ദിശാസൂചക ശ്രേണിയിലെ ഉപഗ്രഹം വിക്ഷേപണം പരാജയപ്പെട്ടതായി ഐഎസ്ആർഒ

ബെംഗളൂരു: രാജ്യത്തിന്റെ ദിശാസൂചക ഉപഗ്രഹ ശ്രേണിയിലുള്ള ഐആർഎൻഎസ്എസ്-1 എച്ച് ഉപഗ്രഹം ഐഎസ്ആർഒ വിക്ഷേപണം പരാജയപ്പെട്ടു. ഏറെ പ്രതീക്ഷ പുലർത്തിയ വിക്ഷേപണമായിരുന്നു ഇത്. വിക്ഷേപണത്തിന്രെ ഘട്ടങ്ങളെല്ലാം ഫലപ്രദമായിരുന്നുവെന്ന് ഐ എസ് ആർ ഒ ചെയർമാൻ എ എസ് കിരൺ കുമാർ പറഞ്ഞു. എന്നാൽ  ഹീറ്റ് ഷീൽഡ് തുറന്ന് വേർപെടാതിരുന്നതിനാൽ ഭ്രമണപഥത്തിലേയ്ക്ക് പ്രവേശിക്കാൻ ഉപഗ്രത്തിന് സാധിച്ചില്ല, ഉപഗ്രഹം വേർപ്പെട്ടുവെങ്കിലും അത് ഹീറ്റ് ഷീൽഡിനുളളിലായതാണ് കാരണമെന്നും അദ്ദേഹം വ്യക്തമാക്കി. .ഇതേ കുറിച്ച് ഐ എസ് ആർ ഒ വിശദമായി പരിശോധിക്കും.

ശ്രീഹരിക്കോട്ടയിലെ സതീഷ് ധവാൻ സ്പേസ് സെന്‍ററിൽനിന്ന് ഏഴ് മണിയോടെയാണ് ഉപഗ്രഹവുമായി പിഎസ്എൽവി- സി 39 റോക്കറ്റ് പറന്നുയർന്നത്. എന്നാൽ വിക്ഷേപണം പരാജയപ്പെട്ടതായി 7.34 ഓടെയാണ് വിക്ഷേപണം പരാജയപ്പെട്ടതായി ഔദ്യോഗിക അറിയിപ്പുണ്ടായത്.

ഐആർഎൻഎസ്എസ്-1 എയിലെ മൂന്ന് അറ്റോമിക് ക്ലോക്കുകൾ പ്രവർത്തനം നിലച്ച സാഹചര്യത്തിലാണ് പിന്തുണയ്ക്കാനുള്ള 1425 കിലോ ഭാരമുള്ള 1 എച്ച് ഉപഗ്രഹം അയച്ചത്.

പുതിയ ഉപഗ്രഹം കൂടി എത്തുന്നതോടെ വാണിജ്യാടിസ്ഥാനത്തിൽ ജിപിഎസ് സേവനം നൽകാൻ പദ്ധതി സജ്ജമാകും. അടുത്തവർഷം പകുതിയോടെ സേവനം ലഭ്യമാകുമെന്നാണ് പ്രതീക്ഷ. വിക്ഷേപണത്തിന്റെ കൗണ്ടൗൺ ആരംഭിച്ച് കഴിഞ്ഞതായി ഐഎസ്ആർഒ അറിയിച്ചു.