scorecardresearch

മലേഗാവ് സ്ഫോടന കേസ്; സാധ്വി പ്രഗ്യക്കും കേണൽ പുരോഹിതിനും ആശ്വാസം; പ്രധാന കുറ്റങ്ങൾ കോടതി നീക്കി

മഹാരാഷ്ട്രയിലെ മുസ്ലിം ഭൂരിപക്ഷ പ്രദേശമായ മലേഗാവിൽ നടന്ന സ്ഫോടനത്തിൽ ഏഴ് പേരാണ് കൊല്ലപ്പെട്ടത്. നൂറോളം പേർക്ക് പരുക്കേറ്റിരുന്നു

മലേഗാവ് സ്ഫോടന കേസ്; സാധ്വി പ്രഗ്യക്കും കേണൽ പുരോഹിതിനും ആശ്വാസം; പ്രധാന കുറ്റങ്ങൾ കോടതി നീക്കി

മുംബൈ: മഹാരാഷ്ട്രയിലെ മുസ്ലിം ഭൂരിപക്ഷ പ്രദേശമായ മലേഗാവിൽ 2008 ൽ നടന്ന സ്ഫോടനകേസിൽ പ്രതികളായ സാധ്വി പ്രഗ്യക്കും ലഫ്റ്റനന്റ് കേണൽ പുരോഹിതിനും കോടതിയുടെ ആശ്വാസ വിധി. മക്കോക്കയും അനധികൃതമായി ആയുധം കൈവശം വച്ചതിന് ചുമത്തിയ കുറ്റങ്ങളും കോടതി നീക്കി.

എന്നാൽ ഇരുവർക്കും എതിരെ ചുമത്തിയ യുഎപിഎ നിയമത്തിലെ 18-ാം വകുപ്പ് കോടതി നിലനിർത്തി. എല്ലാ പ്രതികളും ഇപ്പോൾ ജാമ്യത്തിലാണ്. ഇവരുടെ ജാമ്യം തുടരുമെന്നും കോടതി വ്യക്തമാക്കി.

ജനുവരി 15 നാണ് കേസിന്റെ അടുത്ത വിചാരണ. 2008 സെപ്റ്റംബർ 29 നാണ് മലേഗാവിൽ ഒരു മോട്ടോർസൈക്കിളിൽ ഘടിപ്പിച്ച രണ്ട് ബോംബ് പൊട്ടിത്തെറിച്ചത്. ഇതിൽ ഏഴ് പേർ കൊല്ലപ്പെടുകയും നൂറോളം പേർക്ക് പരുക്കേൽക്കുകയും ചെയ്തിരുന്നു.

സംഭവത്തിന് പിന്നിൽ തീവ്ര ഹിന്ദുത്വ സംഘടനയായ അഭിനവ് ഭാരത് ആണെന്ന് കണ്ടെത്തിയ അന്വേഷണ സംഘം സാധ്വി പ്രഗ്യയെ ഇതേ വർഷം ഒക്ടോബറിനും ലഫ്റ്റനന്റ് കേണൽ പുരോഹിതിനെ നവംബറിലും അറസ്റ്റ് ചെയ്യുകയായിരുന്നു. ഇവർ ഇരുവരുമാണ് സ്ഫോടനത്തിന് പിന്നിൽ പ്രവർത്തിച്ചതെന്നാണ് അന്വേഷണ സംഘം കണ്ടെത്തിയത്.

Stay updated with the latest news headlines and all the latest News news download Indian Express Malayalam App.

Web Title: Malegaon blast case mcoca charges dropped against sadhvi pragya lt colonel purohit