Latest News
സംസ്ഥാനത്ത് മഴ തുടരും; ഏഴ് ജില്ലകളില്‍ യെല്ലൊ അലര്‍ട്ട്
ഇന്ന് ചെറിയ പെരുന്നാള്‍; ലോക്ക്ഡൗണ്‍ മാര്‍ഗനിര്‍ദേശങ്ങള്‍ പാലിച്ച് ആഘോഷം
ഇസ്രയേലിന് പിന്തുണ, സംഘര്‍ഷം ഉടന്‍ അവസാനിക്കുമെന്നാണ് പ്രതീക്ഷ: ജോ ബൈഡന്‍
35-ാം വയസില്‍ പുതിയ ചരിത്രം കുറിച്ച് ക്രിസ്റ്റ്യാനോ റൊണാള്‍ഡൊ
രാജ്യത്ത് 3.62 ലക്ഷം പുതിയ കേസുകള്‍; 4,120 മരണം

ഗ്യാസ് സിലിണ്ടർ വീട്ടിലെത്തണോ? ഒടിപി വേണം, മാറ്റങ്ങൾ ഇങ്ങനെ

ഫോണിലൂടെ ഗ്യാസ് സിലിണ്ടർ ബുക്ക് ചെയ്യുന്ന സമയത്ത് ഒരു ഒടിപി ലഭിക്കും

ന്യൂഡൽഹി: എൽപിജി സിലിണ്ടറുകൾ വീട്ടിലെത്തുമ്പോൾ ഇനിമുതൽ ഒടിപി നമ്പർ നൽകണം. നവംബർ ഒന്ന് മുതലാണ് ഇത് നടപ്പാക്കുക. എണ്ണക്കമ്പനികളുടെ തീരുമാനമനുസരിച്ചാണിത്.

നവംബർ ഒന്ന് മുതൽ ഗ്യാസ് സിലിണ്ടർ വീട്ടുപടിക്കലെത്തുമ്പോൾ വൺ-ടൈം പാസ്‌വേർഡ് (ഒടിപി) നിർബന്ധമായും കാണിക്കണം. ഓർഡർ ചെയ്ത ഉപഭോക്‌താവിനു തന്നെയാണോ സിലിണ്ടർ ലഭിക്കുന്നതെന്ന് ഉറപ്പുവരുത്തുക, സിലിണ്ടർ ദുരുപയോഗം തടയുക എന്നിവ മുന്നിൽകണ്ടാണ് പുതിയ തീരുമാനം.

ഫോണിലൂടെ ഗ്യാസ് സിലിണ്ടർ ബുക്ക് ചെയ്യുന്ന സമയത്ത് ഒടിപി ലഭിക്കും. ഇത് സൂക്ഷിച്ചുവയ്‌ക്കണം. പിന്നീട് സിലിണ്ടർ വീട്ടിലെത്തുമ്പോൾ ഗ്യാസ് കമ്പനി ഏജന്റിനെ ഈ ഒടിപി കാണിച്ചുകൊടുക്കണം. എന്നാൽ, മാത്രമേ സിലിണ്ടർ ലഭിക്കൂ.

Read Also: ഇതാണ് ക്രിക്കറ്റിന്റെ ബ്യൂട്ടി; കാണാതെ പോകരുത് ഈ രംഗങ്ങൾ, വീഡിയോ

ഗ്യാസ് ഏജൻസിയില്‍ കൊടുത്ത നമ്പര്‍ മാറിയിട്ടുണ്ടെങ്കില്‍ അത് അടിയന്തരമായി പുതുക്കി നല്‍കണം. ഏജൻസിയിൽ നൽകിയ നമ്പറിൽ മാത്രമേ ബുക്ക് ചെയ്യാനും ഒടിപി ലഭ്യമാക്കാനും സാധിക്കൂ. വാണിജ്യ സിലിണ്ടറുകൾക്ക് ഇത് ബാധകമല്ല.

രാജ്യത്ത് നൂറ് നഗരങ്ങളിലാണ് ഇത് ആദ്യം നടപ്പിലാക്കുക. അതിനുശേഷം മറ്റ് നഗരങ്ങളിലും നടപ്പിലാക്കും. കേരളത്തിൽ തിരുവനന്തപുരത്തും കൊച്ചിയിലും ആദ്യം നടപ്പിലാക്കും.

ബുക്ക് ചെയ്ത് ദിവസങ്ങൾ കഴിഞ്ഞായിരിക്കും സിലിണ്ടർ വീട്ടിലെത്തുക. അതുകൊണ്ട് തന്നെ ബുക്ക് ചെയ്ത സമയത്തെ ഒടിപി നമ്പർ ഫോണിൽ നിന്നു തിരഞ്ഞുപിടിക്കാൻ ബുദ്ധിമുട്ടുണ്ടാകും. അതിനാൽ സിലിണ്ടർ ബുക്ക് ചെയ്യുന്ന സമയത്ത് തന്നെ ലഭിക്കുന്ന ഒടിപി എവിടെയെങ്കിലും കുറിച്ചുവയ്‌ക്കണം.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Lpg distribution otp number for home delivery

Next Story
കോവിഡ്-19 വാക്സിൻ: പുതിയ വിതരണ സംവിധാനം ആരംഭിക്കുന്നതിനുള്ള നിർദേശവുമായി പ്രധാനമന്ത്രിIndia coronavirus vaccine, India vaccine, PM modi vaccine, Pm Modi covid vaccine, Modi vaccine, India covid-19 vaccine, india news, malayalam news, news malayalam, ie malayalam
The moderation of comments is automated and not cleared manually by malayalam.indianexpress.com