പോലീസ് പൊതുജനങ്ങളുമായി നല്ല ബന്ധം പുലർത്തണം: കടയുടമയെ മർദിച്ച കോൺസ്റ്റബിളിന്റെ നിർബന്ധിത വിരമിക്കൽ ശരിവെച്ച് കർണാടക ഹൈക്കോടതി

ബെംഗളൂരു: പൊതുജനങ്ങളെ സംരക്ഷിക്കാൻ ബാധ്യസ്ഥരായ പോലീസുകാർ അവർക്ക് മാതൃകയാകണമെന്നും ജനങ്ങളുമായി നല്ല ബന്ധം പുലർത്തണമെന്നും കർണാടക ഹൈക്കോടതി. നിസ്സാര കാരണത്തിന്റെ പേരിൽ കടയുടമയെ മർദിച്ച കുറ്റത്തിന്  പോലീസ് കോൺസ്റ്റബിളിനെ നിർബന്ധിത വിരമിക്കലിന് വിധിച്ച അധികൃതരുടെ നടപടി കോടതി ശരിവെച്ചു.

Also Read:സ്വർണ്ണത്തിലേക്കും വെള്ളിയിലേക്കും തിരിഞ്ഞ് ഇന്ത്യ; സമ്പദ്വ്യവസ്ഥയിൽ ആശങ്കയും പ്രതീക്ഷയും

ശിക്ഷാ നടപടിക്കെതിരെ കോൺസ്റ്റബിൾ സമർപ്പിച്ച ഹർജി തള്ളിക്കൊണ്ടാണ് ഹൈക്കോടതിയുടെ സുപ്രധാന നിരീക്ഷണം. പോലീസുകാരുടെ പെരുമാറ്റം സേനയുടെ അന്തസ്സിനും പൊതുജനവിശ്വാസത്തിനും നിരക്കാത്തതാകരുത് എന്ന് കോടതി വ്യക്തമാക്കി.

പോലീസുകാർ നിയമം സംരക്ഷിക്കേണ്ടവരാണെന്നും എന്നാൽ സ്വന്തം അധികാരം ഉപയോഗിച്ച് സാധാരണക്കാരെ ദ്രോഹിക്കുന്നത് അംഗീകരിക്കാനാവില്ലെന്നും കോടതി ചൂണ്ടിക്കാട്ടി. പോലീസുകാരും പൊതുജനങ്ങളും തമ്മിലുള്ള ബന്ധം സൗഹാർദ്ദപരമായിരിക്കണം. ജനങ്ങളുടെ ജീവനും സ്വത്തിനും സംരക്ഷണം നൽകേണ്ട ഉദ്യോഗസ്ഥൻ തന്നെ അവരെ ആക്രമിക്കുന്നത് ഗുരുതരമായ അച്ചടക്ക ലംഘനമാണെന്നും കോടതി നിരീക്ഷിച്ചു. 

Also Read:മാവോയിസ്റ്റ് വിരുദ്ധ പോരാട്ടം അവസാന ഘട്ടത്തിലേക്ക്; അവശേഷിക്കുന്ന താവളങ്ങളും വളയാൻ സുരക്ഷാ സേന

ഹർജിക്കാരനായ കോൺസ്റ്റബിൾ ഒരു കടയുടമയുമായി തർക്കത്തിലേർപ്പെടുകയും തുടർന്ന് അദ്ദേഹത്തെ ശാരീരികമായി ഉപദ്രവിക്കുകയും ചെയ്തതായാണ് കേസ്. ഈ സംഭവത്തിൽ നടന്ന വകുപ്പുതല അന്വേഷണത്തിൽ കോൺസ്റ്റബിൾ കുറ്റക്കാരനാണെന്ന് കണ്ടെത്തുകയും ശിക്ഷയായി സർവീസിൽ നിന്ന് നിർബന്ധിതമായി വിരമിപ്പിക്കാൻ ഉത്തരവിടുകയും ചെയ്തു. ഈ നടപടി പുനഃപരിശോധിക്കണന്ന് ആവശ്യപ്പെട്ടാണ് പോലീസുകാരൻ കോടതിയെ സമീപിച്ചത്.

Also Read:രാജ്യസഭയിൽ വീണ്ടും പോരാട്ടച്ചൂട്; 10 സംസ്ഥാനങ്ങളിലായി 37 സീറ്റുകളിലേക്ക് തിരഞ്ഞെടുപ്പ്

എന്നാൽ, പോലീസുകാരന്റെ പെരുമാറ്റം സേനയുടെ അച്ചടക്കത്തെ ബാധിക്കുന്നതാണെന്നും നൽകിയ ശിക്ഷ കുറ്റത്തിന് അനുയോജ്യമാണെന്നും കോടതി വിലയിരുത്തി. പൊതുജനങ്ങളോടുള്ള പോലീസിന്റെ സമീപനത്തിൽ മാറ്റം വരേണ്ടതിന്റെ ആവശ്യകതയും വിധിന്യായത്തിൽ കോടതി ഊന്നിപ്പറഞ്ഞു.

Read More:ആറാം വയസിൽ വഴിതെറ്റി കേരളത്തിൽ, 22-ാം വയസിൽ സ്വന്തം നാട്ടിലേക്ക്; ജാർഖണ്ഡ് സ്വദേശിയുടെ കാത്തിരിപ്പിന് വിരാമം