Latest News
റഷ്യയെ ബല്‍ജിയം എതിരില്ലാത്ത മൂന്ന് ഗോളിന് തകര്‍ത്തു
സംസ്ഥാനത്ത് ഇന്നും സമ്പൂര്‍ണ നിയന്ത്രണം; ടിപിആര്‍ കുറയുന്നു
ഓക്സിജന്‍ ഉത്പാദനം വര്‍ദ്ധിപ്പിക്കണം; കേന്ദ്രത്തെ സമീപിച്ച് സംസ്ഥാനങ്ങള്‍
1.32 ലക്ഷം പേര്‍ക്ക് രോഗമുക്തി; 80,834 പുതിയ കേസുകള്‍
സംസ്ഥാനത്ത് കാലവര്‍ഷം ശക്തിപ്പെട്ടു; എല്ലാ ജില്ലകളിലും യെല്ലോ അലര്‍ട്ട്

മത്സ്യബന്ധന ബോട്ടുകളിൽ സർക്കാർ ഉദ്യോഗസ്ഥരെ വിന്യസിക്കണം; ലക്ഷദ്വീപിൽ പുതിയ വിവാദ ഉത്തരവ്

പുതിയ ഉത്തരവുകൾ അപഹാസ്യമെന്ന് ലക്ഷദ്വീപ് എംപി

Lakshadweep Issue, Lakshadweep Issue Updates, Lakshadweep Issue News, Oomman Chandi, VD Satheeshan, BJP, Lakshadweep Issue, Lakshadweep, Lakshadweep covid, Lakshadweep covid case, Lakshadweep beef ban, Lakshadweep goonda act, Lakshadweep land acquisition, Lakshadweep jobs cut, Lakshadweep tourism, Lakshadweep administration, Lakshadweep administrator Praful Khoda Patel, Lakshadweep development authority regulation, Lakshadweep panchayath regulation amendment, Lakshadweep MP Mohammed Faizal, ie malayalam

പുതിയ പരിഷ്കരണങ്ങൾക്കെതിരെ ലക്ഷദ്വീപ് നിവാസികൾക്കിടയിൽ പ്രതിഷേധം തുടരുന്നതിനടെ പുതിയ വിവാദ തീരുമാനങ്ങളുമായി ലക്ഷദ്വീപ് അഡ്മിനിസ്ട്രേഷൻ. ദ്വീപിൽ നിന്നുള്ള മത്സ്യബന്ധന ബോട്ടുകളിൽ സർക്കാർ ഉദ്യോഗസ്ഥരെ നിയോഗിക്കുന്നതടക്കമുള്ള തീരുമാനങ്ങളാണ് ലക്ഷദ്വീപ് ഭരണകൂടം മുന്നോട്ട് വച്ചത്.

ദ്വീപിലെ ശുചിത്വ പരിപാലനം സംബന്ധിച്ച ഒരു ഉത്തരവ് ജൂൺ നാലിന് ഭരണകൂടം പുറപ്പെടുവിച്ചു. ദ്വീപുകളിലെ ജനങ്ങൾ ചിരട്ടയും, തെങ്ങിന്റെ ഓലയും മടലും പോലുള്ള വസ്തുക്കളും പൊതുസ്ഥലത്ത് നിക്ഷേപിക്കരുതെന്ന് ഉത്തരവിൽ പറയുന്നു. ഇവ ശാസ്ത്രീയമായി പുറന്തള്ളാനും നിർദ്ദേശം നൽകുന്നു.

ഭരണകൂടത്തിന്റെ പുതിയ നിർദ്ദേശങ്ങളെ ലക്ഷദ്വീപ് എംപി മുഹമ്മദ് ഫൈസൽ വിമർശിച്ചു. അവയെ പരിഹാസ്യമെന്ന് വിശേഷിപ്പിച്ച എംപി അവ ഉടൻ പിൻവലിക്കണമെന്ന് അധികൃതരോട് ആവശ്യപ്പെടുകയും ചെയ്തു.

Read More: സന്ദര്‍ശക പാസിന്റെ കാലാവധി അവസാനിച്ചവര്‍ ദ്വീപില്‍ നിന്ന് ഉടന്‍ മടങ്ങണം: ലക്ഷദ്വീപ് ഭരണകൂടം

മെയ് 28 നാണ് പ്രിൻസിപ്പൽ സെക്രട്ടറി കം അഡ്വൈസറുടെ അധ്യക്ഷതയിൽ ചേർന്ന യോഗത്തിൽ ഉത്തരവാദിത്തമുള്ള സർക്കാർ ഉദ്യോഗസ്ഥരെ പ്രാദേശിക മത്സ്യബന്ധന ബോട്ടുകളിൽ രഹസ്യാന്വേഷണ ശേഖരണത്തിനായി നിയോഗിക്കാൻ തീരുമാനിച്ചത്.

പ്രാദേശിക ഫിഷിംഗ് ബോട്ടുകളെയും ജീവനക്കാരെയും നിരീക്ഷിക്കുന്നതിനുള്ള സുരക്ഷാ നടപടികൾ ശക്തിപ്പെടുത്താനും ദ്വീപുകളിലെത്തുന്ന പാസഞ്ചർ ബോട്ടുകളുടെയും കപ്പലുകളുടെയും പരിശോധന ശക്തമാക്കാനും യോഗം തീരുമാനിച്ചു. സിസിടിവി ക്യാമറകൾ സ്ഥാപിച്ച് കപ്പൽ ബെർത്ത് പോയിന്റുകളിലും ഹെലിബേസുകളിലും നിരീക്ഷണം ശക്തിപ്പെടുത്താനും യോഗം തീരുമാനിച്ചു.

യോഗത്തിൽ എടുത്ത തീരുമാനങ്ങൾക്കനുസരിച്ച് നടപടിയെടുക്കാൻ ഭരണകൂടം ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകി.

ഉത്തരവ് നടപ്പാക്കുന്നതിന്റെ പ്രായോഗികതയെ എംപി ചോദ്യം ചെയ്തു, ദ്വീപുകളിൽ നൂറുകണക്കിന് മത്സ്യബന്ധന ബോട്ടുകളുണ്ടെന്നും അത്തരം എത്ര ബോട്ടുകളിലാണ് ഉദ്യോഗസ്ഥരെ വിന്യസിക്കാൻ പോകുന്നുവെന്നും അദ്ദേഹം ചോദിച്ചു.

എല്ലാ ദ്വീപുകളിലും നാവികസേനയും തീരസംരക്ഷണ സേനയും കൃത്യമായി സ്ഥാപിച്ച നിരീക്ഷണ സംവിധാനം നിലവിലുണ്ടെന്ന് ചൂണ്ടിക്കാട്ടിയ എം‌പി ദ്വീപുകളിലെ കോസ്റ്റ് ഗാർഡ് ആസ്ഥാനം ഫലപ്രദമായ റഡാർ സംവിധാനമാണെന്നും ഇത് 30 നോട്ടിക്കൽ മൈലിനിടയിലുള്ള ഏത് കപ്പലുകളെയും നിരീക്ഷിക്കാൻ ശേഷിയുള്ളതാണെന്നും പറഞ്ഞു.

Read More: പ്രതിഷേധം ശക്തമാക്കാന്‍ സേവ് ലക്ഷദ്വീപ് ഫോറം; തിങ്കളാഴ്ച ജനകീയ നിരാഹാര സമരം

കടലിലെ സംശയാസ്പദമായ വസ്തുക്കളുടെ ചലനം എങ്ങനെ റിപ്പോർട്ട് ചെയ്യാമെന്ന് പരിശീലിപ്പിക്കാൻ കോസ്റ്റ് ഗാർഡ് പ്രാദേശിക മത്സ്യത്തൊഴിലാളികളുമായി പതിവായി ഇടപഴകുന്നുണ്ടെന്നും ഫൈസൽ പറഞ്ഞു.

“ഈ പരിശീലനമെല്ലാം മത്സ്യത്തൊഴിലാളികൾക്ക് നൽകുന്നു. സുരക്ഷാ ഏജൻസികളുമായി അവർ വളരെ സഹകരിക്കുന്നു. അത്തരമൊരു നിയമം അവതരിപ്പിക്കുന്നതിലൂടെ, അവർ (ഭരണകൂടം) എന്താണ് സ്ഥാപിക്കാൻ ശ്രമിക്കുന്നത്? ” അദ്ദേഹം ചോദിച്ചു.

ലക്ഷദ്വീപിലെ മത്സ്യത്തൊഴിലാളി സമൂഹത്തെ ഭരണകൂടം വിശ്വസിക്കുന്നില്ലെന്ന് അവരുടെ നടപടികൾ വ്യക്തമാക്കുന്നുവെന്ന് ഫൈസൽ ആരോപിച്ചു.

“ലക്ഷദ്വീപിന്റെ തീരപ്രദേശങ്ങളിൽ നിരീക്ഷണത്തിനായി വന്ന സമീപകാല ഉത്തരവ് ശരിക്കും പരിഹാസ്യമാണെന്ന് എനിക്ക് തോന്നുന്നു”, അദ്ദേഹം പറഞ്ഞു.

