scorecardresearch
Latest News

കശ്മീരില്‍ ഏറ്റുമുട്ടല്‍; രണ്ട് ഭീകരരെ സൈന്യം വധിച്ചു

കഴിഞ്ഞ ദിവസം രാത്രിയാണ് ത്രാലില്‍ ഭീകരര്‍ ഒളിച്ചിരിപ്പുണ്ടെന്ന വിവരം സുരക്ഷാസേനയ്ക്ക് ലഭിച്ചത്

ശ്രീനഗര്‍: ജമ്മു കശ്മീരില്‍ സൈന്യവും ഭീകരരും തമ്മിലുണ്ടായ ഏറ്റുമുട്ടലില്‍ രണ്ട് ഭീകരരെ വധിച്ചു. ഇന്നലെ രാത്രി ആരംഭിച്ച വെടിവെപ്പ് ഇന്ന് രാവിലെയാണ് അവസാനിച്ചത്. സൈന്യം നടത്തിയ തിരച്ചിലില്‍ തോക്കുകളും മറ്റും കണ്ടെത്തിയിട്ടുണ്ട്.

ഹന്ദ്വാരയില്‍ നടന്ന 60 മണിക്കൂര്‍ നീണ്ടു നിന്ന വെടിവെപ്പ് അവസാനിച്ച് ഒരു ദിവസം പിന്നിട്ടപ്പോഴാണ് ത്രാലില്‍ വീണ്ടും ഏറ്റുമുട്ടലുണ്ടായത്. ഹന്ദ്വാരയില്‍ നടന്ന വെടിവെപ്പില്‍ രണ്ട് ഭീകരരെ വധിച്ചിരുന്നു.

കഴിഞ്ഞ ദിവസം രാത്രിയാണ് ത്രാലില്‍ ഭീകരര്‍ ഒളിച്ചിരിപ്പുണ്ടെന്ന വിവരം സുരക്ഷാസേനയ്ക്ക് ലഭിച്ചത്. തുടര്‍ന്ന് നടന്ന തിരച്ചലിനിടെയാണ് ഏറ്റുമുട്ടലുണ്ടായത്.

Stay updated with the latest news headlines and all the latest News news download Indian Express Malayalam App.

Web Title: J k two militants killed in tral encounter