ന്യൂഡൽഹി: അഞ്ച് വര്‍ഷത്തോളം നീണ്ട നിയമപോരാട്ടത്തിനൊടുവില്‍ മാരുതിയുടെ മനേസർ പ്ലാൻറിൽ കലാപമുണ്ടാക്കുകയും മാ​നേജരെ കൊലപ്പെടുത്തുകയും ചെയ്​ത സംഭവത്തിൽ 31 പേർ കുറ്റക്കാരാണെന്ന്​ കോടതി. കൊലപാതകം നടത്താന്‍ ഗൂഢാലോചന നടത്തുകയും കലാപം നടത്തുകയും ചെയ്തതിനാണ് പ്രതികള്‍ക്കെതിരെ കേസെടുത്തത്.

147 പേരെയാണ് പൊലീസ് പിടികൂടിയിരുന്നത്. ഇതിൽ 117 പേരെ കുറ്റക്കാരല്ലെന്ന്​ കണ്ട്​ കോടതി വെറുതെ വിട്ടു. കേസുമായി ബന്ധപ്പെട്ട്​ 11 പേർ ഇപ്പോഴും വിചാരണ തടവുകാരായി ജയിലിലാണ്​.

2012 ജൂലൈ 18നാണ്​ കേസിനാസ്​പദമായ സംഭവം​. മാനേജ്മെന്റുമായി ഉണ്ടായ തര്‍ക്കത്തെ തുടര്‍ന്ന് ജീവനക്കാര്‍ സംഘടിച്ച് ഫാക്ടറിക്ക് തീവെക്കുകയും എച്ച്​.ആർ മാനേജർ അവിനാഷ്​ കുമാർ ദേവിനെ കൊലപ്പെടുത്തുകയും ചെയ്​തിരുന്നു.

കോടതി വിധിയുടെ പശ്​ചാത്തലത്തിൽ മാരുതിയുടെ നിർമാണശാലയുടെ സു​രക്ഷ പൊലീസ്​ വർധിപ്പിച്ചു. ജില്ല ഭരണകൂടം മാരുതിയുടെ നിർമാണശാലക്ക്​ 500 മീറ്റർ ചുറ്റളവിൽ നിരോധാജ്ഞ പ്രഖ്യാപിച്ചിട്ടുണ്ട്​. മാർച്ച്​ 10 മുതൽ 15 വരെയാണ്​ നിരോധനജ്ഞ.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