Latest News

സ്വപ്നത്തിൽ ദർശിച്ച ശിവലിംഗം കണ്ടെത്താൻ ആൾദൈവം ദേശീയ പാത തുരന്നു

ജന്‍ഗോണ്‍ മുന്‍സിപ്പല്‍ വൈസ് ചെയര്‍മാന്‍ ഉള്‍പ്പെടെയുള്ളവര്‍ മനോജിനെ സഹായിക്കാനെത്തി

 

ഹൈ​ദ​രാ​ബാ​ദ്: ഇന്ത്യ കഴിഞ്ഞ ദിവസം ജി​എ​സ്എ​ൽ​വി മാ​ർ​ക്ക് മൂ​ന്ന് വി​ജ​യ​ക​ര​മാ​യി വി​ക്ഷേ​പി​ച്ച് ലോകത്തിന് മുന്നിൽ തലയുയർത്തി നിന്നു. പറഞ്ഞിട്ടെന്താ കാര്യം, അതേ ദിവസം തന്നെയാണ് നാണം കെടുത്തുന്ന വാർത്തയും പുറത്ത് വരുന്നത്. സ്വപ്നത്തിൽ ശി​വ​ലിം​ഗം കണ്ടതിനെ തു​ട​ർ​ന്ന് ആൾദൈവം ദേ​ശീ​യ പാ​ത തു​ര​ന്നിരിക്കുകയാണ്. തെ​ലു​ങ്കാ​ന​യി​ൽ​നി​ന്നാണ് വാ​ർ​ത്ത. തെ​ലു​ങ്കാ​ന​യി​ലെ ജ​ന്‍​ഗാ​വ് ജി​ല്ലി​യി​ലു​ള്ള പേ​മ്പാ​ര്‍​ത്തി ഗ്രാ​മ​ത്തി​ലാ​യി​രു​ന്നു സ്വയം പ്രഖ്യാപിത ആള്‍ദൈവമായ ലഖന്‍ മ​നോ​ജ് എ​ന്ന യു​വാ​വ് സ്വ​പ്ന​ത്തി​ൽ ക​ണ്ട ശി​വ​ലിം​ഗ​ത്തി​നാ​യി ദേ​ശീ​യ പാ​ത കു​ഴി​ച്ച​തെന്ന് എൻഡിടിവി റിപ്പോർട്ട് ചെയ്യുന്നു.

പ്രദേശവാസികളുടെ സഹായത്തോടെയാണ് മനോജ് ഹൈദരാബാദ് – വാറങ്കല്‍ പാതയില്‍ 20 അടി താഴ്ചയില്‍ കുഴിയെടുത്തത്. റോഡിനടിയില്‍ ശിവലിംഗമുണ്ടെന്ന് ശിവന്‍ തന്‍റെ സ്വപ്‌നത്തില്‍ വന്ന് പറഞ്ഞെന്നാണ് മനോജിന്‍റെ അവകാശവാദം. ആ ശിവലിംഗം കുഴിച്ചെടുത്ത് ക്ഷേത്രം നിര്‍മിക്കാന്‍ ശിവന്‍ ആവശ്യപ്പെട്ടെന്നും മനോജ് പറഞ്ഞു. ജന്‍ഗോണ്‍ മുന്‍സിപ്പല്‍ വൈസ് ചെയര്‍മാന്‍ ഉള്‍പ്പെടെയുള്ളവര്‍ മനോജിനെ സഹായിക്കാനെത്തി എന്നതാണ് അതിശയകരം.

TV9

ല​ക്ഷ​മ​ണ്‍ മ​നോ​ജ് നി​ര​ന്ത​രം ഇ​തേ സ്വ​പ്നം കാ​ണു​കയും സ്വ​പ്നം കാ​ണു​മ്പോ​ഴെ​ല്ലാം ഇ​യാ​ൾ ഇ​വി​ടെ എ​ത്തു​ക​യും ഉ​റ​ഞ്ഞ് തു​ള്ളു​ക​യും ചെ​യ്യും. ക​ഴി​ഞ്ഞ മൂ​ന്ന് വ​ര്‍​ഷ​മാ​യി ശി​വ​ലിം​ഗം ല​ഭി​ക്കു​ന്ന​തി​ന് റോ​ഡ് കു​ഴി​ക്ക​ണ​മെ​ന്ന് ഇ​യാ​ൾ ആ​വ​ശ്യ​പ്പെ​ടു​ന്നെ​ങ്കി​ലും ആ​രു​ടേ​യും പി​ന്തു​ണ ല​ഭി​ച്ചി​രു​ന്നി​ല്ല. എ​ന്നാ​ൽ ഇ​യാ​ൾ എ​ല്ലാ തി​ങ്ക​ളാ​ഴ്ച ദി​വ​സ​വും റോ​ഡി​ൽ​വ​ന്നു പൂ​ജ ചെ​യ്തു​പോ​ന്നു. ഒ​ടു​വി​ൽ ഗ്രാ​മ​വാ​സി​ക​ളെ​യും പ്രാ​ദേ​ശി​ക രാ​ഷ്ട്രീ​യ നേ​താ​ക്ക​ളെ​യും ഇ​തോ​ടെ​യാ​ണ് ക​ഴി​ഞ്ഞ ദി​വ​സം റോ​ഡ് കു​ഴി​ക്കാ​ൻ തീ​രു​മാ​ന​മാ​യ​ത്.

20 അടി കുഴിച്ചിട്ടും ശിവലിംഗം ലഭിച്ചില്ല. ഒടുവില്‍ ഗതാഗതം തടസ്സപ്പെടുത്തിയതിനും പൊതുമുതല്‍ നശിപ്പിച്ചതിനും മനോജിനെതിരെ പൊലീസ് കേസെടുത്തിട്ടുണ്ട്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Mans dream of lord shiva leads to nightmare on hyderabad highway

Next Story
ഖത്തർ പ്രതിസന്ധി: മധ്യസ്ഥ ശ്രമം ഊർജ്ജിതം; കുവൈറ്റ് അമീർ സൗദി രാജാവിനെ കണ്ടുKuwait
The moderation of comments is automated and not cleared manually by malayalam.indianexpress.com