Latest News
രാജ്യത്ത് 44,230 പേർക്ക് കോവിഡ്; 555 മരണം
ഹർഡിൽസിൽ ജാബിർ പുറത്ത്; ബോക്സിങ്ങിൽ മെഡലുറപ്പിച്ച് ലവ്ലിന ബോർഗോഹൈൻ
അമ്പെയ്ത്തിൽ ദീപിക കുമാരി ക്വാർട്ടറിൽ; സ്റ്റീപ്പിൾ ചേസിൽ ദേശിയ റെക്കോഡ് തിരുത്തി അവിനാശ് സാബ്ലെ
സാഹിത്യകാരന്‍ തോമസ് ജോസഫ് അന്തരിച്ചു

ഇരിക്കാനും നിൽക്കാനും സാധിക്കാത്ത സ്ഥിതി; ലാലു പ്രസാദിന്റെ ആരോഗ്യനില മോശം

കാലിത്തീറ്റ കുംഭകോണ കേസിൽ തടവിൽ കഴിയുകയാണ് മുൻ ബിഹാർ മുഖ്യമന്ത്രിയായ ലാലു പ്രസാദ് യാദവ്

ന്യൂഡൽഹി: രാഷ്ട്രീയ ജനതാദൾ നേതാവ് ലാലു പ്രസാദിന്റെ ആരോഗ്യനില വഷളായെന്ന് ചികിത്സിക്കുന്ന ഡോക്ടറുടെ റിപ്പോർട്ട്. റാഞ്ചിയിലെ രാജേന്ദ്ര ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ ചികിത്സയിലുളള അദ്ദേഹത്തിന് അണുബാധയേറ്റതായാണ് ഡോക്ടർ വ്യക്തമാക്കിയത്.

കാലിത്തീറ്റ കുംഭകോണ കേസിൽ തടവിൽ കഴിയുകയാണ് മുൻ ബിഹാർ മുഖ്യമന്ത്രിയായ ലാലു പ്രസാദ് യാദവ്. രോഗാതുരനായ അദ്ദേഹത്തെ കോടതി പൊലീസ് കാവലിൽ റാഞ്ചിയിലെ ആശുപത്രിയിൽ ചികിത്സയിൽ പ്രവേശിപ്പിച്ചിരിക്കുകയാണ്. “അദ്ദേഹത്തിന്റെ ആരോഗ്യനില മോശമാണ്. നിൽക്കാനും ഇരിക്കാനും സാധിക്കാത്ത സ്ഥിതിയാണ്. രക്തത്തിലെ ഷുഗറിന്റെ അളവും ഉയർന്നിട്ടുണ്ട്,” ഡോക്ടർ ഉമേഷ് പ്രസാദ് പറഞ്ഞു.

ലാലു പ്രസാദിനെ മികച്ച സൗകര്യങ്ങളുളള മറ്റൊരു ആശുപത്രിയിലേക്ക് മാറ്റണം എന്നാണ് മസോറിയിൽ നിന്നുളള ആർജെഡി എംഎൽഎ രേഖ ദേവി ആവശ്യപ്പെട്ടത്. എന്നാൽ അത്തരമൊരു സാഹചര്യം ഇല്ലെന്ന് ഡോക്ടർ പറഞ്ഞു.

ലാലു പ്രസാദിനെ കാണാൻ ദിവസവും പ്രധാന നേതാക്കൾ ആശുപത്രിയിലേക്ക് എത്തുന്നുന്നുണ്ട്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Lalu prasads health worsens rjd leader says he can neither sit nor stand

Next Story
യുഎസ്സില്‍ കൗമാരക്കാരന്റെ വെടിയേറ്റ് തെലങ്കാന സ്വദേശി കൊല്ലപ്പെട്ടു
The moderation of comments is automated and not cleared manually by malayalam.indianexpress.com