Latest News

രാജ്യം ജനാധിപത്യത്തിന്റെ ഉത്സവം ആഘോഷിക്കുകയാണെന്ന് പ്രധാനമന്ത്രി; ‘ഇത് പുതിയ ഇന്ത്യയുടെ ഉദയം’

തിരഞ്ഞെടുപ്പുകൾ വിജയിക്കുക എന്നതു വലിയ കാര്യമല്ല. അവ മാന്യമായും ജനാധിപത്യപരമായും വിജയിക്കുക എന്നതാണു പ്രധാനമെന്നും മോദി

narendra modi, bjp, Guruvayoor temple

ന്യൂഡെൽഹി: രാജ്യത്തെ ജനങ്ങൾ ജനാധിപത്യത്തിന്റെ ഉത്സവം ആഘോഷിക്കുകയാണെന്ന് പ്രധാനമന്ത്രി നരേന്ദ്രമോദി. ഉത്തർപ്രദേശിലെയും ഉത്തരാഖണ്ഡിലെയും മികച്ച വിജയത്തിന് പിന്നാലെ ഡൽഹിയിലെ ബി.ജെ.പി ആസ്ഥാനത്ത് പ്രവർത്തകർ നൽകിയ സ്വീകരണത്തില്‍ സംസാരിക്കുകയായിരുന്നു അദ്ദേഹം. പുതിയ ഇന്ത്യയുടെ ഉദയമാണ് ഈ തിരഞ്ഞെടുപ്പിൽ കണ്ടത്. ജനം വോട്ട് ചെയ്തത് വികസനത്തിനാണെന്നും വിജയത്തിൽ അഹങ്കരിക്കരുതെന്നും അദ്ദേഹം പറഞ്ഞു.

ഇന്ത്യയിൽ തിരഞ്ഞെടുപ്പു നടക്കുമ്പോഴൊക്കെ ബി.ജെ.പിയുടെ വോട്ട് വിഹിതം കൂടുകയാണ്. റെക്കോർഡ് ഭേദിക്കുന്നതിൽ പാർട്ടി മികവു പുലർത്തുന്നു. പാർട്ടി അധ്യക്ഷൻ അമിത് ഷാ, ദേശീയ നേതൃത്വം, സംസ്ഥാന ഘടകം തുടങ്ങിയവയ്ക്കാണ് ഈ വിജയത്തിന്റെ മുഴുവൻ ക്രെഡിറ്റെന്നും അദ്ദേഹം പറഞ്ഞു.
ഏറ്റവും വലിയ ജനാധിപത്യ പാർട്ടിയാണു ബിജെപി. തിരഞ്ഞെടുപ്പുകൾ വിജയിക്കുക എന്നതു വലിയ കാര്യമല്ല. അവ മാന്യമായും ജനാധിപത്യപരമായും വിജയിക്കുക എന്നതാണു പ്രധാനമെന്നും അദ്ദേഹം വ്യക്തമാക്കി.

ന്യുഡെൽഹിയിലെ ബി.ജെ.പി ആസ്ഥാനത്ത് നരേന്ദ്ര മോദിക്ക് ഉജ്ജ്വല സ്വീകരണമാണ് അണികൾ നൽകിയത്. അഞ്ഞൂറ് മീറ്ററോളം ദൂരം റോഡിലൂടെ നടന്നാണ് മോദി പാർട്ടി ആസ്ഥാനത്ത് എത്തിയത്. വഴിയോരത്ത് കാത്തു നിന്ന പാർട്ടി പ്രവർത്തകർക്ക് അദ്ദേഹം അഭിവാദ്യമർപ്പിച്ചു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Its a glimpse of new india says pm modi on historic mandate to bjp

Next Story
നാഥനില്ലാ കളരി; സംസ്ഥാനത്ത് പകുതിയോളം സര്‍ക്കാര്‍ കോളജുകളില്‍ പ്രിന്‍സിപ്പല്‍മാരില്ലprincipal, college
The moderation of comments is automated and not cleared manually by malayalam.indianexpress.com