Latest News
ബക്രീദിന് ലോക്ക്ഡൗൺ ഇളവ്; സർക്കാരിന് സുപ്രീം കോടതിയുടെ രൂക്ഷ വിമർശനം

വെെദ്യ പരിശോധനക്കിടെ തിരിച്ചറിയാന്‍ കോണ്‍സ്റ്റബിളുമാരുടെ നെഞ്ചത്ത് ജാതി രേഖപ്പെടുത്തി പൊലീസ്

പൊലീസ് ഉദ്യോഗസ്ഥരുടെ സാന്നിധ്യത്തില്‍ നടത്തിയ പരിശോധനയിലാണ് സംഭവം

ഭോപ്പാല്‍: റിസവര്‍ഡ് വിഭാഗത്തിലെ കോണ്‍സ്റ്റബിളുമാരുടെ നെഞ്ചില്‍ തിരിച്ചറിയാനായി എസ്ടി, എസ് സി എന്ന് രേഖപ്പെടുത്തി മെഡിക്കല്‍ പരിശോധന. ധാര്‍ ജില്ലാ ആശുപത്രിയില്‍ നടന്ന വൈദ്യ പരിശോധനയിലാണ് സംഭവം.

പുതുതായി ജോലിയില്‍ പ്രവേശിച്ച ഇറുന്നൂറിലധികം കോണ്‍സ്റ്റബിളുമാരുടെ വൈദ്യ പരിശോധനയാണ് ആശുപത്രിയില്‍ നടന്നത്. ഉയരം, ഭാരം തുടങ്ങിയവയായിരുന്നു പരിശോധിച്ചിരുന്നത്. പൊലീസ് ഉദ്യോഗസ്ഥരുടെ സാന്നിധ്യത്തില്‍ നടത്തിയ പരിശോധനയിലാണ് സംഭവം. ഉദ്യോഗാര്‍ത്ഥികളെ തിരിച്ചറിയാനായി ഓരോരുത്തരുടെയും നെഞ്ചില്‍ എസ്.സി/എസ്.ടി/ഒ.ബി.സി എന്നിങ്ങനെ രേഖപ്പെടുത്തുകയായിരുന്നു.

കോണ്‍സ്റ്റബിളുമാരുടെ നെഞ്ചില്‍ ജാതി രേഖപ്പെടുത്തിയത് ധാര്‍ ജില്ലാ പൊലീസ് സൂപ്രണ്ട് വീരേന്ദ്ര സിംഗ് സമ്മതിക്കുകയും ചെയ്തു. എന്നാല്‍ സംഭവത്തിന് പിന്നില്‍ ദുരുദ്ദേശമില്ലെന്നും തിരിച്ചറിയാന്‍ വേണ്ടിയാകാം അങ്ങനെ രേഖപ്പെടുത്തിയതെന്നാണ് അദ്ദേഹം നല്‍കുന്ന വിശദീകരണം. ആളുകളുടെ എണ്ണം കൂടുതലായതിനാലാകാം അങ്ങനെ ചെയ്തതെന്നും അദ്ദേഹം പറയുന്നു.

ജനറല്‍ വിഭാഗത്തിലെ കോണ്‍സ്റ്റബിള്‍മാരുടെ ഉയരം 168 സെന്റിമീറ്ററാണ്. സംവരണവിഭാഗത്തിലുള്ളവര്‍ക്ക് ഉയരം 160 സെന്റിമീറ്റര്‍ വേണം. ഇത് മാറിപ്പോവാതിരിക്കാനാണ് ഉദ്യോഗാര്‍ത്ഥികളുടെ നെഞ്ചില്‍ ജാതി എഴുതിയതെന്നാണ് പറയുന്നത്.

എ്ന്നാല്‍ വിഷയത്തില്‍ ആരും പരാതി നല്‍കിയിട്ടില്ല. പക്ഷേ ഉദ്യോഗാര്‍ത്ഥികളുടെ നെഞ്ചില്‍ ജാതി എഴുതിയതായുള്ള ചില ചിത്രങ്ങള്‍ പ്രചരിച്ചതോടെ വിവാദമാവുകയായിരുന്നു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Madhya pradesh scst written on chests of reserved category constables to avoid confusion

Next Story
പ്രധാനമന്ത്രി മോദിക്ക് കീഴിൽ ഇന്ത്യ നുണയുടെയും വെറുപ്പിന്റെയും മണ്ണായി മാറി; സോണിയ ഗാന്ധിsonia gandhi, സോണിയ ഗാന്ധി,rajiv gandhi, രാജീവ് ഗാന്ധി,sonia rajiv, sonia modi, സോണിയ മോദി,ie malayalam,
The moderation of comments is automated and not cleared manually by malayalam.indianexpress.com