Latest News
സംസ്ഥാനത്ത് മേയ് എട്ടു മുതൽ 16 വരെ സമ്പൂർണ ലോക്ക്ഡൗൺ

ISRO Chandrayaan-2 launch Highlights: ചന്ദ്രയാൻ-2 ഭ്രമണപഥത്തിൽ, വിക്ഷേപണം വിജയകരമെന്ന് ഐഎസ്ആർഒ

ISRO Chandrayaan-2 launch Highlights: ഉച്ചയ്ക്ക് 2.43 ന് സതീഷ് ധവാൻ സ്പേസ് സെന്ററിലെ രണ്ടാം വിക്ഷേപണത്തറയിൽനിന്നാണ് ജിഎസ്എൽവി മാർക്ക് 3 റോക്കറ്റ് ചന്ദ്രയാൻ പേടകവുമായി കുതിച്ചുയർന്നത്

ISRO, Chandrayaan-2, ie malayalam

ISRO Chandrayaan-2 launch Highlights: ബെംഗളൂരു: ചരിത്രത്തിലേക്ക് കാലെടുത്തുവച്ച് ഐഎസ്ആർഒ. ഇ​ന്ത്യ​യു​ടെ ര​ണ്ടാം ചാ​ന്ദ്ര​പ​ര്യ​വേ​ക്ഷ​ണ ദൗ​ത്യം ചന്ദ്രയാൻ-2 വിക്ഷേപണം വിജയകരമെന്ന് ഐഎസ്ആർഒ അറിയിച്ചു. ചന്ദ്രയാൻ 2 ഭൂമിയെ വലംവച്ചു തുടങ്ങി. 23 ദിവസമായിരിക്കും പേടകം ഭൂമിയെ വലംവയ്ക്കുക. അതിനുശേഷം ചന്ദ്രന്റെ ഭ്രമണപഥത്തിൽ പ്രവേശിക്കും

ഉച്ചയ്ക്ക് 2.43 ന് സതീഷ് ധവാൻ സ്പേസ് സെന്ററിലെ രണ്ടാം വിക്ഷേപണത്തറയിൽനിന്നാണ് ജിഎസ്എൽവി മാർക്ക് 3 റോക്കറ്റ് ചന്ദ്രയാൻ പേടകവുമായി കുതിച്ചുയർന്നത്. ഇന്നലെ വിക്ഷേപണത്തിന്റെ കൗണ്ട്ഡൗണ്‍ ആരംഭിച്ചിരുന്നു. ജൂലൈ 15 തിങ്കൾ നടക്കേണ്ടിയിരുന്ന വിക്ഷേപണം സാങ്കേതിക തകരാറുകൾ മൂലം മാറ്റിവയ്ക്കുകയായിരുന്നു.​ തകരാറുകൾ പരിഹരിച്ചതിനെ തുടർന്നാണ് ചന്ദ്രനെ ലക്ഷ്യമാക്കി വീണ്ടും ചാന്ദ്രയാൻ – 2 കുതിക്കാനൊരുങ്ങുന്നത്.

Read More: ചന്ദ്രയാന്‍-2; ബഹിരാകാശത്ത് ഇന്ത്യയുടെ ‘ഗെയിം ചെയ്ഞ്ചർ’

വിക്ഷേപണത്തിന് മുന്നോടിയായുള്ള ലോഞ്ച് റിഹേഴ്സൽ ശനിയാഴ്ച രാത്രി പൂർത്തിയായിരുന്നു. ഇതിന് പിന്നാലെ എല്ലാ ഒരുക്കങ്ങളും പൂർത്തിയായെന്ന് ഒരു തവണ കൂടി ഉറപ്പാക്കിയ ശേഷമാണ് ഞായറാഴ്ച വൈകിട്ട് 6.43-ന് കൗണ്ട് ഡൗൺ തുടങ്ങിയത്. ഐഎസ്ആര്‍ഒയുടെ ചരിത്രത്തിലെ തന്നെ ഏറ്റവും സങ്കീര്‍ണമായ ദൗത്യമാണ് ചന്ദ്രയാന്‍-2. ആദ്യ ചാന്ദ്രദൗത്യമായ ചന്ദ്രയാന്‍-1 വിജയകരമായി വിക്ഷേപിച്ചതിന്റെ തുടര്‍ച്ചയാണ് ചന്ദ്രയാന്‍ 2.

