രാജസ്ഥാൻ : കുറഞ്ഞത് 129 എൻജിനിയർമാർ, 23 അഭിഭാഷകർ, ഒരു ചാർട്ടേർഡ് അക്കൗണ്ടന്റ്, 393 ബിരുദാനന്തര ബിരുദധാരികൾ, – രാജസ്ഥാൻ സെക്രട്ടേറിയേറ്റിലെ പ്യൂൺ തസ്തികയിലേക്ക് അഭിമുഖത്തിനെത്തിയ അഭ്യസ്ത വിദ്യരുടെ പട്ടികയാണിത് .

18 ഒഴിവുകളാണ് നികത്തപ്പെടാൻ ഉള്ളത്. ക്ലാസ് 4 ജീവനക്കാരുടേതാണ് തസ്തിക.
അപേക്ഷകർക്ക് ആവശ്യമായ യോഗ്യത 5 ആം ക്‌ളാസ്.

അഭിമുഖത്തിനെത്തിയത് 12453 പേരായിരുന്നു. 18 പേർ തിരഞ്ഞെടുക്കപ്പെട്ടു. ഇതിൽ ഒരു ബി ജെ പി എം എൽ എയുടെ 30 വയസ്സുള്ള മകനുമുണ്ട് . രാമകൃഷ്ണ മീണ .യോഗ്യത പത്താം ക്‌ളാസ് . തിരഞ്ഞെടുക്കപ്പെട്ടവരുടെ ലിസ്റ്റിൽ 12 ആം സ്ഥാനത്താണ് മീണയുടെ സ്ഥാനം. ഒരുപാട് അഭ്യസ്ത വിദ്യരുടെ മീതെ.

റിക്രൂട്ട്മെന്റ് രാജസ്ഥാനിൽ കോളിളക്കം ഉണ്ടാക്കി. സംഭവത്തെ കുറിച്ച് ഉന്നത തല അന്വേഷണം വേണമെന്ന് കോൺഗ്രസ് ആവശ്യപ്പെട്ടിരിക്കുകയാണ് .

രാജസ്ഥാനിലെ സർക്കാരിന്റെ നയങ്ങളാണ് യുജനങ്ങൾക്കിടയിൽ തൊഴിലില്ലായ്മ ഇത്രയും രൂക്ഷമാകാൻ കാരണമെന്ന് കോൺഗ്രസ് നേതാവ് സച്ചിൻ പൈലറ്റ് ആരോപിച്ചു.

അതെ സമയം ജോലി ലഭിച്ച രാമകൃഷ്ണ മീണയുടെ പിതാവും എം എൽ എ യുമായ ജഗദിഷ് നാരായണ മീണ കോൺഗ്രസിന്റെ ആരോപണങ്ങൾ നിക്ഷേധിച്ചു.

“എന്രെ സ്വാധീനത്തിന്റെ പുറത്തല്ല രാമകൃഷ്ണ മീണ തിരാഞ്ഞെടുക്കപ്പെട്ടത്. അങ്ങിനെയെങ്കിൽ പ്യൂണിന്റെ ജോലിക്കു വേണ്ടി ഞാൻ സ്വാധീനം ചെലുത്താണോ”- ജഗദിഷ് മീണ ചോദിക്കുന്നു.

12453 പേരെ അഭിമുഖം നടത്തിയതിൽ 3600 പേർ ഉന്നത യോഗ്യതയുള്ളവരായിരുന്നു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook