാദയത്തെ തകർക്കാൻ ശ്രമിക്കുകയാണെന്നും സിസോദിയ ആരോപിച്ചു.

അരവിന്ദ് കെജ്‌രിവാൾ സർക്കാരും കേന്ദ്രസർക്കാരും തമ്മിൽ നിരവധി വിഷയങ്ങളിൽ​ കൊമ്പുകോർക്കുന്നുണ്ട്. പ്രത്യേകിച്ച് നിയമനങ്ങളുമായി ബന്ധപ്പെട്ട കാര്യങ്ങളിൽ ഇരു സർക്കാരുകളും തമ്മിലുളള പോര്  ശക്തമാണ്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Mha cancels appointment of 9 advisors to delhi government

Next Story
കോൺഗ്രസിനെ ചുറ്റി പാർട്ടി കോൺഗ്രസ്; കരട് രേഖയ്ക്ക് എതിരായ ഭിന്നാഭിപ്രായങ്ങൾ യെച്ചൂരി അവതരിപ്പിക്കുംYechuri, Sitaram Yechuri, Prakash Karatt, CPIM, CPM party Congress,
The moderation of comments is automated and not cleared manually by malayalam.indianexpress.com