Live Blog

Chandrayaan-2 Launch Live, ISRO Chandrayaan-2 Moon Mission Launch Live Streaming Online Updates:














16:31 (IST)22 Jul 2019





















എല്ലാ ഇന്ത്യക്കാർക്കും അഭിമാന നിമിഷം, അഭിനന്ദിച്ച് നരേന്ദ്ര മോദി

ചന്ദ്രയാൻ 2 വിന്റെ വിജയകരമായ വിക്ഷേപണത്തിൽ പ്രധാനമന്ത്രി നരേന്ദ്ര മോദി അഭിനന്ദിച്ചു.

16:29 (IST)22 Jul 2019





















ചന്ദ്രയാൻ 2 വിക്ഷേപണം വീക്ഷിച്ച് പ്രധാനമന്ത്രി

ചന്ദ്രയാൻ 2 വിന്റെ വിക്ഷേപണം പ്രധാനമന്ത്രി നരേന്ദ്ര മോദി വീക്ഷിക്കുന്നു

16:28 (IST)22 Jul 2019





















ഐഎസ്ആർഒ ശാസ്ത്രജ്ഞരെ അഭിനന്ദിച്ച് രാഷ്ട്രപതി

ശ്രീഹരിക്കോട്ടയിൽനിന്നുളള ചന്ദ്രയാൻ 2 വിന്റെ വിക്ഷേപണം എല്ലാ ഇന്ത്യക്കാർക്കും അഭിമാനകരമായ നിമിഷമാണെന്ന് രാഷ്ട്രപതി രാംനാഥ് കോവിന്ദ്. ഇതിനു പിന്നിൽ പ്രവർത്തിച്ച എല്ലാ ശാസ്ത്രജ്ഞരെയും എൻജിനീയർമാരെയും അഭിനന്ദിക്കുന്നു.

15:10 (IST)22 Jul 2019





















ചന്ദ്രനിലേക്കുളള ചരിത്ര യാത്രയ്ക്ക് തുടക്കമായി: ഐഎസ്ആർഒ ചെയർമാൻ

ചന്ദ്രനിലേക്കുളള ചരിത്ര യാത്രയ്ക്ക് തുടക്കമായെന്ന് ഐഎസ്ആർഒ ചെയർമാൻ കെ.ശിവൻ. സതീഷ് ധവാൻ സ്‌പേസ് സെന്ററിൽ ശാസ്ത്രജ്ഞരുടെ വിജയാരവം.

15:06 (IST)22 Jul 2019





















ചന്ദ്രയാൻ 2, ജിഎസ്എൽവിയിൽനിന്ന് വേർപെട്ടു

ജിഎസ്എൽവി മാർക് 3 യിൽനിന്ന് ചന്ദ്രയാൻ വേർപെട്ട് ഭൂമിയുടെ ഭ്രമണപഥത്തിലെത്തി. ചന്ദ്രയാൻ രണ്ടിൽനിന്ന് ആദ്യ സിഗ്നലുകൾ ഭൂമിയിലെത്തി.

15:03 (IST)22 Jul 2019





















ചന്ദ്രയാൻ 2 വിക്ഷേപണം വിജയകരമെന്ന് ഐഎസ്ആർഒ

ചരിത്രത്തിലേക്ക് കാലെടുത്തുവച്ച് ഐഎസ്ആർഒ. ഇ​ന്ത്യ​യു​ടെ ര​ണ്ടാം ചാ​ന്ദ്ര​പ​ര്യ​വേ​ക്ഷ​ണ ദൗ​ത്യം ചന്ദ്രയാൻ-2 വിക്ഷേപണം വിജയകരമെന്ന് ഐഎസ്ആർഒ അറിയിച്ചു. ചന്ദ്രയാൻ 2 ഭൂമിയെ വലംവച്ചു തുടങ്ങി. 23 ദിവസമായിരിക്കും പേടകം ഭൂമിയെ വലംവയ്ക്കുക. അതിനുശേഷം ചന്ദ്രന്റെ ഭ്രമണപഥത്തിൽ പ്രവേശിക്കും.

15:01 (IST)22 Jul 2019





















സഞ്ചാരം ശരിയായ പാതയിൽ

റോക്കറ്റിന്റെ സഞ്ചാരം ശരിയായ പാതയിൽ. മികച്ച തുടക്കമെന്ന് ഐഎസ്ആർഒ.

14:51 (IST)22 Jul 2019





















സ്ട്രാപോൺ റോക്കറ്റുകൾ വേർപെട്ടു

ദ്രവ ഇന്ധനഘട്ടം പ്രവർത്തിച്ചു തുടങ്ങി. സ്ട്രാപോൺ റോക്കറ്റുകൾ വേർപെട്ടു. 16 മിനിറ്റ് 23 സെക്കൻഡിൽ ചന്ദ്രയാൻ 2 വിക്ഷേപണ വാഹനത്തിൽനിന്ന് വേർപെടും.

14:45 (IST)22 Jul 2019





















ചന്ദ്രയാൻ-2 വിക്ഷേപിച്ചു

ഇ​ന്ത്യ​യു​ടെ ര​ണ്ടാം ചാ​ന്ദ്ര​പ​ര്യ​വേ​ക്ഷ​ണ ദൗ​ത്യം ചന്ദ്രയാൻ-2 വിക്ഷേപിച്ചു. ഉച്ചയ്ക്ക് 2.43 ന് സതീഷ് ധവാൻ സ്പേസ് സെന്ററിലെ രണ്ടാം വിക്ഷേപണത്തറയിൽനിന്നാണ് ജിഎസ്എൽവി മാർക്ക് 3 റോക്കറ്റ് ചന്ദ്രയാൻ പേടകവുമായി കുതിച്ചുയർന്നത്.

14:32 (IST)22 Jul 2019





















ചന്ദ്രയാൻ-2വിന്റെ വിക്ഷേപണം അൽപസമയത്തിനകം

ഇ​ന്ത്യ​യു​ടെ ര​ണ്ടാം ചാ​ന്ദ്ര​പ​ര്യ​വേ​ക്ഷ​ണ ദൗ​ത്യം ചന്ദ്രയാൻ-2വിന്റെ വിക്ഷേപണം അൽപസമയത്തിനകം. ഉച്ചയ്ക്ക് 2.43 ന് സതീഷ് ധവാൻ സ്പേസ് സെന്ററിലെ രണ്ടാം വിക്ഷേപണത്തറയിൽനിന്ന് ജിഎസ്എൽവി മാർക്ക് 3 റോക്കറ്റ് ചന്ദ്രയാൻ പേടകവുമായി കുതിച്ചുയരും.

14:23 (IST)22 Jul 2019





















ഭൂമിയെ വലം വയ്ക്കുക 23 ദിവസം

23 ദിവസമായിരിക്കും ചന്ദ്രയാൻ 2 പേടകം ഭൂമിയെ വലം വയ്ക്കുക. 8 ദിവസമെടുത്താണ് (ഓഗസ്റ്റ് 20) ചന്ദ്രന്റെ ഭ്രമണപഥത്തിൽ പ്രവേശിക്കുക. സെപ്റ്റംബർ രണ്ടിന് ഓർബിറ്ററിൽനിന്ന് ലാൻഡർ വേർപെടും. സെപ്റ്റംബർ മൂന്നിന് ലാൻഡർ ചന്ദ്രന്റെ 30 കിലോമീറ്റർ അടുത്തെത്തും. സെപ്റ്റംബർ 7 ന് ലാൻഡർ ചന്ദ്രോപരിതലത്തിൽ ഇറങ്ങും.

14:19 (IST)22 Jul 2019





















വിക്ഷേപണം മാറ്റിവച്ചത് ഇന്ധന ചോർച്ചയെ തുടർന്ന്

കഴിഞ്ഞ 15 ന് പുലർച്ചെ 2.15 നായിരുന്നു ചന്ദ്രയാൻ 2 വിക്ഷേപണം നിശ്ചയിച്ചിരുന്നു. എന്നാൽ അവസാന മണിക്കൂറിൽ വിക്ഷേപണ വാഹനമായ ജിഎസ്എൽവി മാർക് 3 റോക്കറ്റിന്റെ ക്രയോജനിക് സ്റ്റേജിൽ ഹീലിയം വാതകം ചോർച്ച ഉണ്ടായതിനെത്തുടർന്ന് ഇന്നത്തേക്ക് മാറ്റുകയായിരുന്നു.

14:17 (IST)22 Jul 2019





















ചന്ദ്രയാൻ 2 വിക്ഷേപണത്തിനുള്ള കൗണ്ട് ഡൗൺ ഇന്നലെ തുടങ്ങി

ചന്ദ്രയാൻ 2 വിക്ഷേപണത്തിനുള്ള കൗണ്ട് ഡൗൺ ഇന്നലെ വൈകിട്ട് 6.43നാണ് തുടങ്ങിയത്. വിക്ഷേപണത്തിനു മുൻപുളള റിഹേഴ്സൽ വിജയകരമായി പൂർത്തിയായിരുന്നു.

