ശ്രീനഗർ: ജമ്മു കശ്മീരിന് പ്രത്യേക പദവി നൽകിയിരുന്ന 370-ാം വകുപ്പ് റദ്ദാക്കുന്നതിന്റെയും സംസ്ഥാനം വിഭജിക്കുന്നതിന്റെയും ഭാഗമായി കശ്മീരിൽ ഏർപ്പെടുത്തിയിരുന്ന കർശന നിയന്ത്രണങ്ങളിൽ കൂടുതൽ ഇളവുകളുമായി സർക്കാർ. ചില പ്രദേശങ്ങളിൽ ലാൻഡ്‌ലൈൻ സേവനങ്ങൾ പുനഃസ്ഥാപിച്ചു. 35 പൊ​ലീ​സ്​ സ്​​റ്റേ​ഷ​നു​ക​ൾ​ക്കു കീ​ഴി​ലു​ള്ള മേ​ഖ​ല​ക​ളി​ൽ ഇ​ള​വു​വ​രു​ത്തി​യെ​ന്നും 17 ടെ​ലി​ഫോ​ൺ എ​ക്​​സ്​​ചേ​ഞ്ചു​ക​ൾ പ്ര​വ​ർ​ത്ത​നം പു​ന​രാ​രം​ഭി​ച്ചു​വെ​ന്നും സ​ർ​ക്കാ​ർ വ​ക്താ​വ്​ രോ​ഹി​ത്​ ഖ​ൻ​സാ​ൽ അ​റി​യി​ച്ചു. ആകെ 94 ടെലിഫോൺ എക്സ്‌ചേഞ്ചുകളാണ് പ്രദേശത്തുള്ളത്.

Also Read: കശ്മീരിൽ നിയന്ത്രണങ്ങൾക്ക് ഇളവ്: 2ജി ​ഇ​ന്‍റ​ർ​നെ​റ്റ് സേ​വ​നങ്ങൾ പുനഃസ്ഥാപിച്ചു

ജ​മ്മു, റി​യാ​സി, സാം​ബ, ക​ഠ്‌വ, ഉ​ദം​പു​ർ ജി​ല്ല​ക​ളി​ലാ​ണ് 2ജി ​ഇ​ന്‍റ​ർ​നെ​റ്റ് സേ​വ​ന​ങ്ങൾ പുനഃസ്ഥാപിച്ചിരിക്കുന്നത്. സംസ്ഥാനത്ത് ആകെ 105 പൊലീസ് സ്റ്റേഷനുകളാണ് ഉള്ളത്. വടക്കൻ കശ്മീരിൽ 34ഉം, തെക്കൻ കശ്മീരിൽ 32ഉം, മധ്യ കശ്മീരിൽ 39 ഉം. ഇതിലാണ് 35 പൊലീസ് സ്റ്റേഷനുകൾക്ക് കീഴിലുള്ള പ്രദേശങ്ങളിൽ കൂടുതൽ ഇളവ് ലഭിച്ചിരിക്കുന്നത്.

നിയന്ത്രണങ്ങളിൽ ഇളവ് വന്നതോടെ പല പ്രദേശങ്ങളിലും പ്രതിഷേധങ്ങളും ശക്തമാകുന്നുണ്ട്. പലയിടങ്ങളിലും പ്രതിഷേധക്കാർ കല്ലേറ് നടത്തി. പൊലീസ് നടപടിയിൽ എട്ട് പ്രതിഷേധക്കാർക്ക് പരുക്കേൽക്കുകയും ചെയ്തിട്ടുണ്ട്. വടക്കൻ കശ്മീരിലെ സോപോറിൽ പ്രതിഷേധം ശക്തമായതോടെ നിയന്ത്രണങ്ങൾ വീണ്ടും ഏർപ്പെടുത്തേണ്ടി വന്നു.

നി​യ​ന്ത്ര​ണ​ങ്ങ​ളി​ൽ ഘ​ട്ടം​ഘ​ട്ട​മാ​യി ഇ​ള​വ് വ​രു​ത്തു​മെ​ന്ന് കേ​ന്ദ്ര സ​ർ​ക്കാ​ർ നേ​ര​ത്തേ അ​റി​യി​ച്ചി​രു​ന്നു. വെ​ള്ളി​യാ​ഴ്ച മു​ത​ൽ സ​ർ​ക്കാ​ർ ഓ​ഫീ​സു​ക​ൾ തു​റ​ന്നു പ്ര​വ​ർ​ത്തി​ക്കാ​ൻ ഗ​വ​ർ​ണ​ർ സ​ത്യ​പാ​ൽ മാ​ലി​ക് നി​ർ​ദേ​ശം ന​ൽ​കി​യി​രു​ന്നു. തി​ങ്ക​ളാ​ഴ്ച മു​ത​ൽ സം​സ്ഥാ​ന​ത്തെ സ്കൂ​ളു​ക​ളും തു​റ​ന്നേ​ക്കു​മെ​ന്നാ​ണ് ല​ഭി​ക്കു​ന്ന വി​വ​രം. ശേഷിക്കുന്ന അഞ്ച് ജില്ലകളായ കിഷ്ത്വാർ, ദോഡ, രാംബാൻ, രാജൗരി, പൂഞ്ച് ജില്ലകളിൽ മൊബൈൽ ഇന്റർനെറ്റ് ഉൾപ്പെടെയുള്ള സെല്ലുലാർ സേവനങ്ങൾ താൽക്കാലികമായി നിർത്തിവച്ചിരിക്കുകയാണ്.

Also Read: ഭീകരവാദികൾക്ക് 370-ാം വകുപ്പ് ഒരു കവചമായിരുന്നു: കേന്ദ്ര നിയമ മന്ത്രി രവി ശങ്കർ പ്രസാദ്

ഓഗസ്റ്റ് അഞ്ചിനാണ് ജമ്മു കശ്മീരിന് പ്രത്യേക പദവി നൽകിയിരുന്ന ഭരണഘടനയിലെ 370 വകുപ്പ് റദ്ദാക്കിയത്. ഇത് സംബന്ധിച്ച പ്രമേയവും ജമ്മു കശ്മീരിനെ വിഭജിച്ച് രണ്ട് കേന്ദ്ര ഭരണ പ്രദേശങ്ങളാക്കാനുള്ള ബില്ലും പാർലമെന്റ് പാസാക്കിയിരുന്നു. ലോക്‌സഭയിലും രാജ്യസഭയിലും ബില്ല് പാസാക്കാൻ സർക്കാരിന് സാധിച്ചു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook