scorecardresearch

Latest News

കാബൂളിൽ വീണ്ടും ഭീകരാക്രമണം; മിലിട്ടറി അക്കാദമിക് സമീപം സ്ഫോടനം

ആംബുലൻസ് പൊട്ടിത്തെറിച്ച് നൂറിലേറെ പേർ കൊല്ലപ്പെട്ട സംഭവത്തിന്റെ ഞെട്ടൽ മാറും മുൻപാണ് വീണ്ടും ആക്രമണം നടന്നത്

Black smke rises from the Intercontinental Hotel after an attack in Kabul, Afghanistan, Sunday, Jan. 21, 2018. Gunmen stormed the hotel in the Afghan capital on Saturday evening, triggering a shootout with security forces, officials said. (AP Photo/Rahmat Gul)

കാബൂൾ: അഫ്‌ഗാൻ തലസ്ഥാനമായ കാബൂളിന് സമീപം വീണ്ടും ഭീകരാക്രമണം നടന്നു. കാബൂളിലെ മിലിട്ടറി അക്കാദമിക് സമീപമാണ് രാവിലെ സ്ഫോടനം നടന്നത്. കഴിഞ്ഞ ദിവസം ആംബുലൻസ് പൊട്ടിത്തെറിച്ച് നൂറിലേറെ പേർ മരിച്ചതിന് പിന്നാലെയാണ് ഈ ആക്രമണവും.

അഫ്ഗാനിസ്ഥാനിൽ വൻ സുരക്ഷാ വെല്ലുവിളിയാണ് ഈ ആക്രമണത്തിലൂടെ ഉണ്ടായിരിക്കുന്നത്. ഭീകരവാദികളും സൈനികരും തമ്മിൽ മിലിട്ടറി അക്കാദമിക് സമീപം വെടിവയ്പ് തുടരുകയാണ്. സ്ഫോടനത്തിൽ കൊല്ലപ്പെട്ടവരുടെയോ പരുക്കേറ്റവരുടെയോ വിവരങ്ങൾ പുറത്തെത്തിയിട്ടില്ല. സ്ഥലത്ത് സംഘർഷം രൂക്ഷമായതിനാലാണിത്.

വിദേശ എംബസികളും സർക്കാർ ഓഫീസുകളും പ്രവർത്തിക്കുന്ന സ്ഥലത്തിന് സമീപത്തെ പൊലീസ് ചെക്പോയിന്റിലാണ് കഴിഞ്ഞ ദിവസം ആക്രമണം നടന്നത്. ഏറെ തിരക്കേറിയ പ്രദേശത്ത് ഉഗ്രശേഷിയുളള സ്ഫോടകവസ്തുക്കൾ നിറച്ച ആംബുലൻസാണ് പൊട്ടിത്തെറിച്ചത്. നൂറിലേറെ പേർ കൊല്ലപ്പെട്ട സംഭവത്തിൽ 200 ഓളം പേർക്ക് പരുക്കേറ്റിരുന്നു. ആക്രമണത്തിന്റെ ഉത്തരവാദിത്വം താലിബാനാണ് ഏറ്റെടുത്തത്.

Stay updated with the latest news headlines and all the latest News news download Indian Express Malayalam App.

Web Title: Kabul military academy attack explosion live updates death toll