14:11 (IST)22 Jul 2019





















ചന്ദ്രയാൻ-2: ഇ​ന്ത്യ​യു​ടെ ര​ണ്ടാം ചാ​ന്ദ്ര​പ​ര്യ​വേ​ക്ഷ​ണ ദൗ​ത്യം

ഇ​ന്ത്യ​യു​ടെ ര​ണ്ടാം ചാ​ന്ദ്ര​പ​ര്യ​വേ​ക്ഷ​ണ ദൗ​ത്യമാണ് ചന്ദ്രയാൻ-2. ഐഎസ്ആര്‍ഒയുടെ ചരിത്രത്തിലെ തന്നെ ഏറ്റവും സങ്കീര്‍ണമായ ദൗത്യമാണ് ചന്ദ്രയാന്‍-2. ആദ്യ ചാന്ദ്രദൗത്യമായ ചന്ദ്രയാന്‍-1 വിജയകരമായി വിക്ഷേപിച്ചതിന്റെ തുടര്‍ച്ചയാണ് ചന്ദ്രയാന്‍ 2.

വിക്ഷേപണ തീയതി വൈകിയെങ്കിലും മുൻകൂട്ടി നിശ്ചയിച്ചതുപോലെ സെപ്റ്റംബർ ആറിന് തന്നെ ചാന്ദ്രയാൻ – 2 ചന്ദ്രനിൽ ഇറക്കാനാണ് ഐഎസ്‌ആർഒയുടെ തീരുമാനം. നേരത്തെ 28 ദിവസം വലം വച്ച ശേഷം ലാന്‍ററിനെ ചന്ദ്രനിൽ ഇറക്കാനായിരുന്നു തീരുമാനം. പുതിയ പദ്ധതി അനുസരിച്ച് ചന്ദ്രനെ ചുറ്റുന്നത് 13 ദിവസം ആയി കുറച്ചു. അതേസമയം, ആദ്യപദ്ധതിപ്രകാരം 17 ദിവസം ഭൂമിയെ ചുറ്റി വേണമായിരുന്നു പേടകം ചന്ദ്രനിലേക്കുള്ള യാത്ര തിരിക്കേണ്ടത്. ഇത് പുതിയ പ്ലാൻ പ്രകാരം 23 ദിവസമായി കൂടി. ഭൂമിയിൽ നിന്ന് ചന്ദ്രനിലേക്കുള്ള യാത്രയുടെ സമയം അഞ്ച് ദിവസമായിരുന്നത് പുതിയ പദ്ധതി പ്രകാരം ഏഴ് ദിവസം ആക്കിയും തിരുത്തി.

3290 കിലോ ഭാരമുള്ള പേടകത്തെ ലക്ഷ്യത്തിൽ എത്തിക്കാൻ ഉപയോഗിച്ചിരിക്കുന്നത് ജിഎസ്എല്‍വി മാര്‍ക്ക് ത്രി റോക്കറ്റ് ആണ്. 384,400 കിലോമീറ്റർ സഞ്ചരിച്ച് ചന്ദ്രന്റെ ഭ്രമണ പഥത്തിൽ എത്താൻ പേടകത്തിന് 53 ദിവസം വേണം. ചന്ദ്രന്റെ രാസഘടനയെ കുറിച്ചുള്ള വിശദമായ പഠനമാണ് ദൗത്യത്തിന്റെ പ്രധാന ലക്ഷ്യം. പ്രത്യേകിച്ച് ചന്ദ്രനിലെ ഹീലിയത്തിന്റെ അളവ് എത്രത്തോളമുണ്ടെന്ന് അറിയിക്കുകയാണ് ലക്ഷ്യം.

ചന്ദ്രനിലെ ജലസാന്നിധ്യം കണ്ടെത്തിയത് ഇന്ത്യയുടെ ചാന്ദ്രയാൻ ഒന്ന് പേടകമായിരുന്നു. 978 കോടി രൂപയാണ് ചെലവ്. 2008 ലെ ഒന്നാം ചന്ദ്രയാന്‍ ദൗത്യത്തില്‍ നിന്ന് ലഭിച്ച വിവരങ്ങളേക്കാള്‍ കൂടുതല്‍ വിവരങ്ങള്‍ ലഭിക്കുകയാണ് ചന്ദ്രയാന്‍ 2 ദൗത്യം കൊണ്ട് ലക്ഷ്യം വയ്ക്കുന്നത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Isro chandrayaan 2 launch live updates

Next Story
ഗാന്ധി കുടുംബത്തിന് പുറത്തുള്ളൊരാൾ കോൺഗ്രസ് അധ്യക്ഷനായാൽ 24 മണിക്കൂറിനകം പാർട്ടി പിളരും: നട്‌വർ സിങ്rahul gandhi, priyanka gandhi, sonia gandhi, ie malayalam
The moderation of comments is automated and not cleared manually by malayalam.indianexpress.com