തീരദേശ സംസ്ഥാനങ്ങളായ ഗുജറാത്ത്, കേരളം, തമിഴ്‌നാട് എന്നിവിടങ്ങളിൽ മത്സ്യബന്ധന കപ്പലുകളെ ഉപയോഗിച്ചുകൊണ്ട് ഇത്തരം നിരീക്ഷണം നടത്താത്തത് എന്തുകൊണ്ടാണെന്നും ഇതിൽ വിവേചനമുണ്ടെന്നും അദ്ദേഹം പറഞ്ഞു.

Read More: ലക്ഷദ്വീപ് എയര്‍ ആംബുലന്‍സ്: മാര്‍ഗനിര്‍ദേശങ്ങള്‍ അറിയിക്കാൻ ഹൈക്കോടതി നിര്‍ദേശം

ശുചിത്വം സംബന്ധിച്ച ഉത്തരവ് പുറപ്പെടുവിച്ച ഭരണകൂടം, അതിലെ ഏതെങ്കിലും നിർദ്ദേശങ്ങൾ ലംഘിക്കുന്നവരെ ലക്ഷദ്വീപ് സോളിഡ് വേസ്റ്റ് മാനേജ്‌മെന്റ് ബൈ-ലോ, 2018 പ്രകാരം ശിക്ഷിക്കുമെന്നും അവയെ ഐപിസി 188 പ്രകാരം ക്രിമിനൽ നടപടികൾക്ക് ബാധ്യസ്ഥമാക്കുമെന്നുമാണ് പറയുന്നത്.

തെങ്ങോലകൾ പോലുള്ള പ്രകൃതിയിൽ ഇഴുകിച്ചേരുന്ന വസ്തുക്കൾ ശാസ്ത്രീയമായി നീക്കം ചെയ്യാനുള്ള ഉത്തരവിലെ ചോദ്യത്തെ ചോദ്യം ചെയ്ത ഫൈസൽ, ലക്ഷദ്വീപിന്റെ ഭൂമി ഫലഭൂയിഷ്ഠമായത് ദ്വീപുകളിൽ താമസിക്കുന്ന പൂർവ്വികർ മണ്ണിൽ ഇതെല്ലാം ചേർന്നുപോവാൻ അനുവദിച്ചതിനാലാണെന്നും പറഞ്ഞു.

മാലിന്യങ്ങൾ ശാസ്ത്രീയമായി കൈകാര്യം ചെയ്യുന്നതിന് സാങ്കേതികവിദ്യ നൽകേണ്ടത് ഭരണകൂടത്തിന്റെ ഉത്തരവാദിത്തമാണെന്നും അദ്ദേഹം പറഞ്ഞു.

കേന്ദ്ര സർക്കാരിനോട് ഇക്കാര്യം ഉന്നയിച്ചോ എന്ന “ഇത്തരം കാര്യങ്ങൾ അവരെ ബോധിപ്പിക്കുന്നതിൽ എനിക്ക് ലജ്ജ തോന്നുന്നു,”എന്ന് പറഞ്ഞു.

അതേസമയം, ദ്വീപുകളിലെ പരിഷ്കരണ നടപടികൾക്കായി ഭരണകൂടത്തിനെതിരായ പ്രക്ഷോഭം ശക്തമാക്കാൻ കോൺഗ്രസ് തീരുമാനിച്ചു.

കോൺഗ്രസിന്റെ നേതൃത്വത്തിലുള്ള യുഡിഎഫിലെ എംപിമാർ തിങ്കളാഴ്ച കൊച്ചിയിലെ ടെറിറ്റോറിയൽ അഡ്മിനിസ്ട്രേഷൻ ഓഫീസിന് മുന്നിൽ ധർണ സംഘടിപ്പിക്കുമെന്ന് പാർട്ടി വൃത്തങ്ങൾ അറിയിച്ചു.

ലക്ഷദ്വീപിലെ ജനങ്ങളോട് ഐക്യദാർഢ്യം പ്രകടിപ്പിച്ച കേരള നിയമസഭ ഐക്യകണ്‌ഠേന പ്രമേയം പാസാക്കിയിരുന്നു. ദ്വീപ് ഭരണാധികാരി പ്രഫുൽ ഖോഡ പട്ടേലിനെ തിരിച്ചുവിളിക്കണമെന്നും ദ്വീപുവാസികളുടെ ജീവിതവും ഉപജീവനവും സംരക്ഷിക്കണമെന്നും പ്രമേയത്തിൽ കേരളം ആവശ്യപ്പെട്ടു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Lakshadweep admin issues new order to deploy government officials in fishing boats

Next Story
മൂന്നാം തരംഗം നേരിടാന്‍ ഡല്‍ഹി; പ്രതീക്ഷിക്കുന്നത് 37,000 പ്രതിദിന കേസുകള്‍Covid, New Delhi, Third Wave
The moderation of comments is automated and not cleared manually by malayalam.indianexpress.com