Latest News
കവിയും ഗാനരചയിതാവുമായ പൂവച്ചല്‍ ഖാദര്‍ വിടവാങ്ങി
കോപ്പ അമേരിക്കയില്‍ അര്‍ജന്റീനക്ക് മൂന്നാം ജയം
കൂടുതല്‍ ഇളവുകള്‍; തീരുമാനം ഇന്ന് ചേരുന്ന അവലോകന യോഗത്തില്‍
അതിവേഗം വാക്സിനേഷന്‍; ഇന്നലെ കുത്തിവയ്പ്പെടുത്തത് 82.7 ലക്ഷം പേര്‍
42,640 പുതിയ കേസുകള്‍; 91 ദിവസത്തിനിടയിലെ കുറഞ്ഞ നിരക്ക്

മണിപ്പൂരിൽ ബിജെപിയുടെ ബീരേൻ സിങ് മന്ത്രിസഭ സത്യപ്രതിജ്ഞ ചെയ്‌ത് അധികാരമേറ്റു

മണിപ്പൂരിലെ ആദ്യ ബിജെപി സര്‍ക്കാരാണ് എൻ.ബീരേൻ സിങ്ങിന്റെ നേതൃത്വത്തിൽ അധികാരത്തിൽ വരുന്നത്.

biren singh

ഇംഫാൽ: രാഷ്‌ട്രീയ വിവാദങ്ങൾക്കും നാടകീയതകൾക്കുമൊടുവിൽ മണിപ്പൂരിൽ ബിജെപി സർക്കാർ അധികാരമേറ്റു. നിയമസഭാകക്ഷി നേതാവ് എൻ.ബീരേൻ സിങ്ങിന്റെ നേതൃത്വത്തിലുളള സർക്കാരാണ് ഇന്ന് സത്യപ്രതിജ്ഞ ചെയ്‌ത് അധികാരമേറ്റെടുത്തത്. ആര്‍ക്കും ഭൂരിപക്ഷമില്ലാത്ത മണിപ്പൂരില്‍ കോണ്‍ഗ്രസാണ് ഏറ്റവും വലിയ ഒറ്റകക്ഷിയെങ്കിലും പ്രാദേശിക പാര്‍ട്ടികളെ കൂട്ടുപിടിച്ചാണ് ബിജെപി അധികാരത്തിലേറുന്നത്.

മുൻ കോൺഗ്രസുകാരനായ എൻ.ബീരേൻ സിങ് നേരത്തേ ഇബോബി സിങ് മന്ത്രിസഭയിൽ അംഗമായിരുന്നു. മണിപ്പൂരിലെ ആദ്യ ബിജെപി സര്‍ക്കാരാണ് എൻ.ബീരേൻ സിങ്ങിന്റെ നേതൃത്വത്തിൽ അധികാരത്തിൽ വരുന്നത്. മണിപ്പുരിൽ പുതിയ മന്ത്രിമാർക്ക് ഗവർണർ നജ്മ ഹെപ്‌തുല്ല സത്യപ്രതിജ്ഞ ചൊല്ലിക്കൊടുത്തു.

n biren singh, manipur, manipur cm, najma heptulla
സർക്കാർ രൂപീകരിക്കാൻ ക്ഷണിച്ചുകൊണ്ടുള്ള കത്ത് മണിപ്പൂർ ഗവർണർ നജ്മ ഹെപ്‌തുല്ല ബിജെപി നിയുക്ത മുഖ്യമന്ത്രി എൻ. ബീരേൻ സിങ്ങിന് കൈമാറുന്നു. ചിത്രം: പിടിഐ

അതേസമയം, ഏറ്റവും വലിയ ഒറ്റകക്ഷിയായ കോൺഗ്രസിനെ സർക്കാരുണ്ടാക്കാൻ ക്ഷണിക്കാത്തതിന് വിശദീകരണവുമായി ഗവർണർ നജ്‌മ ഹെപ്‌തുല്ല രംഗത്തെത്തി. ആർക്കാണ് ഭൂരിപക്ഷമെന്ന് നോക്കി സംസ്ഥാനത്തിന്റെ സ്ഥിരതയ്‌ക്കായി ജോലി ചെയ്യേണ്ടത് ഗവർണറുടെ ഉത്തരവാദിത്തമാണെന്നും അതാണ് ചെയ്‌തതെന്നുമാണ് അവർ പറഞ്ഞത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Manipur governor invites bjp to form govt n biren singhs swearing today

Next Story
ഭീകരസാന്നിധ്യമെന്ന് സൂചന; പത്താന്‍കോട്ട് വ്യോമസേനാ കേന്ദ്രത്തില്‍ അതീവ ജാഗ്രതാ നിര്‍ദേശം, ശക്തമായ തിരച്ചില്‍
The moderation of comments is automated and not cleared manually by malayalam.indianexpress.com