നാല് മത്സ്യത്തൊഴിലാളികളുമായി മത്സ്യബന്ധന ബോട്ട് കാണാനില്ല; ലക്ഷദ്വീപിൽ തിരച്ചിൽ ഊർജ്ജിതം

കരയിൽ നിന്നും 12.5 കിലോമീറ്റർ അകലെയാണ് അവസാനമായി ബോട്ടിനെ കണ്ടത്

narcotics

കൊച്ചി: ലക്ഷദ്വീപിൽ നിന്ന് മത്സ്യബന്ധനത്തിനായി പോയ മത്സ്യബന്ധന ബോട്ട് കാണാതായി. നാല് മത്സ്യത്തൊഴിലാളികളെയും കാണാതായി. ലക്ഷദ്വീപ് ഭരണകൂടം ആവശ്യപ്പെട്ടതനുസരിച്ച് ദക്ഷിണ നാവികസേനയും കോസ്റ്റ് ഗാർഡും ഇവിടെ തിരച്ചിൽ നടത്തി.

അന്ത്രോത്ത് ദ്വീപിന് തെക്ക്-പടിഞ്ഞാറൻ മേഖലയിൽ ഇന്നലെ ഉച്ചയ്ക്ക് ഒന്നരയോടെയാണ് അവസാനമായി ഈ ബോട്ടിനെ കണ്ടത്. ഫർഹാന എന്നാണ് ബോട്ടിന്റെ പേര്. ഏതാണ്ട് 7.5 നോട്ടിക്കൽ മൈൽ (12.5 കിമീ) അകലെയായിരുന്നു ഈ ബോട്ട് അപ്പോൾ. കോസ്റ്റ് ഗാർഡിന്റെ ചെറുവിമാനം (ഡോർണിയർ) കടലിൽ ബോട്ടിന് വേണ്ടി തിരച്ചിൽ നടത്തി. ഇതിന് പിന്നാലെ കോസ്റ്റ് ഗാർഡിന്റെ കപ്പൽ സമുദ്ര പ്രഹാരിയും ഈ ഭാഗത്തേക്ക് വഴിതിരിച്ചുവിട്ടു.

ഇന്ത്യൻ നേവിയും ഇന്ന് രാവിലെ മത്സ്യത്തൊഴിലാളികളുടെയും ബോട്ടുകളുടെയും സഹായത്തോടെ ഇവിടെ തിരച്ചിൽ നടത്തിയതായി ദക്ഷിണ നാവിക സേന വക്താവ് അറിയിച്ചു. നാവിക സേനയുടെ ചെറുവിമാനവും തിരച്ചിലിൽ പങ്കാളികളായിരുന്നു. നാവികസേനയുടെ കപ്പലായ ഐഎൻഎസ് സുജാത ഇവിടേക്ക് വഴി തിരിച്ചുവിട്ടു. ഈ കപ്പൽ ഉടൻ അവിടെയെത്തുമെന്നാണ് കരുതപ്പെടുന്നത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Lakshadweep missing fishing boat farhana with four fishermen coast guard indian navy search

Next Story
ആള്‍വാര്‍ കൊലപാതകം: ആശുപത്രിയിലേക്കുളള വഴി ഇരയെ വണ്ടിയിലിരുത്തി പൊലീസ് ചായ കുടിക്കാന്‍ കയറി
The moderation of comments is automated and not cleared manually by malayalam.indianexpress.com