അഞ്ച് ഖുറാന്‍ വിതരണം ചെയ്യണമെന്ന അസാധാരണ ഉപാധിയോടെ വിദ്യാര്‍ഥിനിക്ക് ജാമ്യം

റാ​ഞ്ചി: ജാ​ർ​ഖ​ണ്ഡി​ൽ മ​ത​വി​കാ​രം വ്ര​ണ​പ്പെ​ടു​ത്തി​യെ​ന്ന കേ​സി​ൽ അ​റ​സ്റ്റി​ലാ​യ പെൺകുട്ടി ഖു​റാ​ൻ വി​ത​ര​ണം ചെ​യ്യ​ണ​മെ​ന്ന് കോ​ട​തി. ഫെയ്സ്ബുക്കില്‍ വിദ്വേഷ പ്രചരണം നടത്തിയെന്ന ആരോപണത്തിലാണ് പെണ്‍കുട്ടിയെ റാഞ്ചിയില്‍ അറസ്റ്റ് ചെയ്തത്. ഖുറാന്റെ അഞ്ച് കോപ്പികള്‍ വിതരണം ചെയ്യണമെന്ന നിര്‍ദേശത്തോടെയാണ് കോടതി ജാമ്യം അനുവദിച്ചത്.

റാ​ഞ്ചി വു​മ​ൺ​സ് കോ​ള​ജ് മൂ​ന്നാം വ​ർ​ഷ വി​ദ്യാ​ർ​ഥി​നി റി​ച്ച ഭാ​ര​തി​യാ​ണ് (19) ​അ​റ​സ്റ്റി​ലാ​യ​ത്. പ്രാ​ദേ​ശി​ക ഇ​സ്‌​ലാ​മി​ക് സം​ഘ​ട​ന​യു​ടെ പ​രാ​തി​യി​ലാ​യി​രു​ന്നു അ​റ​സ്റ്റ്. സാ​മു​ദാ​യി​ക മൈ​ത്രി ത​ക​ർ​ക്കും എ​ന്നാ​രോ​പി​ച്ചാ​യി​രു​ന്നു പ​രാ​തി.

ഫെയ്​സ്ബു​ക്കി​ലെ കു​റി​പ്പ് താ​ൻ എ​ഴു​തി​യ​ത​ല്ല. മ​റ്റൊ​രു ലേ​ഖ​നം പ​ക​ർ​ത്തി ഫെയ്​സ്ബു​ക്കി​ൽ പ​ങ്കു​വ​യ്ക്കു​ക​യാ​യി​രു​ന്നെ​ന്നും റി​ച്ച പ​റ​ഞ്ഞു. ത​ങ്ങ​ളു​ടെ ഈ​ശ്വ​ര​നെ​ക്കു​റി​ച്ച് എ​ഴു​തു​ന്ന​ത് തെ​റ്റ​ല്ല. താ​ൻ മ​റ്റു​ള്ള​വ​രു​ടെ മ​ത​വി​കാ​രം മ​നഃപൂ​ർ​വം വ്ര​ണ​പ്പെ​ടു​ത്താ​ൻ ശ്ര​മി​ച്ചി​ട്ടി​ല്ലെ​ന്നും റി​ച്ച കൂ​ട്ടി​ച്ചേ​ർ​ത്തു.

ക​ഴി​ഞ്ഞ വെ​ള്ളി​യാ​ഴ്ച​യാ​യി​രു​ന്നു റി​ച്ച​യു​ടെ അ​റ​സ്റ്റ്. റാ​ഞ്ചി ജു​ഡീ​ഷ​ൽ മ​ജി​സ്ട്രേ​റ്റ് മ​നീ​ഷ് കു​മാ​ർ സി​ൻ​ഹ​യാ​ണ് റി​ച്ച​യ്ക്കു അ​സാ​ധാ​ര​ണ ഉ​പാധി​ക​ളോ​ടെ ജാ​മ്യം അ​നു​വ​ദി​ച്ച​ത്. ജാ​മ്യം ല​ഭി​ച്ച് 15 ദി​വ​സ​ത്തി​നു​ള്ളി​ൽ അഞ്ച് വായനശാലകള്‍ക്ക് ഖു​റാ​ൻ വി​ത​ര​ണം ചെ​യ്യ​ണ​മെ​ന്നും ഇ​തി​ന്‍റെ ര​സീ​ത് കോ​ട​തി​യി​ൽ ഹാ​ജ​രാ​ക്ക​ണ​മെ​ന്നും കോ​ട​തി ഉ​ത്ത​ര​വി​ൽ പ​റ​ഞ്ഞു. കോ​ട​തി ഉ​ത്ത​ര​വി​നെ​തി​രെ ഹൈ​ക്കോ​ട​തി​യെ സ​മീ​പി​ക്കാ​ൻ ഒ​രു​ങ്ങു​ക​യാ​ണ് റി​ച്ച​യു​ടെ കു​ടും​ബം.