നാസിക് : ടെലിവിഷന്‍ റിമോട്ടിന് വേണ്ടിയുള്ള അടിപിടിക്കിടെ ഭാര്യയെ ഭര്‍ത്താവ് കല്ലുകൊണ്ട് തലയ്ക്കടിച്ചു കൊന്നു. നാസിക്കിലാണ് ഈ ദാരുണ സംഭവം നടന്നത്. ശോഭ എന്ന സ്ത്രീയാണ് കൊല്ലപ്പെട്ടതെന്ന് മിഡ് ഡേ റിപ്പോർട്ട്ചെയ്യുന്നു.

ദത്ത നഗറിലെ ഒരു കണ്‍സ്ട്രഷന്‍ സൈറ്റിലാണ് ഇരുവരും താമസിച്ചിരുന്നത്. കിടക്കയില്‍ വച്ച് ഭാര്യയെ ആക്രമിക്കുന്നതിന് തൊട്ടുമുന്‍പ് ടീവി റിമോര്‍ട്ടിന് വേണ്ടി ഇരുവരും തമ്മില്‍ വാക്കേറ്റം നടന്നതായി പോലീസ് പറയുന്നു.

തുടര്‍ന്ന് രാത്രി ഉറങ്ങാന്‍ കിടന്ന ശോഭയെ ഭര്‍ത്താവ് കല്ലുകൊണ്ട് തലയ്ക്കിടിച്ച് കൊല്ലുകയായിരുന്നു. സംഭവത്തിന് ദൃകസാക്ഷികളായ മക്കളാണ് അച്ഛനെതിരെ പോലീസില്‍ മൊഴി നല്‍കിയിരിക്കുന്നത്.

ശോഭയുടെ മൃതശരീരം പോസ്റ്റ് മോര്‍ട്ടത്തിനായി പോലീസ് സ്‌റ്റേഷനിലേക്ക് അയച്ചിരിക്കുകയാണ്.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