മമത മുട്ടുമടക്കി; ഡോക്ടര്‍മാരുടെ സമരം പിന്‍വലിച്ചു

എൻആർഎസ് ആശുപത്രിയിലെ സുരക്ഷയ്ക്കായി 125 പൊലീസുകാരെക്കൂടി വിന്യസിക്കുമെന്ന് ആരോഗ്യ സെക്രട്ടറി രാജീവ് സിൻഹ യോഗത്തിൽ പറഞ്ഞു.

ഡോക്ടർമാർക്കെതിരായ ആക്രമണത്തെ എപ്പോഴും അപലപിച്ചിട്ടുണ്ടെന്ന് മമത ബാനർജി. എൻആർഎസ് ആശുപത്രിയിലെ സംഭവവുമായി ബന്ധപ്പെട്ട് 5 പേരെ അറസ്റ്റ് ചെയ്തിട്ടുണ്ടെന്നും തുടർ നടപടികൾ സ്വീകരിക്കുമെന്നും മമത പറഞ്ഞു.

പശ്ചിമ ബംഗാൾ ആരോഗ്യ സെക്രട്ടറി ചന്ദ്രിമ ഭട്ടാചാര്യയ്ക്കു പുറമേ, സംസ്ഥാന ഉദ്യോഗസ്ഥർ, 31 ജൂനിയർ ഡോക്ടർമാർ എന്നിവരാണ് മുഖ്യമന്ത്രി മമത ബാനർജിയുമായുളള ചർച്ചയിൽ പങ്കെടുത്തത്. യോഗം റിപ്പോർട്ട് ചെയ്യാൻ രണ്ടു പ്രാദേശിക ന്യൂസ് ചാനലുകൾക്ക് മാത്രമാണ് അനുവാദം നൽകിയത്.

ആശുപത്രിയുടെ സംരക്ഷണത്തിന് ഓരോ ആശുപത്രിയിലും ഓരോ നോഡൽ ഓഫീസർമാരെ നിയമിക്കണമെന്ന് മുഖ്യമന്ത്രി മമത ബാനർജി പൊലീസിനോട് ആവശ്യപ്പെട്ടു

രോഗിയും ബന്ധുക്കളും ഡോക്ടർമാരും തമ്മിൽ ആശയവിനിമയത്തിൽ യാതൊരുവിധ തെറ്റിദ്ധാരണകളും ഉണ്ടാകാൻ പാടില്ലെന്നും മമത പറഞ്ഞു. രോഗിയുമായി ആശയവിനിമയം നടത്താൻ സർക്കാർ ആശുപത്രികളിൽ പബ്ലിക് റിലേഷൻസ് ടീം ഉണ്ടാകണം. ഇവരായിരിക്കണം രോഗിയുടെ ആരോഗ്യനില സംബന്ധിച്ച വിവരങ്ങൾ ബന്ധുക്കൾക്ക് കൈമാറേണ്ടത്. രോഗിയുടെ ബന്ധുക്കളുടെ ഭാഗത്തുനിന്നും ഡോക്ടർമാർക്കുനേരെയുണ്ടാകുന്ന മോശം പെരുമാറ്റം ഇതുമൂലം ഒഴിവാക്കാൻ കഴിയുമെന്നും മമത നിർദേശിച്ചു.

സർക്കാർ ആശുപത്രികളിലെ ഡോക്ടർമാരുടെ സംരക്ഷണത്തിന് സ്വീകരിക്കേണ്ട നടപടികളെക്കുറിച്ച് വ്യക്തമായ പദ്ധതി തയ്യാറാക്കാൻ മുഖ്യമന്ത്രി മമത ബാനർജി നിർദേശിച്ചു. എമർജൻസി കേസുകളിൽ രോഗിക്കൊപ്പം ബന്ധുക്കളായ രണ്ടുപേർക്ക് മാത്രമേ പ്രവേശനം അനുവദിക്കാവൂ.

12 ആവശ്യങ്ങളുമായാണ് ഞങ്ങൾ ഇവിടെ വന്നിരിക്കുന്നത്. ഡോക്ടറെ ആക്രമിച്ചവർക്കെതിരെ നടപടിയെടുത്താൽ അത് മറ്റുളളവർക്കും ഒരു പാഠമായിരിക്കും. ജനങ്ങൾ ബുദ്ധിമുട്ടുന്നുണ്ട് ഞങ്ങൾക്കറിയാം. പക്ഷേ സമരം അല്ലാതെ ഞങ്ങളുടെ മുന്നിൽ മറ്റു വഴികളില്ല, ഡോക്ടർമാരുടെ പ്രതിനിധി പറഞ്ഞു

ജോലിയിലേക്ക് എത്രയും വേഗം മടങ്ങാൻ ആഗ്രഹിക്കുന്നതായി ഡോക്ടർമാർ. ഇതിനു മുൻപു പലതവണ സംസാരിക്കാൻ ശ്രമിച്ചതായും ഇത്തരമൊരു സാഹചര്യത്തിലേക്ക് നീങ്ങാൻ ആഗ്രഹിച്ചിരുന്നില്ലെന്നും ഡോക്ടർമാരുടെ പ്രതിനിധികളിൽ ഒരാൾ പശ്ചിമ ബംഗാൾ മുഖ്യമന്ത്രി മമത ബാനർജിയോട് പറഞ്ഞു.

നബന്നയിൽ ഡോക്ടർമാരുടെ കൂടിക്കാഴ്ചയ്ക്കായി മുഖ്യമന്ത്രി മമത ബാനർജി എത്തി

West Bengal: CM Mamata Banerjee arrives for meeting with representatives of doctors at Nabanna. pic.twitter.com/ebcD15p026

— ANI (@ANI) June 17, 2019

പശ്ചിമ ബംഗാൾ മുഖ്യമന്ത്രി മമത ബാനർജിയുമായുളള കൂടിക്കാഴ്ചയിൽ വിവിധ മെഡിക്കൽ കോളേജുകളിൽനിന്നുളള 32 പേർ പങ്കെടുക്കും. ഡോോക്ടർമാരുടെ സമരം ആരോഗ്യമേഖലയെ സാരമായി ബാധിച്ചതോടെയാണ് മുഖ്യമന്ത്രി ചർച്ചയ്ക്ക് വിളിച്ചത്.

ഗുജറാത്തിൽ ആരോഗ്യമേഖലയെ ബാധിച്ച് ഡോക്ടർമാരുടെ സമരം. 28,000 ഡോക്ടർമാരാണ് സംസ്ഥാനത്ത് സമരത്തിൽ പങ്കെടുക്കുന്നത്. അഹമ്മദാബാദ്, സൂറത്ത്, രാജ്കോട്ട്, വഡോദര അടക്കമുളള പ്രധാന നഗരങ്ങളിൽ ജൂനിയർ ഡോക്ടർമാരും ട്രെയിനിങ് ഡോക്ടർമാരും പ്രതിഷേധ പ്രകടനം നടത്തി

പശ്ചിമ ബംഗാളിൽ ആക്രമണത്തിന് ഇരയായ ഡോക്ടർക്ക് ഐക്യദാർഢ്യം പ്രഖ്യാപിച്ച് അഖിലേന്ത്യാതലത്തിൽ നടക്കുന്ന പണിമുടക്കിൽ വലഞ്ഞ് രോഗികൾ. ഡോക്ടർമാർ ഒപി ബഹിഷ്കരിച്ചതോടെ രോഗികൾ ഏറെ ദുരിതത്തിലായി

#Karnataka: All India Doctor's Strike being observed at Bengaluru's Victoria Hospital. #DoctorsStrikepic.twitter.com/wdTX2gPDJ2

— ANI (@ANI) June 17, 2019

പശ്ചിമ ബംഗാളിൽ ഡോക്ടർക്കെതിരായ ആക്രമണത്തിൽ പ്രതിഷേധിച്ച് നടത്തുന്ന അഖിലേന്ത്യാ പണിമുടക്കിൽ എയിംസിലെ ഡോക്ടർമാരും പങ്കാളികളായി. ആദ്യം സമരത്തിൽ പങ്കെടുക്കില്ലെന്ന് അറിയിച്ചിരുന്നുവെങ്കിലും ഉച്ചയോടെ സമരത്തിന് പിന്തുണ അറിയിക്കുകയായിരുന്നു.

പശ്ചിമ ബംഗാളിൽ സമരം ചെയ്യുന്ന ഡോക്ടർമാരുടെ പ്രതിനിധികളെ മുഖ്യമന്ത്രി മമത ബാനർജി ഇന്നു കാണും. എല്ലാ മെഡിക്കൽ കോളേജിൽനിന്നുളള ഡോക്ടർമാരുടെ രണ്ടു പ്രതിനിധികളെ കാണാൻ മമത സമ്മതിച്ചതായി മുഖ്യമന്ത്രിയുടെ ഓഫീസ് പുറത്തിറക്കിയ പ്രസ്താവനയിൽ പറയുന്നു. 3 മണിക്കായിരിക്കും കൂടിക്കാഴ്ച. ഡോക്ടർമാർ ഉന്നയിച്ച ആവശ്യങ്ങളെക്കുറിച്ചായിരിക്കും ചർച്ച.

പശ്ചിമ ബംഗാളിൽ രോഗി മരിച്ചതിനെ തുടർന്ന് ബന്ധുക്കൾ ക്രൂരമായി മർദിച്ച ഡോ.പരിബഹ മുഖർജിയുടെ ആരോഗ്യനിലയിൽ പുരോഗതി. ഡോക്ടർ സുഖം പ്രാപിക്കുന്നതായി കൊൽക്കത്തയിലെ ദി ഇൻസ്റ്റിറ്റ്യൂട്ട് ഓഫ് ന്യൂറോസയൻസസ് പുറത്തിറക്കിയ മെഡിക്കൽ ബുളളറ്റിനിൽ പറയുന്നു

രാജ്യത്തൊട്ടാകെയുളള സർക്കാർ ആശുപത്രികളിലെ ഡോക്ടർമാരുടെ സംരക്ഷണവും സുരക്ഷയും ഉറപ്പുവരുത്തണം എന്നാവശ്യപ്പെട്ടുളള ഹർജി സുപ്രീം കോടതി ചൊവ്വാഴ്ച പരിഗണിക്കും. ജസ്റ്റിസുമാരായ ദീപക് ഗുപ്ത, സൂര്യ കാന്ത് എന്നിവരുൾപ്പെട്ട അവധിക്കാല ബെഞ്ചാണ് ഹർജി നാളെ പരിഗണിക്കാമെന്ന് അറിയിച്ചത്.

വാരണാസിയിൽ ഡോക്ടർമാർ നടത്തുന്ന സമരത്തിൽനിന്നുളള കാഴ്ച

Varanasi: Doctors on strike at Sir Sunderlal Hospital in Banaras Hindu University in the wake of violence against doctors in West Bengal pic.twitter.com/TD20TZFVzp

— ANI UP (@ANINewsUP) June 17, 2019

ഡോക്​ടർമാരുടെ സമരത്തിന്​ ഐക്യദാർഢ്യം പ്രഖ്യാപിച്ച്​ ഐ.എം.എ നടത്തുന്ന 24 മണിക്കൂർ പണിമുടക്ക്​ തുടങ്ങി

14 മെഡിക്കൽ കോളജുകളിൽ നിന്നായി 28 പേരാണ്​ ചർച്ചയിൽ പ​ങ്കെടുക്കുക

ആശുപത്രികളിൽ മതിയായ സുരക്ഷാ ഉറപ്പാക്കണമെന്നാണ്​ ഡോക്​ർമാരുടെ പ്രധാന ആവശ്യം

തുറന്ന ചർച്ച വേണമെന്ന ഡോക്​ടർമാരുടെ ആവശ്യം മുഖ്യമന്ത്രി അംഗീകരിച്ചിട്ടില്ല. ചർച്ചക്കുള്ള സന്നദ്ധത കഴിഞ്ഞ ദിവസം തന്നെ ഡോക്​ടർമാർ അറിയിച്ചിരുന്നു

സമരം നടത്തുന്ന ഡോക്​ടർമാരുമായി മുഖ്യമന്ത്രി മമത ബാനർജി തിങ്കളാഴ്​ച വൈകീട്ട്​ മൂന്ന്​ മണിക്ക്​ ചർച്ച നടത്തും