Latest News
രാജ്യത്ത പ്രതിദിന കേസുകളില്‍ വന്‍ കുതിച്ചുചാട്ടം; മൂന്ന് ലക്ഷത്തിനടുത്ത്

കത്തുവ കേസ് പ്രതികള്‍ക്കായി വീണ്ടും തെരുവിലിറങ്ങി ബിജെപി നേതാവ്

കത്തുവ പ്രതികള്‍ക്ക് വേണ്ടി റാലി നടത്തിയതിനെ തുടര്‍ന്നായിരുന്നു ലാല്‍ സിങ് മന്ത്രി സ്ഥാനം രാജിവെച്ചത്. എന്നാല്‍ പിന്നീടും പ്രതികള്‍ക്കായി ഇയാള്‍ രംഗത്ത് വരികയായിരുന്നു

ശ്രീനഗര്‍: കത്തുവ കൂട്ട ബലാത്സംഗ കേസിലെ പ്രതികള്‍ക്കായി വീണ്ടും തെരുവിലിറങ്ങി മുന്‍ മന്ത്രിയും ബിജെപി നേതാവുമായ ലാല്‍ സിങ്. കേസില്‍ സിബിഐ അന്വേഷണം ആവശ്യപ്പെട്ടു കൊണ്ടാണ് മുന്‍ മന്ത്രിയുടെ നേതൃത്വത്തില്‍ ദോഗ്ര സ്വാഭിമാന്‍ എന്ന പേരില്‍ റാലി നടത്തിയത്.

കത്തുവ പ്രതികള്‍ക്ക് വേണ്ടി റാലി നടത്തിയതിനെ തുടര്‍ന്നായിരുന്നു ലാല്‍ സിങ് മന്ത്രി സ്ഥാനം രാജിവെച്ചത്. എന്നാല്‍ പിന്നീടും പ്രതികള്‍ക്കായി ഇയാള്‍ രംഗത്ത് വരികയായിരുന്നു. മുന്‍പും ലാല്‍ സിങ് റാലി നടത്തിയിട്ടുണ്ട്. അതേസയം, റാലിക്കിടെ ജമ്മു കശ്മീര്‍ മുഖ്യമന്ത്രി മെഹബൂബ മുഫ്തിയെ അധിക്ഷേപിച്ച ലാല്‍ സിങിന്റെ സഹോദരനെതിരെ പൊലീസ് കേസെടുത്തിട്ടുണ്ട്.

ഹിരനഗറില്‍ നടന്ന നൂറ് കണക്കിന് പേര്‍ പങ്കെടുത്ത റാലിക്കിടെയായിരുന്നു ലാല്‍ സിങിന്റെ സഹോദരന്‍ രജീന്ദര്‍ സിങ് മുഖ്യമന്ത്രിയെ അധിക്ഷേപിച്ചത്. മെഹബൂബയെ അധിക്ഷേപിക്കുന്ന വീഡിയോ സോഷ്യല്‍ മീഡിയയില്‍ വൈറലായിരുന്നു. ഇതിന് പിന്നാലെയാണ് ഇയാള്‍ക്കെതിരെ കേസെടുത്തത്.

26 സെക്കന്റ് ദൈര്‍ഘ്യമുള്ള വീഡിയോയില്‍, ലാല്‍ സിങ് പ്രസംഗിക്കുന്നതിനിടെ വാഹനത്തിന് മുകളില്‍ കയറിയിരുന്നു ദേശീയ പതാക വീശി കാണിക്കുകയും മൈക്കിലൂടെ മെഹബൂബയെ അധിക്ഷേപിക്കുകയും ചെയ്യുന്ന രജീന്ദറിനെ കാണാം. വീഡിയോ വൈറലായതോടെ മുന്‍ മുഖ്യമന്ത്രി ഉമര്‍ അബ്ദുള്ളയടക്കമുള്ളവര്‍ രംഗത്തെത്തിയിട്ടുണ്ട്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Kathua rape case lal singh agains walks bare foot for cbi investigation and brother abuses mehabooba

Next Story
രണ്ട് മാസമായി വെളളമില്ല; ജല അതോറിറ്റി എക്‌സിക്യുട്ടീവ് എഞ്ചിനീയറെ സ്ത്രീകൾ ചെരിപ്പുകൊണ്ട് തല്ലി
The moderation of comments is automated and not cleared manually by malayalam.indianexpress.com