പുൽവാമയിലെ ജില്ലാ പൊലീസ് ആസ്ഥാനത്തിന് സമീപമെത്തി വിഘടനവാദികൾ നടത്തിയ ആക്രമണത്തിൽ ഒരു പൊലീസുകാരൻ കൊല്ലപ്പെട്ടു. ഫിദയീൻ എന്ന് പേരായ പൊലീസുകാരനാണ് പുലർച്ചെ നടന്ന ആക്രമണത്തിൽ മരിച്ചത്.

അതേസമയം വിഘടനവാദികൾ ഈ പൊലീസ് കേന്ദ്രത്തിലെ കൂടുതൽ പേരെ കൊലപ്പെടുത്താനാണ് ശ്രമിച്ചതെന്ന് സൈന്യം വിശദീകരണം നൽകി. ദക്ഷിണ കാശ്മീരിലാകെ ജാഗ്രതാ നിർദ്ദേശം നൽകിയിട്ടുണ്ട്. ഇതിന് പുറമേ സൈനിക സംഘങ്ങൾ ആക്രമണം നടന്ന പ്രദേശത്ത് തിരച്ചിൽ ആരംഭിച്ചിട്ടുണ്ട്.

ഷോപിയാൻ – പുൽവാമ ദേശീയപാതയ്ക്ക് സമീപം എസ്എസ്‌പി ഓഫീസിനടുത്തുള്ള പൊലീസ് കേന്ദ്രത്തിന് നേർക്കാണ് ആക്രമണം നടന്നത്. പുലർച്ചെ നാല് മണിയോടെയാണ് ആക്രമണം നടന്നതെന്ന് തദ്ദേശവാസികൾ പറഞ്ഞു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook