ന്യൂഡല്‍ഹി: ഇന്ത്യയുടെ ആധുനിക വാര്‍ത്താ വിനിമയ ഉപഗ്രഹം ജിസാറ്റ്-30 വിജയകരമായി വിക്ഷേപിച്ചു. ഉപയോഗിച്ച് ഫ്രഞ്ച് ഗയാനയില്‍നിന്ന് പുലര്‍ച്ചെ 2.35നായിരുന്നു വിക്ഷേപണം.

3357 കിലോ വരുന്ന ഉപഗ്രഹം യൂറോപ്യന്‍ സ്‌പേസ് ഏജന്‍സിയുടെ ഏരിയന്‍-5 റോക്കറ്റ് ഉപയോഗിച്ചാണു വിക്ഷേപിച്ചത്. ഐഎസ്ആര്‍ഒയുടെയും യൂറോപ്യന്‍ സ്‌പേസ് ഏജന്‍സിയുടെയും 2020ലെ ആദ്യ വിക്ഷേപണമാണിത്.

ടെലിവിഷന്‍, വാര്‍ത്താ വിനിമയ, പ്രക്ഷേപണ രംഗത്ത് വലിയ സംഭാവന നല്‍കുന്ന ജിസാറ്റ്-30 നേരത്തെ വിക്ഷേപിച്ച ഇന്‍സാറ്റ്-4 എയുടെ പകരക്കാരനാണ്. 2005ലായിരുന്നു ഇന്‍സാറ്റ്-4 എയുടെ വിക്ഷേപണം. ഗ്രാമീണമേഖലയില്‍ ഇന്റര്‍നെറ്റ് സൗകര്യം മെച്ചപ്പെടുത്താന്‍ സഹായിക്കുന്ന ജിസാറ്റ്-30 ഡിടിഎച്ച്, ടെലിവിഷന്‍ ബ്രോഡ്കാസ്റ്റ് അപ്‌ലിങ്കിങ്, ഡിഎസ്എന്‍ജി സേവന സേവനങ്ങള്‍ക്കും വന്‍ വലിയ സംഭാവന നല്‍കും.

15 വര്‍ഷമാണു ജിസാറ്റ്-30ന്റെ പ്രവര്‍ത്തന കാലാവധി കണക്കാക്കുന്നത്. 12 സാധാരണ സി-ബാന്‍ഡ് ട്രാന്‍സ്‌പോണ്ടറുകളും 12 കെയു ബാന്‍ഡ് ട്രാന്‍സ്‌പോണ്ടറുകളുമാണ് ഉപഗ്രഹത്തിലുള്ളത്.

38 മിനുട്ട് കൊണ്ട് വിക്ഷേപണം പൂര്‍ത്തിയായി. പേടകത്തില്‍നിന്ന് വിജയകരമായി വേര്‍പെട്ട ഉപഗ്രഹം ഉടന്‍ ദൗത്യത്തിലേക്ക് കടക്കുമെന്ന് ഐഎസ്ആര്‍ഒ അറിയിച്ചു.

ഏരിയന്‍ റോക്കറ്റ് ഉപയോഗിച്ച് വിക്ഷേപിച്ച ഐഎസ്ആര്‍ഒയുടെ ഇരുപത്തി നാലാമത് ഉപഗ്രഹമാണു ജിസാറ്റ്-30. നാല് ടണ്‍ വരെയുള്ള ഉപഗ്രഹങ്ങള്‍ വിക്ഷേപിക്കാന്‍ കഴിയുന്ന ജിഎസ്എല്‍വി-മാര്‍ക്ക് 3 റോക്ക് ഐഎസ്ആര്‍ഒയ്ക്കുണ്ട്. എന്നിട്ടും ജിസാറ്റ്-30 വിക്ഷേപണത്തിന് യൂറോപ്യന്‍ ഏജന്‍സിയെ ഐഎസ്ആര്‍ഒ സമീപിച്ചത് കൗതുകരമായിരുന്നു. ജി സാറ്റ്-20 ഉപഗ്രഹത്തിന്റെ വിക്ഷേപണവും ഈ വര്‍ഷം നടക്കും.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook