കൊ​ളം​ബോ: പാര്‍ലമെന്റ് പിരിച്ചുവിട്ട ശ്രീലങ്കന്‍ പ്ര​സി​ഡ​ന്റ് മൈ​ത്രി​പാ​ല സി​രി​സേ​നയുടെ നടപടി ലങ്കന്‍ സുപ്രിംകോടതി സ്റ്റേ ചെയ്തു. ഡിസംബര്‍ 7 വരെയാണ് ഉത്തരവ് കോടതി സ്റ്റേ ചെയ്തത്. പാര്‍ലമെന്റ് പിരിച്ചുവിട്ട്
രാജ്യത്ത് പൊതുതിരഞ്ഞെടുപ്പ് എത്രയും പെട്ടെന്ന് നടത്താനായിരുന്നു സിരിസേനയുടെ തീരുമാനം. ജനുവരി 5ന് തന്നെ പൊതുതിരഞ്ഞെടുപ്പ് നടത്തുമെന്നും പുതിയ പാര്‍ലമെന്റ് ജനുവരി 17ന് ചേരുമെന്നും പ്രസിഡന്റ് ഉത്തരവിറക്കിയിരുന്നു. ഈ നടപടിയാണ് കോടതി റദ്ദാക്കിയത്.

താ​ൻ പ്ര​ധാ​ന​മ​ന്ത്രി പ​ദ​ത്തി​ലേ​ക്കു നി​ർ​ദേ​ശി​ച്ച മ​ഹീ​ന്ദ രാ​ജ​പ​ക്സെ​യ്ക്കു പി​ന്തു​ണ തെ​ളി​യി​ക്കാ​ൻ ആ​വ​ശ്യ​മാ​യ അം​ഗ​ങ്ങ​ൾ ഒ​പ്പ​മി​ല്ലെ​ന്നു വെ​ള്ളി​യാ​ഴ്ച പാ​ർട്ടി പ്ര​ഖ്യാ​പി​ച്ച​തി​നു പി​ന്നാ​ലെ​യാ​ണ് സി​രി​സേ​ന പാ​ർലമെന്റ് പി​രി​ച്ചു​വി​ട്ട​ത്. ഭൂ​രി​പ​ക്ഷം തെ​ളി​യി​ക്കു​ന്ന​തി​നാ​വ​ശ്യ​മാ​യ​തി​ൽ നി​ന്ന് എ​ട്ട് അം​ഗ​ങ്ങ​ളു​ടെ കു​റ​വു​ണ്ടെ​ന്നാ​ണ് രാജപക്സെയുടെ യു​നൈ​റ്റ​ഡ് പീ​പ്പി​ൾസ് ഫ്രീ​ഡം അ​ല​യ​ൻ​സ് അ​റി​യി​ച്ച​ത്.

225 അം​ഗ പാ​ർ​ല​മെന്റ് പി​രി​ച്ചു​വി​ട്ടു​ള്ള ഉ​ത്ത​ര​വ് വെ​ള്ളി​യാ​ഴ്ച അർദ്ധരാത്രി ​ മു​തൽ പ്രാ​ബ​ല്യ​ത്തി​ൽ വ​ന്നിരുന്നു. എന്നാല്‍ സിരിസേനയുടെ നടപടി വ്യാപകമായി വിമര്‍ശിക്കപ്പെട്ടു. പ്രധാനമന്ത്രി ​റെ​നി​ൽ വി​ക്ര​മ​സിം​ഗെ സ​ർ​ക്കാ​രി​നു ര​ണ്ടു വർഷം കാ​ലാ​വ​ധി ബാ​ക്കി​നി​ൽക്കവെയാണ് സി​രി​സേ​ന രാ​ജ​പ​ക്സെ​യെ പ്ര​ധാ​ന​മ​ന്ത്രി സ്ഥാ​ന​ത്ത് അ​വ​രോ​ധി​ച്ച​ത്.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