കൊ​ൽ​ക്ക​ത്ത: കോടതിയലക്ഷ്യ നടപടി നേരിടുന്ന കൊ​ൽ​ക്ക​ത്ത ഹൈ​ക്കോ​ട​തി ജ​സ്റ്റീ​സ് സിഎ​സ് ക​ർ​ണ​ന്‍ വീണ്ടും സുപ്രിംകോടതി ജഡ്ജിമാര്‍ക്കെതിരെ രംഗത്ത്. ചീഫ് ജസ്റ്റിസ് ജെഎസ് ഖെഹാര്‍ അടക്കം ഏഴ് സു​പ്രീം കോ​ട​തി​യി​ലെ ഏ​ഴു ജ​ഡ്ജി​മാ​ർ​ക്ക് അ​ഞ്ചു വ​ർ​ഷം ക​ഠി​ന ത​ട​വ് അദ്ദേഹം വിധിച്ചു. കൂടാതെ ഓരോ ലക്ഷം രൂപ ജഡ്ജിമാര്‍ പിഴായി അടക്കണമെന്നും അല്ലാത്തപക്ഷം ആറ് മാസം കൂടി തടവ് അനുഭവിക്കണമെന്നും വിധിയില്‍ പറയുന്നു.

പ​ട്ടി​ക ജാ​തി പ​ട്ടി​ക വ​ർ​ഗ പീ​ഡ​ന​ത്തി​നെ​തി​രാ​യ 1989ലെയും 2015ലേയും ഭേദഗതി നി​യ​മ​പ്ര​കാ​ര​മാ​ണ് ശി​ക്ഷ വിധിച്ചത്. ഖെഹാറിനെ കൂടാതെ ജ. ദീപക് മിശ്ര, ജെ ചെലമേശ്വര്‍, രഞ്ജന്‍ ഗോഗോയ്, മധന്‍ ബി ലോകൂര്‍, പിങ്കൈ ചന്ദ്രഘോഷ്, കുര്യന്‍ ജോസഫ് എന്നിവര്‍ക്കെതിരെയാണ് നടപടി. ദ​ളി​ത് വി​ഭാ​ഗ​ത്തി​ൽ​പെ​ട്ട ആ​ളാ​യ​തു​കൊ​ണ്ട് ത​നി​ക്കെ​തി​രാ​യി ഏ​ഴം​ഗ ബ​ഞ്ച് ജാ​തി​യ വി​വേ​ച​നം കാ​ട്ടി​യതെന്ന് അദ്ദേഹം ആരോപിച്ചു.

സു​പ്രീം കോ​ട​തി ജ​ഡ്ജി​മാ​ർ​ക്കെ​തി​രെ അ​ഴി​മ​തി ആ​രോ​പ​ണം ഉ​ന്ന​യി​ച്ച​തി​നും നീ​തി​ന്യാ​യ കോ​ട​തി​ക​ളെ ത​രം​താ​ഴ്ത്തു​ന്ന ന​ട​പ​ടി​ക​ളു​ണ്ടാ​യ​തി​നും ജ​സ്റ്റീ​സ് ക​ർ​ണ​ൻ കോ​ട​തി​യ​ല​ക്ഷ്യ ന​ട​പ​ടി​ക​ൾ നേ​രി​ട്ടു​കൊ​ണ്ടി​രി​ക്കു​ക​യാ​ണ്. പിഴയായി വിധിച്ച ഒരു ലക്ഷം രൂപ വീതം കേന്ദ്ര പട്ടികജാതി പട്ടികവര്‍ഗ കമ്മീഷന് മുമ്പാകെ ഒരാഴ്ച്ചക്കകം അടക്കണമെന്നും ജ. കര്‍ണന്‍ നിര്‍ദേശിച്ചു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook