ന്യൂഡൽഹി: ഫീസ് വർധനയ്ക്കെതിരെ ഡൽഹി ജെഎൻയു ക്യാമ്പസിൽ നടന്നുവരുന്ന സമരം കൂടുതൽ ശക്തമാകുന്നു. ഇന്നു മുതൽ ക്യാമ്പസ് അടച്ചിട്ടുള്ള പ്രതിഷേധ പരിപാടികളിലേക്ക് കടക്കാനാണ് വിദ്യാർഥികളുടെ തീരുമാനം. ഓഫീസുകളടക്കം ഉപരോധിച്ചുള്ള സമരത്തിൽ സർവകലാശാലയുടെ പ്രവർത്തനം സ്തംഭിപ്പിക്കാനാണ് വിദ്യാർഥികളുടെ നീക്കം. ര​ണ്ടാ​ഴ്​​ച​യാ​യി കാ​മ്പ​സി​ന​ക​ത്ത്​ ന​ട​ന്നു​വ​ന്ന സ​മ​രം തി​ങ്ക​ളാ​ഴ്​​ച​യു​ണ്ടാ​യ പൊ​ലീ​സ്​ അ​തി​ക്ര​മ​ത്തി​ലൂ​ടെ ദേ​ശീ​യ ശ്ര​ദ്ധ നേ​ടി​യിരുന്നു.

ഹോസ്റ്റൽ ഫീസ് വർധനവിന് അന്തിമ അംഗീകാരം നൽകാൻ ചേരുന്ന ജെഎൻയു എക്സിക്യൂട്ടീവ് കൗണ്‍സില്‍ യോഗം നടക്കുന്ന കൺവെന്‍ഷൻ സെന്റ‍ർ ഉപരോധിക്കുമെന്നും വിദ്യാർഥികൾ അറിയിച്ചു. കാ​മ്പ​സി​ലേ​ക്കു​ള്ള ഗേ​റ്റു​ക​ൾ അ​ട​ച്ചും സ​ർ​വ​ക​ലാ​ശാ​ല പ്ര​വ​ർ​ത്ത​നം ത​ട​സ്സ​പ്പെ​ടു​ത്തി​യും സ​മ​രം കൂ​ടു​ത​ൽ ശ​ക്​​ത​മാ​ക്കാ​നാ​ണ്​ വി​ദ്യാ​ർ​ഥി​ക​ളു​ടെ തീ​രു​മാ​നം.

അതേസമയം ഫീസ് വർധനവിനെതിരെ എബിവിപിയും രംഗത്തെത്തി. സമരത്തിന്റെ ഭാഗമാകാനാണ് എബിവിപിയുടെയും തീരുമാനം. തീ​രു​മാ​ന​ത്തി​ൽ​നി​ന്ന്​ പി​ന്മാ​റ​ണ​മെ​ന്ന്​ ആ​വ​ശ്യ​പ്പെ​ട്ട്​ യു.​ജി.​സി ആ​സ്​​ഥാ​ന​ത്തേ​ക്ക്​ ബു​ധ​നാ​ഴ്​​ച മാ​ർ​ച്ച്​ ന​ട​ത്തു​മെ​ന്ന്​ എബി​വിപി അറിയി​ച്ചു. ജെ.​എ​ൻ.​യു വി​ദ്യാ​ർ​ഥി യൂ​ണിയ​ൻ ന​ട​ത്തു​ന്ന സ​മ​ര​ത്തി​ൽ എബിവിപി മാ​ത്ര​മാ​ണ്​ പ​​ങ്കെ​ടു​ക്കാ​തി​രു​ന്ന​ത്. വി​ദ്യാ​ർ​ഥി​ക​ൾ​ക്ക്​ അ​ധ്യാ​പ​ക സം​ഘ​ട​ന​യാ​യ ജെഎ​ൻയുടിഎ പി​ണു​ണ അ​റി​യി​ച്ച്​ രം​ഗ​ത്തു​വ​ന്നു.

ഐഎച്ച്എ മാനുവൽ പരിഷ്‌കരണം ഉപേക്ഷിക്കും വരെ സമരം തുടരാനാണ് തീരുമാനം. വൈസ് ചാൻസലർ ജഗദീഷ് കുമാർ ഇതുവരെ വിദ്യാർത്ഥികളെ കാണാൻ തയ്യാറായിട്ടില്ല.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook